हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
जकरिया 14:9 - लिम्बु9 यहवे दाङ्बे़न् के़रे़क् इक्सादिङ् खाम्बेःक्मोबा हाङ् पोङ्ॽ॥ खे़न् ये़न्नो यहवे दाङ्बा लत्छारक् वाॽ हे़क्क्याङ् मनाहाॽरे़ खुने़ॽ कुमिङ्ङोरक् माङ्से़वा मे़जोगुॽ॥ Gade chapit la |
जकरिया 14:9
35 Referans Kwoze
खे़ब्याङ् साङ्ग्राम्पेदाङ् सिगाङ्बा हाङ्जुम्हाॽओबा हाङ्युक्किन्, मुक्साम्मिन् नु पयम् यम्बा हाङ्वान् के़रे़क्नुःल्ले़ यम्बा निङ्वाॽफुमाङ्ङिल्ले़ कुमनाहाॽ मे़बिरुसिॽ॥ खुने़ॽ कुहाङ्जुम्मिन् नुप्मे़न्दिङ्बा हाङ्जुम् पोङ्ॽ, हे़क्क्याङ् के़रे़क् युक्साबाहाॽरे़ खुने़ॽ माङ्से़वा मे़मे़त्तुआङ् खुने़ॽ कुइङ्जाङ्ङिन् मे़इःत्तु मे़नाःत्तुॽ॥’
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
यहवे दाङ्बे़ल्ले़ कुदक्ले़ङ्वाओ के़बोक्पाहाॽ के़रे़क् मे़मे़क्लो॥ खुने़ॽ थो साङ्ग्राम्पेदाङ् लाम्बानु हुःक्ल खे़ङ्हाॽ फे़ःक्तुसिरो, इक्सादिङ् खाम्बेःक्मान् के़रे़क् पिसाङ् यहवे दाङ्बे़ल्ले़ खासे़न् चोगुरो॥ खुने़ॽ सेगुबा हाङ्ङिन् मुक्साम् पिरुरो, हे़क्क्याङ् खुने़ॽ आबाङे सेःन्दुबा हाङ्ङिन् थङ् के़नाःम्बा चोगुरो॥”
पोङ्मा के़इःप्पा पाःन्हाॽ पाःत्ते़म्मे़ॽओ, खे़न् ओसेःन्धाङ् चोगे़म्मे़ॽओ॥ खे़ङ्हाॽरे़ खुन्छिॽ लुम्मो आबाङे पान् मे़दङ्घुररो, यरिक् तङ्बे तगि कन् पाःन्निन् हाःत्ले़ पाःत्तुआङ् वये़बे? थे आङ्गाॽ यहवे दाङ्बे़ल्ले़ए मेःम्बि? आङ्गाॽनुःल्ले़ वेॽ हाःत्ताङ् निङ्वाॽफुमाङ् होप्लो॥ साम्योबा निङ्वाॽफुमाङ् नु से़न्लप्दाङ्बा, आङ्गाॽनुःल्ले़ वेॽ हाःत्ताङ् होप्लो॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
“कर अक्खेलॽरिक् इङ्ले़क् के़जोक्पे़न् साङ्ग्रा माङ्दे थार, खे़न् मनाःल्ले़ आबाङे कुधक्सा लुप्पोबा ताःक्मा सुक्के़दे़प्पा कुम्बाबा थक्सान् तोःम्मारे़ लागि माङ्हुप् चोगुॽ, कर के़गाःम्बा थक्सान् यहवे दाङ्बाओ तोःन्दुॽ॥ थेआङ्भे़ल्ले़ आङ्गाॽ पयम् यम्बा हाङ्आ, हे़क्क्याङ् के़रे़क् मे़न्छाम् सुवाङ्हाॽ आङ्गाॽनु मे़गिआङ् मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
Piblisite