जकरिया 2:2 - लिम्‍बु

² आङ्‌गाॽ सेःन्‍दोसुङ्, “आदाङ्‌बा आत्ति के़बेःक्‍ल के़बप्‍पाबे?” खे़ल्‍ले़ आङ्‌गाॽ मे़त्ताङ्, “यरुसले़ःम्‍मिन् सिःक्‍मारे़ लागि पेःक्‍काबा, खे़ल्‍ले़ कुलाम्‍तिःन् नु कुभे़रे़न् आक्‍खे़न् ने़इ फाॽआङ् ओमे़प्‍मारे़ लागि पेःक्‍कार पत्ता॥”

जकरिया 2:2 Referans Kwoze

इजकिएल 45:6

“‘सेसेदे़न्‍निन्‍नु सोसोरिक् ५,००० हुक्‍सिक् कुभे़रे़ नु २५,००० हुक्‍सिक् केःम्‍बा कुलाम्‍ति के़ने़बा, हे़क्‍क्‍याङ् सेसेदे़न्‍निल्‍ले़ कुयाओ के़ने़बा ते़ङ्‌गप् थिक् ये़क्‌यक्‍किल्‍ले़ कुलाजेॽ सिङ्‌बुङ् कुइसिक् एःक् से़न्‍दे़म्‍मे़ॽ, कन् के़रे़क् इस्राइलबा हिम्‍सयङ्‌हाॽरे़ लागि पोङ्‌लो॥

यर्मिया 31:39

हे़क्‍क्‍याङ् खे़ल्‍ले़ कुइःन्‍दोहाॽ खे़प्‍मोलाम् वेॽ नाम्‍धा पिसाङ् गारेब कोःक्‍माओ थारिक् के़त् खे़ब्‍याङ् खे़प्‍मोलाम् याम्‍मो हिआङ् गोआ थे़म्‍बा पेक्॥

सुफो 11:1

हे़क्‍क्‍याङ् इङ्‌गाॽ कुसिःक्‍मा सिङ् कुइसिक् तक्‍काःत्‍धिक् मे़बिराङ्‌ङाङ् अक्‍खे मे़मे़त्ताङ्, “पेगे़ॽआङ् निङ्‌वाॽफु माङ्‌हिम् नु ले़त्ति तोःम्‍मादे़न्‍निन् सिःक्‍ते़ॽ, हे़क्‍क्‍याङ् खे़प्‍मो से़वा के़जोःक्‍पाहाॽआङ् निरे़से़ॽओ॥

जकरिया 5:10

खे़ब्‍याङ् आङ्‌गाॽनु ताॽगे़जे़ङ्‌बा माङ्‌लाइङ्‌बे़न् सेःन्‍दोसुङ्, “कन् ने़प्‍फुरे़ साप्‍पोन् आत्ति तेॽसुर पत्‍छिबाबे?”

युहुन्‍ना 16:5

“कर आल्‍ल इङ्‌गाॽ याप्‍मि के़बाङ्‌बाल्‍लो नुःङ्‌ङा पेःक्‍कार पत्ता हे़क्‍केसाङ् खिनिॽ आत्तिल्‍ले़आङ् आत्तान् के़बेःक्‍ल के़बप्‍पे फाॽआङ् इङ्‌गाॽ याप्‍मि सेःन्‍गे़न्‍दोसिन्‍लो॥

इजकिएल 40:3

खुने़ॽ आङ्‌गाॽ खे़ल्‍ले़ कुबेसाङ् के़त्ताङ्‌ङिल्‍ले़, ये़क्‌यक्‍को लाःप्‍मा यम्‍बा लाम्‍धेःत्तिल्‍ले़ कुबेसाङ् कासा हे़क्‍के कुना तिल्‍ले़क् तिल्‍ले़क् के़ले़क्‍पा मनाधिक् ये़बे़गरे़बा निसुङ्॥ खुने़ॽ कुहुक्‍को लत्‍छा कुसिःक्‍मा नैनासुत् लिप्‍लिङ्‌गे खिधिक् नु लत्‍छा कुसिःक्‍मा अद्राधिक् पक्‍खुआङ् वये़॥

जकरिया 1:16

“खे़ल्‍ले़चोगुल्‍ले़ यहवे दाङ्‌बे़ल्‍ले़ अक्‍खे पाःत्तु, ‘आङ्‌गाॽ आलुङ्‌माॽ स्‍याःत् लॽरिक् यरुसले़ःम्‍मो नुःङ्‌ङारो॥ खे़प्‍मो आङ्‌गाॽ आहिम्‍मिन् याम्‍मो मे़जोगुॽ॥ यरुसले़म सिःक्‍मा इदाःक्‍के़न् खिङ्‌घिङ्‌बा पोङ्‌ॽ,’ मुक्‍साम्‍दाङ्‌बा यहवे दाङ्‌बे़ल्‍ले़ उवा चोगुॽ॥