Biblia Todo Logo
Bib sou entènèt

- Piblisite -




जकरिया 12:6 - लिम्‍बु

6 खे़न् ये़न्‍नो आङ्‌गाॽ यहुदाबा लाम्‍लोबाहाॽ यरिक् सिङ्‌हाॽओबा मिघाङ्‌ग्रोःक् याङ्‌मा साङ्‌ते़रे़ःङ् कुइसिक् नु चाधःङ्‌माहाॽरे़ कुलुम्‍मोबा हुरुरु के़दिःप्‍पा मि हे़क्‍तङ्‌बा चोगुङ्‌सिङ्‌ॽ॥ खे़ङ्‌हाॽरे़ काक् पिसाङ्‌बा, चुप्‍साङ् नु फे़न्‍छाङ् ले़प्‍माङ्‌बा के़रे़क् मनाहाॽ खाप्‍पुथ्‍यःङ् मे़जोगुसिॽ, कर यरुसले़ःम्‍मिन् आप्‍फेक् कुयुक्‍नाओ हाबा युङ्‌लो॥

Gade chapit la Kopi




जकरिया 12:6
25 Referans Kwoze  

याकुबरे़ कुहिम्‍सयङ्‌हाॽ मि मे़बोङ्‌लो हे़क्‍क्‍याङ् योसेफरे़ कुहिम्‍सयङ्‌हाॽ मिराक् मे़बोङ्‌लो॥ खम्‍भ्‍याङ् एसावरे़ कुहिम्‍सयङ्‌हाॽग के़हेबा याःन्‍सुङ् मे़बोङ्‌लो, हे़क्‍क्‍याङ् खे़ङ्‌हाॽरे़ एसावरे़ कुहिम्‍सयङ्‌हाॽ मिमे़धिक्‍खुसिरो॥ खे़ब्‍याङ् खे़ङ्‌हाॽ वरे़ङ्‌ले़ङ् खाप्‍पुथ्‍यःङ् मे़बोङ्‌लो एसावरे़ कुहिम्‍सयङ्‌लाम् हाःत्ताङ् कुहिङ्‌वे़त् मे़न्‍दाङ्‌ने़न्‍लो॥” यहवे दाङ्‌बे़ल्‍ले़ कन् पाःत्तुङ्‌ङाङ् वाॽरो॥


हे़क्‍क्‍याङ् खुने़ॽ मे़त्ताङ्, “लोःक्‍ते़ॽर पेगे़ॽआङ् खे़न् थाङ्‌बे़न् मनान् मे़त्ते़ॽ, मनाहाॽ नु थक्‍साहाॽ यरिक् खानिःत् मे़वाॽबाल्‍ले़ चोगुल्‍ले़ यरुसले़ःम्‍मिन् लुङ्‌धाक् मेःन्‍नेबा ये़क्‌यक् पोङ्‌ॽ॥


मुक्‍साम्‍दाङ्‌बा यहवे दाङ्‌बे़ल्‍ले़ खे़ङ्‌हाॽ ताङ्‌से़ःप्‍तुसिरो हे़क्‍क्‍याङ् खे़ङ्‌हाॽरे़ निङ्‌मिहाॽ खाप्‍पुथ्‍यःङ् मे़जोगुसिरो, हे़क्‍क्‍याङ् अर्दोओबा लुङ्‌हाॽरे़ खे़ङ्‌हाॽ मे़नाःन्‍दुसिरो॥ खे़ङ्‌हाॽरे़ सोसोत्‍लराङ्‌ङो मे़ज मे़धुङुरो हे़क्‍क्‍याङ् मयुसिबा कुइसिक् मे़अःक्‍लो॥ खे़ङ्‌हाॽ ले़त्ति तोःम्‍मादे़न्‍निल्‍ले़ कुसुक्‍पाहाॽओ सामाक्‍खिॽ साङ्‌मा छे़ःङ्‌ग्‍यान् तिम्‍बा हे़क्‍के माक्‍खिल्‍ले़ ले़ःक्‍तुसिरो॥


‘सियोनरे़ कुस्‍सा मे़न्‍छुमाए, पोगे़ॽआङ् चाधाप्‍से़ॽओ, थेआङ्‌भे़ल्‍ले़ आङ्‌गाॽ खे़ने़ॽ फे़न्‍जेॽ ताङ्‌हाॽ पिने़रो, आङ्‌गाॽ खे़ने़ॽ कासा लाङ्‌तोॽभेत् पिने़रो, हे़क्‍क्‍याङ् चाधाम्‍मनाबा हे़क्‍के मे़न्‍छाम् सुवाङ्‌हाॽ के़धाप्‍सुसिरो॥ खे़ङ्‌हाॽरे़ फे़न्‌याःम्‍बक् मे़जोगुआङ् मे़सुप्‍सुबा पोगुगे़न् कुजाहाॽ हे़क्‍क्‍याङ् खे़ङ्‌हाॽरे़ खुन्‍छिॽ याङ्‌साकुन्‍धेहाॽ काक् इक्‍सादिङ् खाम्‍बेःक्‍कोबा यहवे दाङ्‌बाओ के़दोःन्‍दुरो॥’”


