“यहवे दाङ्बे़ल्ले़ सेःन्दोसु, ‘आक्खेआङ्बे?’ “खे़ल्ले़ पाःत्तु, ‘आङ्गाॽ पेःक्काआङ् आहाबरे़ के़रे़क् कुमाङ्निङ्वाॽपान् के़बाःप्पाहाॽरे़ खुन्छिॽ मुराओ इङ्ले़क् के़बाःप्पा लत्छा याम्साम् पोङ्ङा॥’ “यहवे दाङ्बे़ल्ले़ मे़त्तु, ‘खुने़ॽ हुमारे़ लागि खे़ने़ॽ कुलिङ्दो के़गे़प्पा के़बोङ्ॽ॥ पेगे़ॽ, पेगे़ॽआङ् हे़क्केए चोगे़ॽ॥’”
जकरिया 13:2 - लिम्बु2 मुक्साम्दाङ्बा यहवे दाङ्बे़ल्ले़ उवा चोगुॽ, “खे़न् ये़म्मो आङ्गाॽ लाजेॽलाम्बा माङ्हाॽरे़ खुन्छिॽ मिङ्ङे मासुङ् पिरुङ्सिङ्ॽ, हे़क्क्याङ् खे़ङ्हाॽ निङ्वाॽसुम्माङ् मे़ल्लॽने़न्ॽ॥ माङ्निङ्वाॽपान् के़बाःप्पाहाॽ नु आसुत्थो साम्हाॽआङ् लाजेॽलाम् आङ्गाॽ लःत्तुङ्देसुङ्सिङ्ॽ॥ Gade chapit la |
जकरिया 13:2
40 Referans Kwoze
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
खे़ङ्हाॽ याम्मो आभे़ल्ले़आङ् खुन्छिॽ नावाइत्लाहाॽलाम् हे़क्क्याङ् याम्गे़सिङ्बा नु पिफ्युङ्बा चइःत्हाॽलाम् आसुत्थो मे़न्जोःक्सिङ्ने़न्ॽ, थेआङ्भे़ल्ले़ आङ्गाॽ खे़ङ्हाॽ खुन्छिॽ एगाङ् नुःङ्मा पेःक्मा लायोलाम् ताङ्से़ःप्तुङ्सिङ्ॽ॥ आङ्गाॽ खे़ङ्हाॽ सेसेसाङ्साङ् चोगुङ्सिङ्ॽ॥ खे़ब्याङ् खे़ङ्हाॽ आङ्गाॽ आमना मे़बोङ्ॽ, हे़क्क्याङ् आङ्गाॽ खे़ङ्हाॽरे़ खुन्छिॽ निङ्वाॽफुमाङ् पोङ्ङा॥
“‘हे़क्क्याङ् कुभा माङ्निङ्वाॽपान् के़बाःप्पान् इङ्घङ् पिमारे़ लागि इङ्ले़क्को थ्ये़आङ् वाॽने़भग्र, कङ्ग आङ्गाॽ यहवे दाङ्बे़ल्ले़ खे़न् माङ्निङ्वाॽपान् के़बाःप्पे़न् इङ्ले़क्को थासुङ्ङाङ् वाॽबाल्ले़ चोगुल्ले़ हे़क्के पोःक्खे़बारो॥ अक्तङ्बा माङ्निङ्वाॽपान् के़बाःप्पान् आङ्गाॽ आहुक्किल्ले़ साःप्सुङ्ॽ, हे़क्क्याङ् इस्राइलबा सङ्जुम्भोलाम् खे़न् मे़क्खुङ्ॽ॥
खे़ङ्हाॽरे़ मे़दुमुबा याक्नाम्मिन् अक्तङ्बाए पोङ् थेआङ्भे़ल्ले़ खे़ङ्हाॽरे़ इस्राइलओ किप्मागे़घुबा लायोहाॽ मे़जोगुआङ् वाॽ, खे़ङ्हाॽरे़ आबाङे हिम्बेसाङ्बा चुम्मिल्ले़ कुमेःत्तिन्नु चाराम्मा याःम्बक् मे़जोगु हे़क्क्याङ् आमिङ्ङो इङ्ले़क्पा पान् मे़बाःत्तुआङ् मे़वाॽ॥ कन् याःम्बक्हाॽ आनिङ्वाःल्ले़ कुदक्ले़ङ्वाओ वये़॥ खे़ङ्हाॽरे़ हे़न् मे़जोगुआङ् मे़वाॽ, खे़न् आङ्गाॽ निसुङ्ॽ खे़ब्याङ् खे़ङ्हाॽरे़ खुन्छिॽ तक्ले़ङ्वाओ आङ्गाॽ साखि पोःक्खाङ्ङाङ् वाॽआ॥ आङ्गाॽ यहवे दाङ्बे़ल्ले़ अक्खे पाःत्तुङ्ङाङ् वाॽरो॥”
