जकरिया 4:6 - लिम्बु6 कल्ले़चोगुल्ले़ खुने़ॽ मे़त्ताङ्, “यरुबाबेलरे़ कुलागि यहवे दाङ्बे़ल्ले़ कुबाःन्जाक् कन् वाॽ—‘थुम्मे़ल्ले़आङ् मेःन् मुक्साम्मिल्ले़आङ् मेःन्, कर आङ्गाॽ आयाम्साम्मिल्ले़,’ मुक्साम्दाङ्बा यहवे दाङ्बे़ल्ले़ पाःत्तुॽ॥ Gade chapit la |
जकरिया 4:6
33 Referans Kwoze
खे़ब्याङ् आसाःल्ले़ यहवे दाङ्बा खुने़ॽ कुनिङ्वाॽफुमाङ्ङिन् पेलि फाक्तुआङ् मे़त्तु, “यहवे दाङ्बाए, के़धुम्बे़न्नु थक्मारे़ लागि मे़न्धुम्मनाबा आक्तङ्बा मनाहाॽसाङ् के़भाॽबाग आदाङ्बा हे़क्तङ्बा वेॽ हाःत्ताङ् होप्॥ यहवे दाङ्बा आनिगे निङ्वाॽफुमाङ्ङे, आनिगे आभाॽरे़, थेआङ्भे़ल्ले़ आनिगे आदाङ्बारे़ के़लाम् ओमे़त्तुम्बे़आङ् वयिगे़ॽ॥ आनिगे आदाङ्बारे़ए के़मिङ्ङो कन् यरिक् थक्सुबाहाॽनु थक्से़ फे़रिगे़आङ् वयिगे़॥ यहवे दाङ्बाए, आदाङ्बा आनिगे निङ्वाॽफुमाङ्ने़रो, कल्ले़चोगुल्ले़ आत्तिन् मनाःन्नाङ् आदाङ्बारे़ के़दक्ले़ङ्वाओ मे़ये़प्ने़न्लरो॥”
खुनिॽ माङ्से़वान् आबाङे खे़ङ्हाॽरे़ लागि मेःन्, कर खिनिॽ लागि फाॽआङ् निङ्वाॽफुमाङ्ङिल्ले़ ओसेःन्धाक्तुसिरो॥ हे़क्क्याङ् आल्ल कन् ये़म्मोबा मनाहाॽरे़ साङ्ग्राम्पेदाङ्लाम् के़युःबा सेसेमाङ्ङिल्ले़ कुमुक्साम्लाम्बा सुनाइङ्ङिन् इङ्गे़म्भोसिरो॥ माङ्लाइङ्बाहाॽरे़आङ् कन् पाःन्हाॽ ओमे़प्मा साॽरिक् निङ्वाॽ मे़जोगुआङ् मे़वये़॥
मनाहाॽरे़ माङ्हिम्मिम्ले़ कुबुङ् युङ्मा मे़हेःक्तुआङ् निङ्वाॽफुसाम्बाहाॽ चाङ् मे़जाक्सिङ् हे़क्क्याङ् हुक्को थुत्तुरिःप्पा मे़याङ्सिङ्ङाङ् खुन्छिॽ आबाङे ते़न्नो मे़ये़म्सिङ्॥ आसाप सयङ्बा ले़बिहाॽ खित्छिङ् खित्छिङ् के़लॽबा ताहिप्पिन् मे़याङ्सिङ्ङाङ् मे़ये़म्सिङ्॥ दाउद हाङ्ङिल्ले़ इङ्जाङ् चोगुबा थिम् कुइसिक् खे़ङ्हाॽरे़ यहवे दाङ्बाल्ले़ कुनारा मे़भोसुरो॥
नाम्मिल्ले़ कुसिगाङ् आङ्गाॽ वेॽ पाःन्धिक्काङ् निसुङ्ङाङ् वाॽरो॥ लोःक्चाःत्तो हारा के़जाप्पार के़लोःक्पाहाॽरे़ लोःक्चाःत्तिन् मे़न्नाःन्दुन्लो हे़क्क्याङ् मुक्के़गुबाहाॽरे़आङ् ए़त्ले़ङ् थङ्ङिन् मे़न्नाःन्दुन्लो॥ सिक्कुम्निबा मनाहाॽरे़ सदादिङ् साप्पोक् हिङ्मा हिम्ब्राम् चोःक्मा मे़न्छुक्तुन्लो, चाःप्पा मनाहाॽरे़ सदादिङ् याङ्साकुन्धे थक्मा मे़न्छुक्तुन्लो हे़क्क्याङ् सुम्बोधाबा मनाहाॽ सदादिङ् यम्बा ताक्फेओ मे़ङ्गे़त्ने़न्लो॥ ये़म्मिन् नु सुये़म्मिन् के़रे़क् सम्धाङ् तामा सुक्लो॥
यहवे दाङ्बे़ल्ले़ कुबाःन्जाक् के़बप्पा साप्कित्तो ओमे़त्ते़म्मे़ॽआङ् निरे़म्मे़ॽओ॥ कन् थक्सा पुसाहाॽओ लत्थिक्काङ् मे़म्माने़न्लो, कुगाप् खोमारे़ लागि आत्तिल्ले़आङ् के़साक्पा मे़दुमुन्लो, थेआङ्भे़ल्ले़ कङ्ग यहवे दाङ्बे़ल्ले़ कुम्ब्राःल्ले़ इङ्जाङ् चोगुबारो, खे़ब्याङ् खुने़ॽ कुयाम्साम्मिल्ले़ खे़ङ्हाॽ थिक्ले़ङ्ले़ सोरिक् फुक्खुसिरो॥
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
Piblisite