जकरिया 2:4 - लिम्बु4 हे़क्क्याङ् खुने़ॽ मे़त्ताङ्, “लोःक्ते़ॽर पेगे़ॽआङ् खे़न् थाङ्बे़न् मनान् मे़त्ते़ॽ, मनाहाॽ नु थक्साहाॽ यरिक् खानिःत् मे़वाॽबाल्ले़ चोगुल्ले़ यरुसले़ःम्मिन् लुङ्धाक् मेःन्नेबा ये़क्यक् पोङ्ॽ॥ Gade chapit la |
खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
आङ्गाॽ आसे़वारोबाहाॽरे़ खुन्छिॽ पाःन्निन् निःन्धो चोगुङ्लो, हे़क्क्याङ् आइङ्घङ् के़साबाहाॽरे़ खुन्छिॽ माङ्निङ्वाॽपान्निन् कुलिङ्दो के़त्तुङ्लो॥ आङ्गाॽ यरुसले़म ये़क्यक्किल्ले़ कुयाःम्बेओ अक्खे पाःत्तुङ्लो, ‘खे़न् मनाहाॽरे़ खुन्छिॽ युङ्मादे़न् पोङ्लो,’ आङ्गाॽ यहुदाबा ये़क्यक्हाॽरे़ कुयाःम्बेओ कम्भ पाःत्तुङ्लो, ‘खे़ङ्हाॽ याम्मो चोःक्मा पोङ्लो,’ आङ्गाॽ खे़न् मे़धुप्सु मे़यसुबादे़न्हाॽरे़ कुयाःम्बेओ अक्खे पाःत्तुङ्लो, ‘आङ्गाॽ याम्मो से़त्तुङ् चोगुङ्लो॥’
आनिॽ निःन्धो आजोगुम्बा तङ्नाम्हाॽरे़न् पाङ्जुम् सियोने़न् ओमे़त्ते़म्मे़ॽओ, खे़निॽ मिक्के़ल्ले़ यरुसले़म ये़क्यक्किन् निसुरो, चिजि ये़म्ये़म् के़लॽबा लत्छा युङ्मादे़न्, लत्छा साःङ्गाहिम्मे़न् आभे़ल्ले़आङ् मे़न्जत्छिङ् मे़म्बेःक्मनाबा चोक्लो, खे़ॽयोबा किल्लाहाॽ आप्फाल्ले़आङ् मे़न्आःक्खुन्लो, हे़क्क्याङ् थाक्पाहाॽ मे़म्भुॽरुन्लो॥
खे़न् नालिगे़न् थाङ्बे़न् मनाहाॽ खुन्छिॽ थक्ला लिङ्गे़न्नो थेआङ् के़गाःम्बा मे़म्बप्मना, पनुनुबा, के़रे़क् परिक्पा निसाम् हुॽसिङ्मा के़सुक्पा, सिक्कुम्दिङ् निङ्वाॽ के़गप्पा, हारा हुॽसिङ्मा के़सुक्पा नु हाङ्हिम्मो याःम्बक् चोःक्मा के़सुक्पा पोङ्मा के़बोङ्बा वये़॥ असपेनजरे़ खे़ङ्हाॽ बेबिलोनबा पाःन्दाङ् नु साप्सक् हुॽमासि के़बोङ्बा वये़॥
यरुसले़ःम्मिल्ले़ कुदक्ले़ङ्वाओ थङ् के़जोःक्पा के़रे़क् मे़न्छाम् सुवाङ्हाॽ यहवे दाङ्बे़ल्ले़ अक्तङ्बा लत्छा माङ्दुक्मे़ल्ले़ तरुसिर याःन्दुसिॽ—खे़ङ्हाॽ लाङ्ङिल्ले़ मे़दक्सिङ्ङाङ् मे़ये़प्पा ते़न्नोए खुन्छिॽ ने़क्सान् हर्गिॽ किबेक्, खे़ङ्हाॽरे़ खुन्छिॽ मिक्किन् खुन्छिॽ मिक्हङ्ङोए हर्गिॽ किबेक्, हे़क्क्याङ् खे़ङ्हाॽरे़ खुन्छिॽ ले़सोःत्ते़न् खुन्छिॽ मुराओए किबेःक्लो॥