जकरिया 3:4 - लिम्बु4 खे़ब्याङ् खे़न् माङ्लाइङ्बे़ल्ले़ खुने़ॽ कुदगि के़ये़प्पाहाॽ मे़त्तुसि, “कन् मनाःल्ले़ मक्वा इसेःङ्बा कुजाङ्ङिन् फे़न्दे़म् पिरे़म्मे़ॽ॥” खम्भ्याङ् खे़ल्ले़ यहोसुन् मे़त्तु, “ओमे़त्ते़ॽ, आङ्गाॽ खे़ने़ॽ के़लायोन् खे़त्तुङ् पिने़आङ् वाॽ हे़क्क्याङ् आङ्गाॽ खे़ने़ॽ इमे़ल्लुङ्बा चाङ्हाॽ चाक्ने़आङ् वाॽ॥” Gade chapit la |
जकरिया 3:4
34 Referans Kwoze
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
“मुक्साम्दाङ्बा यहवे दाङ्बे़ल्ले़ अक्खे पाःत्तुॽ, ‘खे़ने़ॽ आङ्गाॽ आलाम्मो लाङ्गे़घेःक् हे़क्क्याङ् खे़ने़ॽ चोःक्मा के़बोङ्बा याःम्बक्हाॽ के़जोगुने़भग्र, खे़ने़ॽ आङ्गाॽ आहिम् ओगे़मे़प्पा नु आङ्गाॽ आलक्खुम्मिन् कम्ब्राङ् के़मे़प्पा के़बोङ्ॽ, हे़क्क्याङ् कप्मो कन् के़ये़प्पाहाॽरे़ खुन्छिॽ लुम्मो आङ्गाॽ खे़ने़ॽ लत्छा ताक्फा पिने़रो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
थिक्ले़ङ् निङ्वाॽफुसाम्बाहाॽ सेसेबादे़न्नो मे़लाःत्ताङ् माङ्से़वा याःम्बक् मे़जोःक्किल्ले़ मे़जाक्खुबा चाङ्हाॽ खे़प्मो मे़म्भे़न् मे़न्धाए खे़प्मोलाम् लाःक्कात् लक्खुम्मो लःम्मा मे़नुॽने़न्ॽ, थेआङ्भे़ल्ले़ खे़न् चाङ्हाॽ सेसेबा चोक्॥ मनाहाॽ चुम्मारे़ लागि मे़जोगुबादे़न्हाॽरे़ कुनिःत्ताङ् तामानुःल्ले़ तगि खे़ङ्हाॽरे़ वेॽसमा चाङ् मे़जाक्खुर पोङ्लो॥”
Piblisite