जकरिया 2:9 - लिम्बु9 से़क्खाए आङ्गाॽ आहुक्किल्ले़ खे़ङ्हाॽ खुन्छिॽ तक्ले़ङ्वाओ साःप्सुङ्सिङ्ॽ, हे़क्क्याङ् खे़ङ्हाॽ खुन्छिॽ निङ्मिहाॽरे़ मे़नाःत्तुसिॽ,” यहवे दाङ्बे़ल्ले़ उवा चोगुॽ॥ खे़ब्याङ् मुक्साम्दाङ्बा यहवे दाङ्बे़ल्ले़ आङ्गाॽ पाङ्घाङ्बा फाॽआङ् खिनिॽ निङ्वाॽ के़घोसुम्ॽ॥ Gade chapit la |
जकरिया 2:9
30 Referans Kwoze
खे़न् माःङ्घा माःङ्घा के़युङ्बाहाॽ मे़दाआङ् यहवे दाङ्बे़ल्ले़ कुहिम्मिन् चोःक्मा मे़भाॽरुसिॽ, हे़क्क्याङ् मुक्साम्दाङ्बा यहवे दाङ्बे़ल्ले़ आङ्गाॽ खिनिॽओ पाङ्घाङ्बा फाॽआङ् कुसिङ् के़निःत्तुम्ॽ॥ खिनिॽ निङ्वाॽ के़बिरुम्माङ् यहवे दाङ्बा खिनिॽ निङ्वाॽफुमाङ्ङिल्ले़ कुइङ्जाङ्हाॽ के़इःत्तुम् के़नाःत्तुम्ने़भग्र कन् पाःन्हाॽ पोङ्लो॥
खे़ङ्हाॽरे़ इक्ताप्हाॽलाम् इग्र ताम्भुङ्हाॽओलाम् सिङ् आःप्मा चाहा मे़जोःक्ने़न्ॽ, थेआङ्भे़ल्ले़ खे़ङ्हाॽ चाहा मे़जोःक्पा के़रे़क् सिङ्हाॽ कन् खजुम्घया फे़जुम्भे़याहाॽरे़ खुन्छिॽ योरुसिॽ॥ खुन्छिॽ के़नाप्पाहाॽ खे़ङ्हाॽरे़ याङ्ना मे़नाप्तुसिॽ, खुन्छिॽ के़घुःप्पाहाॽ खे़ङ्हाॽरे़ मे़घुःत्तुसिॽ॥” मुक्साम्दाङ्बा यहवे दाङ्बे़ल्ले़ पाःत्तुरो॥
इक्सादिङ् खाम्बेःक्कोबा मे़न्छाम् सुवाङ्हाॽरे़ यहवे दाङ्बे़ल्ले़ कुमनाहाॽ नुःङ्मा पेःक्मा मे़भाॽरुसिरो, हे़क्क्याङ् यहवे दाङ्बे़ल्ले़ कुलाजेॽओ युङ्से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्बक् मे़जोगु मे़बिरुसिरो॥ खे़न् इस्राइलिहाॽ के़दे़म्बा के़घेःङ्बाहाॽ इस्राइलिहाॽरे़ मे़दे़म्सु मे़घेःक्खुसिरो, खे़ब्याङ् इस्राइलिहाॽरे़ खुन्छिॽ निङ्मिहाॽ सम्धाङ् युक् मे़जोगुरो॥
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
ले़बनानबा ताम्भुङ्हाॽ खे़ने़ॽ के़ले़ःक्खुआङ् ने़रो, आल्ल खे़ने़ॽ खे़ङ्हाॽरे़ के़म्ले़ःङ्लो॥ खे़प्मोबा थक्साहाॽ खे़ने़ॽ के़से़रुसिरो आल्ल खे़न् थक्साहाॽरे़ खे़ने़ॽ यङ्मा के़म्से़त्लो॥ कन्हाॽ के़रे़क् पोङ्ॽ थेआङ्भे़ल्ले़ मनाहाॽरे़ खुन्छिॽ माक्खिॽ के़से़सुरो, खे़ब्याङ् खे़ने़ॽ लाजेॽहाॽ नु ये़क्यक्हाॽ हे़क्क्याङ् खे़प्मो के़युङ्बाहाॽ के़रे़क् के़मे़क्खुसिरो॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
खे़निॽ वालाधाहाॽ इघेःङ्मा थाक्पाहाॽ वाःङ्सःक्सःक्पा पोःक्खे़आङ् पत्लो, मनाहाॽरे़ खे़ल्ले़ कुदक्मा सित्लाङ्हाॽ मे़म्मुन्ने युङ्मा मे़न्छुक्तुन्लो॥ खे़ङ्हाॽरे़ सुरित् चे़प्मा चिरिक्किन् खिङ्मा मे़न्छुक्तुन्लो, खे़ब्याङ् मे़नाप्तु मे़दारुसिबा यरिक् चिगक्वाहाॽ मे़भःक्खुरो॥ लाङ्सक्पाहाॽरे़आङ् खे़न् मे़नाप्तु मे़दारुसिबा चिगक्वाहाॽरे़ कुलक् मे़दाःक्तु मे़देॽरुरो॥
मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥
आङ्गाॽ आबेसाङ् त्ये़म्मे़ॽओ, हे़क्क्याङ् खे़निॽ कन् खे़प्से़म्मे़ॽओ— थिक्सिगेक्पा उवा पोःक्खे़आङ्धोए आङ्गाॽ स्वाःत्ताङ् पाःत्तुङ्बा होप्लो, खे़न् हिन्धोःक्किन् के़प्पा ये़म्मो आङ्गाॽ खे़ॽयो वाॽआरो॥” खे़ब्याङ् आल्ल यहवे दाङ्बे़ल्ले़ आङ्गाॽ खुने़ॽ कुयाम्साम्मिन्नु पाङ्घाङ्ङाङ् वाॽआरो॥
खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
मुक्साम्दाङ्बा यहवे दाङ्बे़ल्ले़ खे़ङ्हाॽ ताङ्से़ःप्तुसिरो हे़क्क्याङ् खे़ङ्हाॽरे़ निङ्मिहाॽ खाप्पुथ्यःङ् मे़जोगुसिरो, हे़क्क्याङ् अर्दोओबा लुङ्हाॽरे़ खे़ङ्हाॽ मे़नाःन्दुसिरो॥ खे़ङ्हाॽरे़ सोसोत्लराङ्ङो मे़ज मे़धुङुरो हे़क्क्याङ् मयुसिबा कुइसिक् मे़अःक्लो॥ खे़ङ्हाॽ ले़त्ति तोःम्मादे़न्निल्ले़ कुसुक्पाहाॽओ सामाक्खिॽ साङ्मा छे़ःङ्ग्यान् तिम्बा हे़क्के माक्खिल्ले़ ले़ःक्तुसिरो॥
Piblisite