जकरिया 2:8 - लिम्बु8 थेआङ्भे़ल्ले़, मुक्साम्दाङ्बा यहवे दाङ्बे़ल्ले़ आङ्गाॽ मिङ्सो इङ्धाङ् पिराङ्ङाङ् पाङ्घाङ्ङाङ् एगाङ् आत्तिन्हाॽरे़ खिनिॽ के़म्नाप्ति के़म्हिप्तिॽ, खुने़ॽ पाःत्तुॽ, “थेआङ्भे़ल्ले़ हाःत्ले़ खिनिॽ के़सुसिॽ खे़ल्ले़ आङ्गाॽ आमिक्हाङ्मे़न् सुसुॽ॥ Gade chapit la |
जकरिया 2:8
50 Referans Kwoze
मुरे़क् खारे़क्पा थेआङ् के़होप्पा ये़ःङ्घादे़न्नो, सुरित् केजङ् के़हुःक्पा थेआङ् के़होप्पादे़न्नो इक्लाःल्ले़ लोःक्खुबादे़न्नो खुने़ॽ खे़ङ्हाॽ खोसुसिरो॥ खुने़ॽ खे़ङ्हाॽ ताङ्से़ःप्तुसिरो हे़क्क्याङ् खुने़ॽ खे़ङ्हाॽ ओमे़त्तुसिरो, खुने़ॽ खे़ङ्हाॽ कुमिक्हाङ्मा हे़क्के कम्ब्राङ् मे़त्तुसिरो॥
मुक्साम्दाङ्बा यहवे दाङ्बे़ल्ले़ पाःत्तुॽ, “ओमे़त्ताम्मे़ॽ, आबाङे आङ्गाॽ आइङ्घङ् के़साबे़न् पाङ्घुङ्ॽ, हे़क्क्याङ् खे़ल्ले़ आङ्गाॽ आदगि आदगि लाम् यारिप् चोगुरो॥ खे़न् ये़म्मो खे़निॽ के़गोःत्तुम्बा दाङ्बे़न् हक्चघत् आबाङे कुहिम्मो तारो, खे़निॽ सिराॽगे़धाङ्बा माङ्हुप्पिल्ले़न् इङ्गे़साबे़न् तारो॥”
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
खे़न् मे़ल्लुक्कम्बाहाॽरे़ अस्सुर लाजेन् ताभेःल्ले़ युक् मे़जोगुरो निम्रोद लाजेन् फिःङ्मनाबा ताभेःल्ले़ मे़युक्तुरो॥ अस्सुरिहाॽ आनिॽ लाजेॽओ थङ् चोःक्से़ मे़भे़न्निल्ले़ हे़क्क्याङ् आनिॽ इःन्दोहाॽ खे़ङ्हाॽरे़ मे़दोॽरुल्ले़ आनिॽ युक्साबे़ल्ले़ अस्सुरिहाॽरे़ खुन्छिॽ हुक्कोलाम् ताङ्आसे़ःप्लो॥
यहवे दाङ्बे़ल्ले़ अक्खे पाःत्तुरो, “एदोमरे़ सुम्सि कुलायोहाॽ इग्र लिसिए कुलायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ खे़ल्ले़ के़रे़क् लुङ्माॽ तुक्मासि पाःन्निन् ले़रुदेसु हे़क्क्याङ् ताभेन् याङ्सिङ्ङाङ् कुन्साॽसि नाःत्तुसिबाल्ले़ चोगुल्ले़, हे़क्क्याङ् खे़ल्ले़ चक्मे़ल्लॽए कुसिक् पोगे़बा नु सदादिङ्ले़ लागि कुसाक्के़न्निन् पोगे़बाल्ले़ चोगुल्ले़,
यहवे दाङ्बे़ल्ले़ अक्खे पाःत्तुरो, “तुरोसबा सुम्सि लायोहाॽ इग्र लिसिए लायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ खे़ल्ले़ के़रे़क् मे़दे़म्सु मे़देॽरुसिबाहाॽ एदोमरे़ कुहुक्को थासुसिबाल्ले़ चोगुल्ले़ हे़क्क्याङ् फुॽनुसाॽहाॽ लुम्मोबा नादङ्ङिन् निङ्वाॽ मे़न्इःत्तुम्बाल्ले़ चोगुल्ले़,
“नासिगे़न् थक्ला के़गप्पा मे़न्छाम् याप्मिए, यरुसले़ःम्मिन् खाप्पुथ्यःङ् पोःक्खे़ल्ले़ तुरोसे़न् कुनिङ्वाॽ त्ये़आङ् सःत्ते़आङ् वाॽ, खे़ल्ले़ पाःत्तुॽ, ‘हाहो, खे़न् याङ्साकुन्धेसाबा ले़ङ्हङ् चोःक्मा यम्बा लाम्धेःत्तिन् लुःन्दे़आङ् ने़रो, हे़क्क्याङ् आङ्गाॽग लक्खोमाआरो! खे़न् चिजि खक्खक् मे़जोगुआङ् ने़बाल्ले़ चोगुल्ले़, आङ्गाॽ याङ्सा कुन्धेसामा पोङ्ङारो!’
