जकरिया 6:5 - लिम्बु5 खे़न् माङ्लाइङ्बे़ल्ले़ नुगप् पिराङ्ङाङ् आङ्गाॽ मे़त्ताङ्, “कन्हाॽ साङ्ग्राम्पेदाङ्बा के़रे़क् पिसाङ् के़बेःक्पा लिसि सुरित् कजङ्सिरो, खे़ङ्हाॽ काक् इक्सादिङ् खाम्बेःक्मोबा दाङ्बे़ल्ले़ कुदगिलाम् मे़ये़म्सिङ्ङाङ् एगाङ् मे़लःन्दे़ मे़ये़बारो॥ Gade chapit la |
जकरिया 6:5
29 Referans Kwoze
खे़ब्याङ् खुने़ॽ आङ्गाॽ अक्खे मे़त्ताङ्, “नासिगे़न् थक्ला के़गप्पा मे़न्छाम् याप्मिए, सुरित् केजङ्ङिन् माङ्निङ्वाॽपान् इङ्घङ् मे़त्ते़ॽ॥ माङ्निङ्वाॽपान् इङ्घङ् पारे़ॽआङ् अक्खे मे़त्ते़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—साःङ्गोगे़न् सक्माए, के़रे़क् पिसाङ्बा सुरित् केजङ्हाॽलाम् त्ये़ॽओ! कन् कुसिवे़त् नासिगे़न् थक्हाॽओ सक्मा सोःन्छिङ्ङे़ॽ हे़क्केलॽरिक् खे़ङ्हाॽ याम्मो कुहिङ्वे़त् मे़बोङ्लरो॥’”
खुने़ॽ कुदगिलाम् के़लःम्बार के़बप्पा मि के़दिःप्पा वहःङ् थिक् कुक्से़आङ् ने़स्से़रो॥ हे़न्छिङ् हे़न्छिङ् मनाहाॽ माङ्से़वा मे़जोगे़रो, थिबोङ् हे़न्छिङ् ले़ङ् थिबोङ् हे़न्छिङ् मनाहाॽ खुने़ॽ कुदगि मे़ये़बे़रो॥ खासे़न्ले़ लागि खासे़न्हिम् चुम्लुङ् मे़युङे़रो, हे़क्क्याङ् साप्पन्हाॽ हरे़आङ् ने़स्से़रो॥
माङ्हिम् चोःक्मा याःम्बक्किन् चबे़ःत्छिक्लक् पोङ्ङिल्ले़ मनाहाॽ खुन्छिॽ सिक्खे़ङ् कर यरुबाबेलरे़ कुहुक्को कुसिःक्मा खिःन् मे़निसुल्ले़ खे़ङ्हाॽ मे़सःत्॥ माङ्लाइङ्बे़ल्ले़ मे़त्ताङ्, “कन् नुसि सेमिहाॽ यहवे दाङ्बे़ल्ले़ कुमिक्लो, खे़न् मिक्हाॽरे़ के़रे़क् इक्सादिङ् खाम्बेःक्मो ओमे़मे़त्तुआङ् पत्लो॥”
यहवे दाङ्बे़ल्ले़ मे़त्तु, “कोःक्माओ पेगे़ॽआङ् यहवे दाङ्बे़ल्ले़ कुदगि ये़बे़ॽ, थेआङ्भे़ल्ले़ यहवे दाङ्बे़न् खे़प्मोलाम् पेःक्मा चोःक्ल पत्॥” खे़ब्याङ् यहवे दाङ्बे़ल्ले़ कुदगि कुदगि लत्छा साॽरिक् यम्बा नु के़इक्सिङ्बा सुरित् केजङ्ङिन् कोःक्माहाॽ हे़रुर हे़क्क्याङ् याक्पेॽहाॽ खे़रुर खइक् खइक् इक्सिङ्भे़रे़, कर सुरित् केजङ्ङो यहवे दाङ्बे़न् होःप्ते़॥ सुरित् केजङ् हुःक्ते़बा एगाङ् लुप्लि थाङे़, कर लुप्लिओ यहवे दाङ्बे़न् मे़वये़ने़न्॥
खुने़ॽ कुमुक्साम्मो पोःक्काङ् एगाङ्, खुने़ॽ कुहाङ्जुम्मिन् खे़ःक्काङ् कुलक् लिसिओ पःङ्ॽ॥ खुने़ॽ कुस्साहाॽरे़ खे़न् मे़ङ्घोसुन्ॽ, खुने़ॽ युक् चोगु कत्तुबे़न्नाङ् कुस्साहाॽरे़ मे़ङ्घोसुन्ॽ, हे़क्क्याङ् खुने़ॽ हाङ्युक् चोगुल्ले़ हाङ्जुम्मिन् कुमुक् यागे़बा हे़क्के कुमुक् के़याक्पा मे़बोङ्ने़न्, थेआङ्भे़ल्ले़ खुने़ॽ कुहाङ्जुम्मिन् कुसाःप्पोनुए हाॽयाक् मे़आःक्खुआङ् वेॽहाॽ मे़बिरुसिॽ॥
Piblisite