खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
जकरिया 14:10 - लिम्बु10 यहुदा थाङ्गे़त् गेबालाम् यरुसले़म लाङ्गे़त् रिम्मोन थारिक् के़रे़क् लाजेन् अराबा हे़क्तङ्बा पोङ्ॽ॥ कर यरुसले़ःम्मिन् चाङ्जाङ्बा मे़जोगुॽ, हे़क्क्याङ् बेन्यामिनरे़ कुलाम्धेःप्पोलाम् थिक्सिगेक्पा लाम्धेत् कुसुक्पोबा लाम्धेत् थारिक्, हे़क्क्याङ् हननेलरे़ कुजङ्हिम्मोलाम् हाङ्ङिल्ले़ कुजे़ल्ले़क्सेॽ एःम्मादे़न् थारिक् आप्फेक् कुने़मादे़न्नो ने़रो॥ Gade chapit la |
जकरिया 14:10
28 Referans Kwoze
कर बेन्यामिन मा लाम्धेःप्पो के़रे़ल्ले़ खे़प्मो के़ये़प्पा लाम्धेत् के़गोबाल्ले़ खुने़ॽ ते़म्सुआङ् सेःन्दोसु, “खे़ने़ॽ के़घे़त्छिङ्ङाङ् बेबिलोनिहाॽ ले़प्माङ् के़बेःक्ल के़बत्॥” खे़न् लाम्धेत् के़गोबा यर्मिया के़दे़म्बे़न् हनन्याहरे़ कुम्मे़न्छाॽ नु सेलेम्याहरे़ कुस्सा यिरियाहःन् वये़॥
तुम् निङ्वाॽफुसाम्बा एल्यासिबे़न् नु निङ्वाॽफुसाम्बा कुन्जुम्हाॽ मे़दङ्सिङ्ङाङ् मे़ल्लुक् लाम्धेःप्पान् मे़जोगु, हे़क्क्याङ् खे़ॽयोबा पयम् लाम्धेःप्पाहाॽ मे़जोगु॥ हे़क्केलॽरिक् खे़ङ्हाॽरे़ लुङ्धाक्किन् किप्थिक् चङ्हिम् मे़प्मनाबा नु हननेलरे़ कुजङ्हिम् थारिक् चाःङ्वा मे़मे़त्तुर मे़देॽरु हे़क्क्याङ् खे़न्निन् मे़जोगुआङ् मे़दोन्दु॥
के़दाङ्बाहाॽ मे़नुःक्खे़आङ् मुरे़क् खारे़क् थेआङ् के़होप्पादे़न्नो के़ने़बा रिम्मोन याक्पेॽओ मे़घे़त्छिङ्॥ लाम्हाॽओ नाना कत्ना मे़ले़रे़ मे़याःक्ते़बा खे़ङ्हाॽरे़ खुन्छिॽ ५,००० यारिक् मनाहाॽ इस्राइलिहाॽरे़ मे़दे़म्सुसिआङ् मे़से़रुसि॥ खे़ङ्हाॽरे़ बेन्यामिनिहाॽ गिदोम थे़म्बा मे़नाःत्तुसि, हे़क्क्याङ् आल्लसाङ् २,००० मनाहाॽ मे़से़रुसि॥
खे़ङ्हाॽ ने़ने़बा ते़न्निन् मे़गाःक्तुआङ् मे़बेःक्लो हे़क्क्याङ् खे़ङ्हाॽरे़ मे़बाःत्तुरो, “से़न्दिक् गेबा मे़प्मनाबा ते़न्नो याङ्धोःक्तिगे़रो॥” रामा ये़क्यक्को के़युङ्बा मनाहाॽ किमे़ल्ले़ थे़गक्कक्ना मे़यङ्लो, हे़क्क्याङ् सावल हाङ्ङिल्ले़ कुये़क्यक् गिबा के़युङ्बा के़रे़क् मनाहाॽ मे़घे़त्छिङ् मे़बेःक्लो॥
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
इस्राइलबा हाङ् येहोआसरे़ अहज्याहरे़ कुम्मे़न्छाॽ, योआसरे़ कुस्सा यहुदाबा हाङ् अमस्याहन् बेथ-सेमेसओ ते़म्सु॥ खे़न् एगाङ् येहोआसे़न् यरुसले़म पे, हे़क्क्याङ् एफ्राइमबा लाम्धेःप्पोलाम् कुसुक्पोबा लाम्धेःत्तो थारिक् हप्मे़न् किप् ने़त्छि मितर केःम्बा ये़क्यक्कोबा कुलक् थिक् लुङ्धाक्किन् लुःन्दुदेसु॥
Piblisite