ले़बनानबा ताम्भुङ्हाॽ खे़ने़ॽ के़ले़ःक्खुआङ् ने़रो, आल्ल खे़ने़ॽ खे़ङ्हाॽरे़ के़म्ले़ःङ्लो॥ खे़प्मोबा थक्साहाॽ खे़ने़ॽ के़से़रुसिरो आल्ल खे़न् थक्साहाॽरे़ खे़ने़ॽ यङ्मा के़म्से़त्लो॥ कन्हाॽ के़रे़क् पोङ्ॽ थेआङ्भे़ल्ले़ मनाहाॽरे़ खुन्छिॽ माक्खिॽ के़से़सुरो, खे़ब्याङ् खे़ने़ॽ लाजेॽहाॽ नु ये़क्यक्हाॽ हे़क्क्याङ् खे़प्मो के़युङ्बाहाॽ के़रे़क् के़मे़क्खुसिरो॥
यहवे दाङ्बे़ल्ले़ अक्खे पाःत्तुॽ, “आङ्गाॽ आबाङे आमना इस्राइलिहाॽ युक् चोःक्मारे़ लागि पिरुङ्सिङ्बा इस्राइल लाजेन् पेसाङ्बाहाॽरे़ मे़ङ्मा मे़गोःत्तुॽ आङ्गाॽ खे़ङ्हाॽनु कुभा पान् पाःप्मा कत्तुङ्ॽ॥ आङ्गाॽ खे़न् कुॽइगे़भे़म्बा थिम्मे़न्दङ् सुवाङ्हाॽ कुबुङ् आःङ्मनाबा हे़क्के आःक्खुङ्सिङ्ङाङ् खे़ङ्हाॽरे़ खुन्छिॽ लाजेॽलाम्बा नाःत्तुङ्सिङ्ॽ॥ यहुदाःन्नाङ् आङ्गाॽ खे़ङ्हाॽरे़ खुन्छिॽ लुम्मोलाम् हाॽयाक् आःक्खुङ्ॽ॥
के़रे़क् मे़न्छाम् सुवाङ्हाॽरे़ खुने़ॽ कुयाःम्बक् मे़जोगुॽ हे़क्क्याङ् खुने़ॽ कुसुवाङ्हाॽरे़ खुन्छिॽ मे़क्मा ये़म्मिन् मे़न्दाए थारिक् खे़ङ्हाॽरे़ खुने़ॽ कुस्सान् नु कुम्मे़न्छाॽइन् याःम्बक् मे़जोगु मे़बिरुसिॽ॥ खे़न् एगाङ् यरिक् सुवाङ्हाॽ नु यम्बयम्बा हाङ्हाॽरे़ बेबिलोने़न् मे़नाःन्दुआङ् खे़प्मो हाङ्युक् मे़जोगुॽ॥
उन्छोन् उन्छोन् खे़प्मो के़लाःप्पा के़बेःक्पाहाॽनु तङ्से़ आङ्गाॽ खे़ने़ॽ खे़मादिङ् यङ्सङ्ङो पाङ्ने़रो॥ सिमे़ल्ले़न् इक्सादिङ् खाम्बेःक्मोबा लुम्बाःत्तो के़लाःप्पाआङ् के़वाॽबाहाॽ कुइसिक्, खे़ने़ॽ के़ये़क्यक्किन् खाप्पुथ्यःङ् पोङ्ङाङ् इक्सादिङ् खाम्बेःक्माल्ले़ लुप्तु ने़स्सु॥ कुहिङ्वे़त्हाॽरे़ खुन्छिॽ कन् लाजेॽओ खे़ने़ॽ के़लागि इङ्धाङ् पिमादे़न् होप्॥
“खे़ल्ले़चोगुल्ले़, नासिगे़न् थक्ला के़गप्पा मे़न्छाम् याप्मिए, खे़ने़ॽ गोगरे़ कुदक्ले़ङ्वाओ माङ्निङ्वाॽपान् पाःत्ते़ॽ॥ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खुने़ॽ मे़त्ते़ॽ—आङ्गाॽ आमना इस्राइलिहाॽ खुन्छिॽ लाजेॽओ हाङ्हाङ् लॽरिक् सनारुङ् मे़युङ्ङिल्ले़, खे़ने़ॽ आप्फेक् निङ्वाॽ के़न्हे़त्छिङ्ङे़न्बि?
आङ्गाॽ मनाहाॽरक् मेःन्, कर थक्साहाॽआङ् फोसुङ्सिङ्ॽ॥ इस्राइलबा कोःक्मा फाङ्जङ् थे़गु माङ्वासे, खिनिॽ सम्धाङ् युङ्मारे़ लागि आङ्गाॽ याम्मो थिक्ले़ङ् मनाहाॽ तारुङ्सिङ्ॽ॥ तगिनुःल्ले़आङ् यरिक् खिनिॽ के़नुरि के़दासिर चोःक्निङ्ॽ॥ खे़म्ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
Piblisite