जकरिया 13:9 - लिम्बु9 खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’” Gade chapit la |
जकरिया 13:9
54 Referans Kwoze
खे़ने़ॽ च्वाःत्लाम्बा के़बोङ्ङाङ् के़बेःक्किल्ले़ आङ्गाॽ खे़ने़ॽनु वाॽआरो॥ खे़ने़ॽ यङ्घङ् वहःङ्लाम् लाङ्गे़घेःक्किल्ले़ खे़ल्ले़ खे़ने़ॽ के़न्हुम्ने़ल्लो॥ मिलाम्बा लाङ्गे़घेःक्काङ् के़बेःक्किल्ले़ खे़ने़ॽ मिगे़न्दिक्ने़ल्लो॥ खे़न् मिधुङ्दिङ् मिराःक्किल्ले़ खे़ने़ॽ खाप्पुथ्यःङ् के़न्जोःक्ने़ल्लो॥
“आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥
हे़क्क्याङ् थिक्सिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ माक्खिॽनु के़भुत्छिङ्बा फःन् नु मिन् इक्सादिङ् खाम्बेःक्मो इक्सिङ्ल थामा हेःक्ते़रो॥ हे़क्क्याङ् कुलक् सुम्सिओ कुसुक्वा थिक् इक्सादिङ् खाम्बेःक्मान् नु कुलक् सुम्सिओ कुसुक्वा थिक् सिङ्बुङ्हाॽ, हे़क्क्याङ् काक् सरेःत्क्याःप्पा याःन्हाॽ मिदिगे़बेरो॥
आङ्गाॽ आदक्ले़ङ्वाओ पिफ्युङ् नु खे़माॽ के़जोःक्पा खे़न् के़रे़क्लाम् खिनिॽ सुत्थो चोःक्निङ्ॽ॥ मे़दे़म्सु मे़देॽरुसिआङ् मे़वाॽबा लाजेॽहाॽओलाम् आङ्गाॽ खे़ङ्हाॽ तारुङ्सिङ्ॽ, कर खे़ङ्हाॽ इस्राइल लाजेॽओ आप्फाल्ले़आङ् लाःप्मा मे़ङ्घोने़न्ॽ॥ खे़ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
कम्भलॽरिक्, खुन्छिॽ लायोल्ले़ आसुत्थो मे़न्जोःक्सिङ्ङिन्नाङ् आङ्गाॽलाम् माःङ्घा मे़म्बोङ्ने़ल्ल फाॽआङ् इस्राइलबा मनाहाॽ मे़हुॽसिङ्ॽ॥ खे़ङ्हाॽ आङ्गाॽ आमना मे़बोङ्ॽ हे़क्क्याङ् आङ्गाॽ खे़ङ्हाॽरे़ खुन्छिॽ निङ्वाॽफुमाङ् पोङ्ङा॥ आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽरो!’”
Piblisite