जकरिया 12:12 - लिम्बु12 “लाजेॽ के़रे़क् हिम्सयङ् थक्मा खुन्छिॽ मेःत्हाॽआङ् वेॽ वेॽ मे़रिङ् मे़धक्, दाउदरे़ कुहिम्सयङ्बाहाॽ नु खे़ङ्हाॽरे़ खुन्छिॽ मेःत्हाॽ, नातानरे़ कुहिम्सयङ्बाहाॽ नु खे़ङ्हाॽरे़ खुन्छिॽ मेःत्हाॽ, Gade chapit la |
जकरिया 12:12
17 Referans Kwoze
हे़क्क्याङ् खे़न् ये़म्मो ताङ्साक्पो मे़न्छाम्साःल्ले़ कुयुमाल्ले़न् मिक्सेःन्निन् थाःप्पाङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ मे़रिङ् मे़धक्लो॥ खे़ङ्हाॽरे़ मे़न्छाम्सान् ताङ्साक्पो मुक्साम् हे़क्क्याङ् पयम् मिमिदिङ्ङिन्नु खाप्मिःत्तो युःर पप्पा मे़निसुॽरो॥
हे़क्केलॽरिक् मुक्साम्दाङ्बा यहवे दाङ्बे़ल्ले़ कुहिम्मोबा निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ अक्खे मे़मे़त्तुसिआङ् से़ःन्मे़लाप्तुसि, “माङ्हिम्मिन् मे़यन्छु मे़देसुबाल्ले़ चोगुल्ले़ यरिक् तङ्बे तगिआङ्धो चोगुम् युरुम्बे़बा हे़क्के थे ङासिगेक्पा लाओ आनिगे मे़रिङ् थक्मा नु तःक्ने़त् युङ्मा पोङ्बि?”
मेःत् ये़म्बाॽग मे़न्नाॽसिङ्ङे मे़न्अत्छिङ्ङे सोरिक् इम्मा पोङ्लो॥ तुवा चोःक्मा फाॽआङ् कुभा ये़म्ले़ लागिरक् निङ्वाॽ तङ्माआङ् वेॽ वाॽमा पोङ्लो॥ हे़क्क्याङ् याम्मो खिनिॽग सोरिक् वये़म्मे़ॽओ मेःन्ने फाॽग्र याम्थक्निङ्वाॽ थम्मा मे़न्छुक्मना निङ्वाॽबाल्ले़ चोगुल्ले़ माफे़न्साम्मिल्ले़ लायो चोःक्मा के़बाङ्घिॽरो॥
मनाहाॽ सुप्से़म्सिम्मे़ॽ, चुम्लुङ्ङिन् सेसे चोगे़म्मे़ॽओ, लाम्लोबाहाॽ खिनिॽ फुक्खे़म्सिम्मे़ॽओ, हिन्जाॽबित्छाॽहाॽ नु आम्ब्रे़ःङ्वा अङे़ःक्वाहाॽ फुक्खे़म्सिम्मे़ॽओ॥ मेःक्खिम् के़जोःक्पा नालिसाङ्हाॽ खुन्छिॽ याक्फाङ्ङोलाम् हे़क्क्याङ् सिसामेःत्हाॽ खुन्छिॽ याक्फाङ्ङोलाम् मे़लःन्लरो॥
Piblisite