खिनिॽ लुम्मो के़युङ्बा वेॽ मे़न्छाम् सुवाङ्हाॽनु मे़भःन्नासिम्मन्ने़ॽ, खुन्छिॽ माङ्हाॽरे़ मिङ्हाॽ मे़इङ्से़म्मिन्ने़ॽ, माङ्हाॽरे़ खुन्छिॽ मिङ्ङो माङ्हे़क् मे़जोगे़म्मे़न्ने़ॽ॥ खे़ङ्हाॽ से़वा मे़मे़त्ते़म्सिम्मे़न्ने़ॽ हे़क्क्याङ् साम्बोन्नाङ् खे़ङ्हाॽ माङ्से़वा मे़मे़त्ते़म्सिम्मे़न्ने़ॽ॥
खे़ङ्हाॽरे़ खुन्छिॽ नावाइत्लाहाॽ हे़रे़म् पिरे़म्सिम्मे़ॽ॥ खे़ङ्हाॽरे़ खुन्छिॽ सुत्थोबा लुङ्हाॽ फयःप्फयःप् यःप्से़म् पिरे़म्सिम्मे़ॽ॥ खे़ङ्हाॽरे़ खुन्छिॽ असेरा माङ्ङिल्ले़ कुसित्लाङ्हाॽ मिओ हाःन्दाम्दे़से़म्मे़ॽ॥ खे़ङ्हाॽरे़ खुन्छिॽ माङ् नावाइत्लाहाॽ सोःन्दे़म् पिरे़म्सिम्मे़ॽ हे़क्क्याङ् खे़न् ते़न्हाॽलाम् खुन्छिॽ मिङ् मासे़म् पिरे़म्सिम्मे़ॽ॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
खिनिॽ आत्ति आत्ति के़युङिॽ खे़प्मो चिजि खक्खक् पोङ्ॽ, हे़क्क्याङ् कुसिङ् निःत्मे़न्दे़प्मनाबा खिनिॽ माङ्से़वा चोःक्मादे़न्हाॽ खाप्पुथ्यःङ् चोगुङ्ॽ॥ खिनिॽ ले़त्ति तोःम्मादे़न्हाॽ मे़लुःन्दुॽ, खिनिॽ नावाइत्लाहाॽ फयःप्फयःप् मे़यःप्सुॽ, खिनिॽ सुक्पा हाःम्मादे़न्हाॽ मे़धुप्सुॽ, हे़क्क्याङ् खिनिॽ के़जोगुम्बा के़रे़क् साम्योबा इत्हाॽ खाप्पुथ्यःङ् पोङ्ॽ॥
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, कङ्ग आङ्गाॽ आहाङ्युक्नादे़न् नु आङ्गाॽ आलाङ् तोॽभेःत् ते़न्लो॥ आङ्गाॽ कप्मो इस्राइलबा मनाहाॽरे़ खुन्छिॽ लुम्मो सदादिङ् आभे़ल्ले़साङ् वाॽआ॥ इस्राइलबा हिम्सयङ्हाॽ नु खे़ङ्हाॽरे़ खुन्छिॽ हाङ्हाॽरे़ खे़ङ्हाॽरे़ खुन्छिॽ याम्बोःप्मालाम् इग्र माङ्हिम् पेसाङ् खे़ङ्हाॽरे़ खुन्छिॽ हाङ्हाॽरे़ खुन्छिॽ चेहाॽ मे़न्लुप्तुसिन्ॽ हे़क्क्याङ् याम्मो आभे़ल्ले़आङ् आङ्गाॽ आसेसे मिङ्ङिन् आसुत्थो मे़न्जोगुन्ॽ॥
Piblisite