जकरिया 2:10 - लिम्बु10 यहवे दाङ्बे़ल्ले़ पाःत्तुॽ, “सियोनरे़ कुस्सा मे़न्छुमाए, साॽरिक् अःक्ते़ॽओ हे़क्क्याङ् सःत्ते़ॽओ॥ थेआङ्भे़ल्ले़ आङ्गाॽ युआर पत्ता, हे़क्क्याङ् आङ्गाॽ खिनिॽ लुम्मो वाॽआ, Gade chapit la |
जकरिया 2:10
41 Referans Kwoze
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोङ्लो॥
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
मुक्साम्दाङ्बा यहवे दाङ्बे़ल्ले़ पाःत्तुॽ, “ओमे़त्ताम्मे़ॽ, आबाङे आङ्गाॽ आइङ्घङ् के़साबे़न् पाङ्घुङ्ॽ, हे़क्क्याङ् खे़ल्ले़ आङ्गाॽ आदगि आदगि लाम् यारिप् चोगुरो॥ खे़न् ये़म्मो खे़निॽ के़गोःत्तुम्बा दाङ्बे़न् हक्चघत् आबाङे कुहिम्मो तारो, खे़निॽ सिराॽगे़धाङ्बा माङ्हुप्पिल्ले़न् इङ्गे़साबे़न् तारो॥”
आङ्गाॽ आगोःक्माओबा ने़ने़बादे़न्लाम्बा के़बोःक्खिआङ् खिनिॽ के़घे़त्तासिॽ, थेआङ्भे़ल्ले़ खे़न् आसेल थारिक् पोबेक्॥ यहुदाबा हाङ् उज्जियाहःल्ले़ कुये़म्मो लुप्लि थाङे़ल्ले़ मनाहाॽ मे़घे़त्छिङ्बा हे़क्केए खिनिॽ के़घे़त्ताॽसिॽ॥ खे़ब्याङ् यहवे दाङ्बा आङ्गाॽ आनिङ्वाॽफुमाङ्ङिन् खुने़ॽ के़रे़क् कुमाङ्लाइङ्बाहाॽनु युरो॥
खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
कल्ले़चोगुल्ले़ खुने़ॽ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्निन् हाबा कन्लो, “सियोने़ल्ले़ सिसागे़न् कुस्सा मे़न्छुमाःल्ले़ खे़ने़ॽ कुनामे़न्छाॽ के़म्मे़त्ताङ् एःत्लो॥ यरुसले़म ये़क्यक्किल्ले़ कुस्सा मे़न्छुमाःल्ले़ कुधे़गेःक्किन् तघुम्तघुम् मे़त्तुर लासाक् के़मे़त्लो॥
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
Piblisite