जकरिया 7:3 - लिम्बु3 हे़क्केलॽरिक् मुक्साम्दाङ्बा यहवे दाङ्बे़ल्ले़ कुहिम्मोबा निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ अक्खे मे़मे़त्तुसिआङ् से़ःन्मे़लाप्तुसि, “माङ्हिम्मिन् मे़यन्छु मे़देसुबाल्ले़ चोगुल्ले़ यरिक् तङ्बे तगिआङ्धो चोगुम् युरुम्बे़बा हे़क्के थे ङासिगेक्पा लाओ आनिगे मे़रिङ् थक्मा नु तःक्ने़त् युङ्मा पोङ्बि?” Gade chapit la |
जकरिया 7:3
21 Referans Kwoze
मेःत् ये़म्बाॽग मे़न्नाॽसिङ्ङे मे़न्अत्छिङ्ङे सोरिक् इम्मा पोङ्लो॥ तुवा चोःक्मा फाॽआङ् कुभा ये़म्ले़ लागिरक् निङ्वाॽ तङ्माआङ् वेॽ वाॽमा पोङ्लो॥ हे़क्क्याङ् याम्मो खिनिॽग सोरिक् वये़म्मे़ॽओ मेःन्ने फाॽग्र याम्थक्निङ्वाॽ थम्मा मे़न्छुक्मना निङ्वाॽबाल्ले़ चोगुल्ले़ माफे़न्साम्मिल्ले़ लायो चोःक्मा के़बाङ्घिॽरो॥
यहवे दाङ्बे़ल्ले़ कुदगि याःम्बक् के़जोःक्पा निङ्वाॽफुसाम्बाहाॽ माङ्हिम्मोबा आःम्भोॽ नु ले़त्ति तोःम्मादे़न् लुम्मो मे़हाःप्लरो॥ खे़ङ्हाॽरे़ अक्खे मे़बाःत्तुर, “यहवे दाङ्बाए, के़मनाहाॽ से़ःप्ते़से़ॽओ॥ खे़ने़ॽ के़लक्खोमा मनाहाॽ कुनामे़न्छाॽ पोङ्मा चाहाक् नु मे़न्छाम् सुवाङ्हाॽ लुम्मो कुनामे़न्छाॽ पोङ्मा मे़बाङ्घे़से़न्ने़ॽओ॥ वेॽ सुवाङ्बा मनाहाॽरे़ थेआङ् अक्खे पाःप्मा मे़घोसुरबे? ‘खे़ङ्हाॽरे़ खुन्छिॽ निङ्वाॽफुमाङ्ङिन् आत्ति वाॽबे?’”
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
मनाहाॽरे़ माङ्हिम्मिम्ले़ कुबुङ् युङ्मा मे़हेःक्तुआङ् निङ्वाॽफुसाम्बाहाॽ चाङ् मे़जाक्सिङ् हे़क्क्याङ् हुक्को थुत्तुरिःप्पा मे़याङ्सिङ्ङाङ् खुन्छिॽ आबाङे ते़न्नो मे़ये़म्सिङ्॥ आसाप सयङ्बा ले़बिहाॽ खित्छिङ् खित्छिङ् के़लॽबा ताहिप्पिन् मे़याङ्सिङ्ङाङ् मे़ये़म्सिङ्॥ दाउद हाङ्ङिल्ले़ इङ्जाङ् चोगुबा थिम् कुइसिक् खे़ङ्हाॽरे़ यहवे दाङ्बाल्ले़ कुनारा मे़भोसुरो॥
Piblisite