यहवे दाङ्‌बे़ल्‍ले़ अक्‍खे पाःत्तुरो, “आमनाहाॽ खुन्‍छिॽ लाजेॽओ नुःक्‍तुङ् तारुङ्‌सिङ्‌लो हे़क्‍क्‍याङ् के़रे़क् हिम्‍सयङ्‌हाॽ लुङ्‌माॽ तुक्‍तुङ्‌सिङ्‌लो॥ यरुसले़म ये़क्‌यक्‍किन् के़लुःम्‍बादे़न्‍नो आङ्‌गाॽ याम्‍मो चोगुङ्‌लो खे़म्‍ब्‍याङ् खे़प्‍मो याम्‍मो तगि हे़क्‍के हाङ्‌हिम् युङ्‌सिङ्‌लो॥


थेआङ्‌भे़ल्‍ले़ यरिक् के़बोङ्‌ङाङ् चुक्‌वा नु फे़ङ्‌वा के़बोरो, हे़क्‍क्‍याङ् खे़ने़ॽ के़धिन्‍दाङ् सायोबोराहाॽरे़ मे़न्‍छाम् सुवाङ्‌हाॽ खुन्‍छिॽ मे़युङ्‌बादे़न्‍नोलाम् मे़लःत्तु मे़देसुसिरो, खे़ब्‍याङ् खे़ङ्‌हाॽरे़ मे़ले़रु मे़धबा ते़न्‍हाॽओ मे़युङ्‌लो॥


खे़ङ्‌हाॽरे़ चुक्‌वा ले़प्‍माङ् मे़लरुरो हे़क्‍केसाङ् खे़ङ्‌हाॽरे़ खुनिॽ सिक्‍लाःक्‍लो॥ खे़ङ्‌हाॽरे़ फे़ङ्‌वा ले़प्‍माङ् मे़जरो, करसाङ् खुन्‍छिॽ सिक्‍मे़एःप्‍तुन्‍लो॥ खे़ङ्‌हाॽरे़ आबाङे खुन्‍छिॽ काॽइ सोॽधोःक्‍हाॽआङ् मे़जसिरो॥


हे़क्‍क्‍याङ् खे़ङ्‌हाॽ इक्‍सा खाम्‍बेःक्‍मान् सिदे़प् मे़दे़प्‍तुर मे़बेआङ् निङ्‌वाॽफुमाङ्‌ङिल्‍ले़ सेसे कुमनाहाॽ नु निङ्‌वाॽफुमाङ्‌ङिल्‍ले़ मिःम्‍जि मे़त्तुबा ये़क्‌यक्‍किन् मे़गबुरो॥ कर साङ्‌ग्राम्‍पेदाङ्‌लाम् मिराःक् थ्‍ये़आङ् खे़ङ्‌हाॽ लाबु से़रुसिरो॥


ले़बनानए, खे़ने़ॽ के़लाम्‍धेःप्‍पाहाॽ हन्‍दे़ॽओ, हे़क्‍केलॽरिक् मिःल्‍ले़ के़साम्‍माङ्‌सिङ्‌हाॽ थ्‍यःङ् चोगुररो!


यहवे दाङ्‌बे़ल्‍ले़ सेसे लाजेॽओ यहुदान् आप्‍फेक् कुलक् चोगुआङ् युक् चोगुॽ, हे़क्‍क्‍याङ् यरुसले़ःम्‍मिन् याम्‍मो सेगुॽ॥


“खे़ल्‍ले़चोगुल्‍ले़ यहवे दाङ्‌बे़ल्‍ले़ अक्‍खे पाःत्तु, ‘आङ्‌गाॽ आलुङ्‌माॽ स्‍याःत् लॽरिक् यरुसले़ःम्‍मो नुःङ्‌ङारो॥ खे़प्‍मो आङ्‌गाॽ आहिम्‍मिन् याम्‍मो मे़जोगुॽ॥ यरुसले़म सिःक्‍मा इदाःक्‍के़न् खिङ्‌घिङ्‌बा पोङ्‌ॽ,’ मुक्‍साम्‍दाङ्‌बा यहवे दाङ्‌बे़ल्‍ले़ उवा चोगुॽ॥


खे़ब्‍याङ् यहुदाबा लाम्‍लोबाहाॽरे़ खुन्‍छिॽ आप्‍फेक् निङ्‌वाॽओ अक्‍खे मे़बाःत्तुॽ, ‘यरुसले़ःम्‍मोबा मनाहाॽ के़धुम्‍बा मे़जोक्, थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़न् खे़ङ्‌हाॽरे़ खुन्‍छिॽ निङ्‌वाॽफुमाङ्‌लो॥’”


Swiv nou:

Piblisite


Piblisite