जकरिया 5:3 - लिम्बु3 खे़ब्याङ् खुने़ॽ आङ्गाॽ मे़त्ताङ्, “कन् साप्लाथःङ्मो लाजेॽओ के़रे़क् थामा के़इःप्पा साक्मुरा माङ्देन् पत्, थेआङ्भे़ल्ले़ कल्ले़ थिक्नाहाङ् पिसाङ् पाःत्तुबा कुइसिक् के़रे़क् खुःन्द्रिक्पाहाॽ लाजेॽलाम् लाःक्कात् मे़लःत्तुसिॽ, हे़क्क्याङ् वेॽ ले़प्माङ् पाःत्तुबा कुइसिक् इङ्ले़क् माङ्गे़हे़क्सिङ्बाहाॽ खक्पे़त् लाजेॽलाम् लाःक्कात् मे़लःत्तुसिॽ॥ Gade chapit la |
जकरिया 5:3
42 Referans Kwoze
“याकुबरे़ कुमुॽइदाङ्सासे, खे़निॽग इस्राइल मिङ्लाम् के़म्उःत्तिआङ् के़वयिरो, हे़क्क्याङ् यहुदारे़ कुधाःक्लाम् के़द्ये़ॽइबारो॥ यहवे दाङ्बे़ल्ले़ कुमिङ्ङो खे़निॽ माङ्गे़हे़क्कासिरो हे़क्क्याङ् इस्राइलबा निङ्वाॽफुमाङ्ङिल्ले़ कुमिङ्ङो पेलिगे़न् तुवा के़जोगिरो, कर से़क्खा नु साम्योनिमो के़न्जोगुम्मिल्लो॥
कल्ले़चोगुल्ले़ लत्छा माङ्देधिक्ले़ इक्सादिङ् खाम्बेःक्मान् खाप्पुथ्यःङ् पोङ्लो॥ हे़क्क्याङ् खे़न् इक्सादिङ् खाम्बेःक्मो के़युङ्बा मनाहाॽरे़ खुन्छिॽ आप्तिक्किल्ले़ खुम्दिङ् मे़घोसुरए पोङ्लो॥ पा कल्ले़चोगुल्ले़ योॽबा लाजेॽओ के़युङ्बा मनाहाॽरे़ मिमे़धिक्खु मे़से़रुसिरो, हे़क्क्याङ् चबे़ःत्छिक् मनाहाॽरक् मे़हिङे़ मे़याःक्ते़आङ् मे़वाॽरो॥
मुक्साम्दाङ्बा यहवे दाङ्बे़ल्ले़ उवा चोगुॽ, ‘आङ्गाॽ साक्मुरा माङ्दे पाङ्घुङ् तासुङ्ङाङ् वाॽ, हे़क्क्याङ् के़रे़क् खुःन्द्रिक्पाहाॽरे़ खुन्छिॽ हिम्मो नु आमिङ्ङो इङ्ले़क् माङ्गे़हे़क्सिङ्बाहाॽरे़ खुन्छिॽ हिम्मो खे़न् लाःत्, खम्भ्याङ् हिम्मो खे़न् याक् हे़क्क्याङ् खे़ल्ले़ खे़प्मोबा सिङ् नु लुङ्हाॽ ने़प्माङ् खाप्पुथ्यःङ् चोगुदेसुरो॥’”
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
से़क्खाए आनिॽ कन् पाःन्निङ्ग कुसिङ् निःप्माए पोङ्लो—साम्योथिम्मिङ्ग साम्योबा मनाहाॽरे़ लागि मेःन्, कर साम्योथिम् के़भेःम्बाहाॽ नु इङ्जाङ् मे़ङ्घे़म्मनाबाहाॽ, निङ्वाॽफुमाङ्ङिन् नसान् मे़न्जोःक्मनाबाहाॽ, लायोबाहाॽ, आसुत्थोहाॽ, साम्यो मे़न्इःप्मनाबाहाॽ, पा-मा के़से़प्पाहाॽ, मना के़से़प्पाहाॽ,
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
खे़ने़ॽ के़इङ्जाङ्ङिन् इःप्मा नाःप्मा मे़न्दे़न्ने़न्नाङ् के़रे़क् इस्राइलिहाॽरे़ खे़ने़ॽ के़साम्योथिम् इङ्जाङ्हाॽ मे़भेःन्दुआङ् वाॽ हे़क्क्याङ् खे़ने़ॽलाम् माःङ्घा मे़बोःक्खे़आङ् मे़वाॽ॥ “खे़ल्ले़चोगुल्ले़ निङ्वाॽफुमाङ्ङिल्ले़ के़से़वारोबा मोसाःल्ले़ कुसाम्योथिम्मो साप्ते़आङ् के़बप्पा साक्मुरा माङ्देहाॽ नु माङ्हे़क् निःन्धो के़बोङ्बा पाःन्हाॽ आनिगे सम्धाङ् थ्ये़आङ् वाॽ, थेआङ्भे़ल्ले़ आनिगे खे़ने़ॽ के़दक्ले़ङ्वाओ लायो चोगुम्बे़आङ् वाॽ॥
याम्बोःप्मा याःम्बक् के़जोःक्पाहाॽरे़ लाजेन् मे़धिम्सुआङ् वाॽरो॥ खे़ङ्हाॽ फे़त्लाॽमा ताप्फे़ःम्बा हिङ्मन्नो मे़वाॽरो हे़क्क्याङ् माङ्निङ्वाॽपान् के़बाःप्पाहाॽरे़ खुन्छिॽ मुक्साम्मिन् पिर्बेःम्बा लाम्मो ओगप् मे़जोगुरो॥ यहवे दाङ्बे़ल्ले़ कुसाक्मुरा माङ्देःल्ले़ चोगुल्ले़ लाजेन् मे़रिङ् थक्लो हे़क्क्याङ् चाराम्मादे़न्हाॽआङ् हेरे़बेआङ् ने़रो॥
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
Piblisite