जकरिया 13:7 - लिम्बु7 मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥ Gade chapit la |
जकरिया 13:7
76 Referans Kwoze
खे़प्मो ये़सुरे़ खे़ङ्हाॽ मे़त्तुसि, “आइन् से़न्दिक्सा खिनिॽ के़रे़क्ले़ इङ्गाॽ याप्मि के़ले़रिॽआङ् के़बेगिॽरो॥ थेआङ्भे़ल्ले़ निङ्वाॽफुमाङ्ङिल्ले़ साम्योसाप्लाओ अक्खे पाःत्तुआङ् पत्, “‘इङ्गाॽ मे़ल्लुक्कम्बान् हिप्तुङ्, हे़क्क्याङ् के़रे़क् मे़ल्लुक्हाॽ के़रे़क् पिसाङ् मे़से़रो॥’
कल्ले़चोगुल्ले़ चे़प्मा से़प्मासिरे़ लागि मे़गत्तुसिबा मे़ल्लुक् मे़ःन्दाहाॽ, से़क्खाःल्ले़ थक्सा लुप्पो तुक्खे मे़जाःत्तुसिबा मे़युक्तुसिबाहाॽ आङ्गाॽ चाराम्सुङ्सिङ्॥ हे़क्क्याङ् आङ्गाॽ आलागि तक्कात् ने़त्छि याङ्सिङ्ङा—लत्छारे़ कुमिङ् “लुङ्गुम्” नु वेॽइल्ले़ कुमिङ् “थिक्हुप्” वाःत्तुङ्—हे़क्क्याङ् मे़ल्लुक् लुप्हाॽ चाराम्सुङ्सिङ्॥
“हे़क्क्याङ् आल्ल नासिगे़न् थक्ला के़गप्पा मनाए, अम्मोनिहाॽरे़ खुन्छिॽ याःम्बेओ नु खे़ङ्हाॽरे़ खुन्छिॽ माङ्चे़क्या पाःन्निल्ले़ कुयाःम्बेओ माङ्निङ्वाॽपान् पारे़ॽ॥ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खे़ङ्हाॽ मे़त्ते़से़ॽओ— “लत्छा ताभे, ताभेधिक् खे़ने़ॽ से़प्मारे़ लागि मे़भिःक्खुआङ् वाॽरो॥ तिल्ले़क् तिल्ले़क् साःम्भे के़ले़क्पा कुइसिक्, कल्ले़ मे़ङ्मारे़ लागि मे़इःक्खुआङ् वाॽरो
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन् ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
खे़न् ये़न्नो यहवे दाङ्बे़ल्ले़ किप्मा के़घुबा हे़क्क्याङ् कुमुक् के़याक्पा नु यम्बा ताभेःल्ले़ खे़न् खइक् खइक् के़इक्सिङ्बा के़उःङ्सिङ्बार लाङ्गे़घेःक्पा, वरःङ्ङो के़याक्पा आजाजाबा लिब्याताने़न् पाक्ले़ पाक्ले़ च्ये़प्तुरो, खे़ब्याङ् वरःङ्ङो खे़न् के़वे़ःङ्सिङ्बाआङ् के़युङ्बा असेःक्पे़न् खुम्दिङ् पिरुआङ् स्ये़रुरो॥
Piblisite