हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
जकरिया 2:11 - लिम्बु11 खे़न् ये़न्नो यरिक् मे़न्छाम् सुवाङ्हाॽ यहवे दाङ्बाओ फुङ्सिङ्से़ मे़दारो हे़क्क्याङ् आङ्गाॽ आमना मे़बोङ्ॽ॥ “आङ्गाॽ खिनिॽ लुम्मो वाॽआ हे़क्क्याङ् आङ्गाॽ मुक्साम्दाङ्बा यहवे दाङ्बे़ल्ले़ पाङ्घाङ्बा फाॽआङ् खिनिॽ निङ्वाॽ के़घोसुम्ॽ॥ Gade chapit la |
जकरिया 2:11
36 Referans Kwoze
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
इङ्गाॽ खे़ङ्हाॽनु थिक्हुप् वाॽआबा कुइसिक् हे़क्क्याङ् खे़ने़ॽ इङ्गाॽनु थिक्हुप् के़वाॽबा कुइसिक् खे़ङ्हाॽ कुजे़क् थिक्हुप्पो मे़दाररो॥ खे़ल्ले़चोगुल्ले़ इक्सादिङ् खाम्बेःक्मोबा मनाहाॽरे़ इङ्गाॽ के़बाङ्घाङ्बा नु लुङ्माॽ के़दुक्ताङ्बा कुइसिःक्के खे़ङ्हाॽ लुङ्माॽ के़दुक्तुसिबान् कुसिङ् मे़निःत्तुररो॥
आङ्गाॽ आबेसाङ् त्ये़म्मे़ॽओ, हे़क्क्याङ् खे़निॽ कन् खे़प्से़म्मे़ॽओ— थिक्सिगेक्पा उवा पोःक्खे़आङ्धोए आङ्गाॽ स्वाःत्ताङ् पाःत्तुङ्बा होप्लो, खे़न् हिन्धोःक्किन् के़प्पा ये़म्मो आङ्गाॽ खे़ॽयो वाॽआरो॥” खे़ब्याङ् आल्ल यहवे दाङ्बे़ल्ले़ आङ्गाॽ खुने़ॽ कुयाम्साम्मिन्नु पाङ्घाङ्ङाङ् वाॽआरो॥
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
Piblisite