जकरिया 6:12 - लिम्बु12 मुक्साम्दाङ्बा यहवे दाङ्बे़ल्ले़ अक्खे पाःत्तुॽ फाॽआङ् खे़न् मे़त्ते़ॽ—‘ओमे़त्ते़ॽ, कन् मनाःल्ले़ कुमिङ्ग पोराःक्लो, खे़न् आप्फेक् कुयुक्नादे़न्नो पोआङ् यहवे दाङ्बे़ल्ले़ कुहिम्मिन् चोगुॽ॥ Gade chapit la |
जकरिया 6:12
37 Referans Kwoze
यहवे दाङ्बे़ल्ले़ पाःत्तुॽ, “अक्तङ्बा ये़न्हाॽ तार पत्लो, हे़क्केःल्ले़ आङ्गाॽ दाउद हाङ्ङिल्ले़ कुधिन्दाङ् सायोबोराहाॽलाम् साम्योबा कुबोराक् थिक् लःन्ल याःन्दुङ्लो॥ खे़न् हाङ् पोङ्ङाङ् सिक्कुम् निङ्वाॽ नु हाङ् चोगुरो खे़म्ब्याङ् लाजेॽओ कुदोःप्मा खासे़न् नु के़वाॽबा याःम्बक् चोगुरो,
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“मुक्साम्दाङ्बा यहवे दाङ्बे़ल्ले़ कुहिम्मिल्ले़ कुबुङ् मे़युक्खुल्ले़ खे़प्मो के़वाॽबा माङ्निङ्वाॽपान् के़बाःप्पाहाॽरे़ ‘माङ्हिम्मिन् चोःक्मा के़सुक्तुम्ल’ फाॽआङ् मे़बाःत्तुबा पाःन्निन् आल्लो कप्मो के़वाॽबाहाॽरे़ के़घे़प्सुम्ल के़वयिॽ॥
हे़क्क्याङ् खुने़ॽ खे़ङ्हाॽरे़ खुन्छिॽ नुॽमादामारे़ कुबुङ् पोङ्लो॥ आल्ल अस्सुरिहाॽरे़ आनिॽ लाजेन् मे़लिसु मे़दारुल्ले़ हे़क्क्याङ् आनिॽ थेःक्सिङ्मा हाङ्यक्हाॽ मे़लुःन्दुल्ले़ खे़ङ्हाॽरे़ खुन्छिॽ तक्ले़ङ्वाओ नुसि मे़ल्लुक्कम्बाहाॽ इग्र ये़त्छि लाम्लोबाहाॽ आनिॽ आभोःक्खुम्सिम्लो॥
मनाहाॽरे़ माङ्हिम्मिम्ले़ कुबुङ् युङ्मा मे़हेःक्तुआङ् निङ्वाॽफुसाम्बाहाॽ चाङ् मे़जाक्सिङ् हे़क्क्याङ् हुक्को थुत्तुरिःप्पा मे़याङ्सिङ्ङाङ् खुन्छिॽ आबाङे ते़न्नो मे़ये़म्सिङ्॥ आसाप सयङ्बा ले़बिहाॽ खित्छिङ् खित्छिङ् के़लॽबा ताहिप्पिन् मे़याङ्सिङ्ङाङ् मे़ये़म्सिङ्॥ दाउद हाङ्ङिल्ले़ इङ्जाङ् चोगुबा थिम् कुइसिक् खे़ङ्हाॽरे़ यहवे दाङ्बाल्ले़ कुनारा मे़भोसुरो॥
माङ्हिम् मे़जोगुबादे़न् यरुसले़ःम्मो खे़ङ्हाॽ मे़गे़रे़ मे़द्ये़बा निसिगेक्पा तङ्बेओबा निसिगेक्पा लाओ खे़ङ्हाॽरे़ याःम्बक् चोःक्मा मे़हेःक्तु॥ यरुबाबेल, येसुआ नु खे़ङ्हाॽरे़ के़रे़क् आबाङे खुन्छिॽ लाजेॽबा तेःङ्जुम्हाॽ, निङ्वाॽफुसाम्बाहाॽ हे़क्क्याङ् ले़बिहाॽ नु से़क्खाःल्ले़ मे़दे़म्सु मे़देॽरुसिबालाम् यरुसले़ःम्मो के़नुःङ्बा के़दाबा के़रे़क् मनाहाॽ खे़न् याःम्बक्को मे़भन्छिङ्॥ निबोङ् तङ्बे इग्र खे़न्नुःल्ले़ यरिक् तङ्बे के़गे़प्पा के़रे़क् ले़बिहाॽ माङ्हिम्मिन् याम्मो चोःक्मा याःम्बक्को लक्पे़न्साबा पोङ्मारे़ लागि मुरा मे़मे़त्तुसि॥
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
Piblisite