जकरिया 13:4 - लिम्‍बु

⁴ “खे़न् ये़न्‍नो के़रे़क् माङ्‌निङ्‌वाॽपान् के़बाःप्‍पाहाॽ खुन्‍छिॽ माङ्‌निङ्‌वाॽपान् सुफोलाम् सिरिङ्‌ममो मे़धारो, हे़क्‍क्‍याङ् इङ्‌ले़क् माङ्‌निङ्‌वाॽपान् पाःप्‍मारे़ लागि माङ्‌निङ्‌वाॽपान् के़बाःप्‍पे़ल्‍ले़ सामुरिक्‍लाम् थाक्‍मनाबा चाङ् मे़जाक्‍खुन्‌ॽ॥

जकरिया 13:4 Referans Kwoze

मत्ति 3:4

आल्‍ल युहुन्‍नाःल्‍ले़ उमेरे़ कुमुरिक्‍लाम् थाक्‍मनाबा तेःत्तिन् चाक्‍खुआङ् से़होबा फॽइ युप्‍सुरो॥ खुने़ॽ कुजामाङ्‌ग निःङ्‌घुक्‌वा नु ताम्‍भुङ् सक्‌वाघु वये़रो॥

यसैया 20:2

कन् पाःन्‍निन् अक्‍खे पोःक्‍खे़ल्‍ले़ यहवे दाङ्‌बान् आमोजरे़ कुस्‍सा यसैयालाम् पोःक्‍खे़आङ् पारे़॥ खुने़ॽ यसैयान् अक्‍खे मे़त्तु, “खे़ने़ॽ पेगे़ॽआङ् के़धक्‍कोलाम् के़सगि तेत्ते़न् फे़न्‍दे़ॽ, हे़क्‍क्‍याङ् के़लाङ्‌ङोलाम् लाङ्‌सुःप्‍पिन् फे़न्‍दे़ॽ॥” हे़क्‍क्‍याङ् यहवे दाङ्‌बे़ल्‍ले़ पाःत्तुबा कुइसिक् खुने़ॽ चोगु, खे़ब्‍याङ् ले़क्‍चाॽबे़धिःक् पोःक्‍खे़आङ् लाङ्‌सुःप् मे़न्‍जाङ्‌ङे लाङ्‌घेःक्‍मा हेःक्‍ते़॥

२ हाङ् 1:8

खे़ङ्‌हाॽरे़ खुने़ॽ नुगप् मे़बिरु, “खुने़ॽ सामुरिक् चाङ् के़जाङ्‌बा नु कुगेङ्‌ङो सिहोॽबा फॽइ के़युम्‍बा मना वये़॥” हाङ्‌ङिल्‍ले़ पाःत्तु, “खुने़ॽग तिस्‍बि एलियान्‍लो॥”

सुफो 11:3

हे़क्‍क्‍याङ् इङ्‌गाॽ ने़त्‍छि आदोःन्‍दि के़बिबाहाॽ युक् पिरुङ्‌सिङ्‌ॽ, हे़क्‍क्‍याङ् खे़ङ्‌हाॽरे़ सगितेत् चाङ्‌सुआङ् हे़न्‍छिङ् थिक् किप् ने़त्‍छिआङ् तुक्‍पोङ् (१,२६०) ये़न् थारिक् माङ्‌निङ्‌वाॽपान् पाःत्‍छिरो॥”

मर्कुस 1:6

आल्‍ल युहुन्‍नाःङ्‌ग उमेःल्‍ले़ कुमुरिक्‍लाम् थाक्‍मनाबा तेत् के़जाङ्‌बा नु से़होबा फॽइ के़युम्‍बा चोगे़॥ हे़क्‍क्‍याङ् खुने़ॽग निःङ्‌घुक्‌वा नु ताम्‍भुङ् सक्‌वाघु के़जाबा वये़रो॥

यर्मिया 6:15

कन् याम्‍गे़सिङ्‌बा याःम्‍बक्‍किन् मे़जोगुबाओ खुन्‍छिॽ नुःम्‍मा के़बोङ्‌बा मेःम्‍बि? कर खे़ङ्‌हाॽग मिसाक्‍काङ् नुःम्‍माए मे़न्‍नुःन्‍दे़न्‍लो॥ नुःम्‍मा पाःन्‍निन् थे़माबे फाॽआङ् खे़ङ्‌हाॽरे़ मे़ल्‍ले़सुन्‍लो॥ खे़ल्‍ले़चोगुल्‍ले़ वेॽ के़मे़क्‍पाहाॽनुए खे़ङ्‌हाॽआङ् मे़मे़क्‍लो॥ खे़ङ्‌हाॽ खुम्‍दिङ् पिरुङ्‌सिङ्‌बा ये़म्‍मो खे़ङ्‌हाॽ मे़मे़क्‍लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

यर्मिया 2:26

यहवे दाङ्‌बे़ल्‍ले़ अक्‍खे पाःत्तुरो, “लत्‍थिक् खुःन्‍द्रिक्‍पान् साक्‍पो थाःल्‍ले़ खे़ल्‍ले़ कुजाःत्‍थि पेःक्‍लो, हे़क्‍केलॽरिक्‍के खिनिॽ इस्राइलिहाॽ, हाङ्‌हाॽ नु युक्‍साबाहाॽ, खिनिॽ निङ्‌वाॽफुसाम्‍बाहाॽ नु माङ्‌निङ्‌वाॽपान् के़बाःप्‍पाहाॽ के़रे़क्‍ले़ खुन्‍छिॽ चाःत्‍थि पेःक्‍लो॥

हिब्रु 11:37

कुभा लुङ्‌ङिल्‍ले़ मे़ले़प्‍तु मे़से़रुसि, कुभा चे़न्‍दिरिःल्‍ले़ मे़जे़रु मे़से़रुसि, कुभाग ताभेःल्‍ले़ मे़जे़प्‍तु मे़से़रुसिरो॥ कुभाग निङ्‌घुम् नु तुक्‍खे मे़ज्‍ये़आङ् चाहाबो मे़वये़ल्‍ले़ मे़ल्‍लुक् नु मे़न्‍दाक् से़होबा चाङ् मे़जाक्‍खु॥

यर्मिया 8:9

खे़ने़ॽ सिक्‍कुम्‍साबा के़मनाहाॽ सिरिङ्‌ममो मे़ध्‍ये़आङ् मे़वाॽरो, खे़ङ्‌हाॽ हाःब् मे़ले़क्‍ते़आङ् इजोओ मे़ध्‍ये़आङ् मे़वाॽरो॥ यहवे दाङ्‌बे़ल्‍ले़ आबाःन्‍जाःक्‍किन् खे़ङ्‌हाॽरे़ मे़नाॽरुआङ् मे़वाॽरो, आल्‍ल खे़ङ्‌हाॽरे़ खुन्‍छिॽ सिक्‍कुम्‍निङ्‌वान् आक्‍तङ्‌बा वाॽइरो?