जकरिया 12:10 - लिम्बु10 हे़क्क्याङ् आङ्गाॽ दाउदरे़ कुहिम्सयङ् नु यरुसले़म के़युङ्बाहाॽओ लुङ्गुम् हे़क्क्याङ् पेलिगे़न् तुवा के़जोःक्पा याम्साम्मिन् पाङ्घुङ् युसुङ्ॽ॥ खे़ङ्हाॽरे़ मे़धुबुबान् ओमे़मे़त्तु, हे़क्क्याङ् लत्थिक्पा साःल्ले़ कुलागि कुभा मे़रिङ् थक्पा कुइसिक् खुने़ॽ कुलागि खे़ङ्हाॽ मे़रिङ् मे़धक्, तुम्बा साःल्ले़ कुलागि मे़रिङ् मे़धक्पा कुइसिक् खे़ङ्हाॽ साॽरिक् मे़रिङ् मे़धक्लो॥ Gade chapit la |
जकरिया 12:10
39 Referans Kwoze
हे़क्क्याङ् खे़न् ये़म्मो ताङ्साक्पो मे़न्छाम्साःल्ले़ कुयुमाल्ले़न् मिक्सेःन्निन् थाःप्पाङ् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ मे़रिङ् मे़धक्लो॥ खे़ङ्हाॽरे़ मे़न्छाम्सान् ताङ्साक्पो मुक्साम् हे़क्क्याङ् पयम् मिमिदिङ्ङिन्नु खाप्मिःत्तो युःर पप्पा मे़निसुॽरो॥
आङ्गाॽ खिनिॽ साम्योबा तङ्नाम्हाॽ मे़रिङ् थक्मो हे़क्क्याङ् के़रे़क् साम्लोहाॽ हाःप्मा चिङ्मो ले़क्खुङ् पिनिङ्लो॥ आङ्गाॽ खिनिॽ के़रे़क् सगितेत् के़जाक्खुम्ल चोःक्निङ्लो हे़क्क्याङ् खिनिॽ थे़गेःक्इःन् के़नःक्खुम्ल याःन्निङ्लो॥ लत्छारक् ये़म्बित्छासाःल्ले़ कुलागि मे़रिङ् थक्मनाबा हे़क्के आङ्गाॽ खे़न् ये़म्मिन् पोङ्ल चोगुङ्लो खे़ब्याङ् खे़ल्ले़ कुनुप्मा ये़न्निन् साॽरिक् कुजा के़भे़म्बा पोङ्लो॥”
“‘निङ्वाॽफुमाङ्ङिल्ले़ पाःत्तुआङ् वाॽ, कन् इक्सादिङ् खाम्बेःक्माल्ले़ कुनुप्मा ये़न्हाॽओ इङ्गाॽ आसेसेमाङ्ङिन् काक् मे़न्छाम्गे़न् सुवाङ् सम्दाङ् पाङ्घुङ्ङाङ् खिनिॽ ये़म्बित्छाॽ नु मे़न्छुमाॽसाहाॽरे़ माङ्निङ्वाॽपान् मे़बाःत्तुॽ, खिनिॽ नालिङ्गे़न् थाङ्बे़न्साहाॽरे़ सुफो मे़निसुॽ, हे़क्क्याङ् खिनिॽ खदाक्मिहाॽरे़ तादिगे़न् से़प्माङ् मे़माक्तुॽरो॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
खे़ने़ॽलाम्बा माःङ्घा इःम्सिङ् पेगाङ्ङाङ् वयाङ्लो कर हाराए खे़ने़ॽओए नुःङ्मा तामा निङ्वाॽ चोगुङ्लो॥ खे़ने़ॽ आङ्गाॽ खुम्दिङ् के़बिराङ्लो हे़क्क्याङ् आये़त्तुक्खेओ आधेगेःक्किन् थुःक्खुङ्लो॥ आङ्गाॽग सिरिङ्ममो नु चाःत्थि पेःक्मो थ्याङ्लो थेआङ्भे़ल्ले़ थाङ्बे़न् वयाङ्ङिल्ले़ लायो चोगुङ्ङाङ् वयाङ्लो॥’
आङ्गाॽ आयाम्साम्मिन् खिनिॽओ केःत्तुङ्ॽ, हे़क्क्याङ् खिनिॽ कुहिङ्वे़त् के़बोःक्खिआङ् खिनिॽ आप्फेक् लाजेॽबा हिम्मो के़नुःक्खिॽ॥ खे़ब्याङ् आङ्गाॽ यहवे दाङ्बान् पाराङ्ङाङ् वाॽआ फाॽआङ् खिनिॽ निङ्वाॽ के़घोसुम्ॽ, खम्भ्याङ् आङ्गाॽ पाःत्तुङ्बान् चोगुङ्ङाङ् वाॽ॥ ओरो, यहवे दाङ्बे़न् पारे़आङ् वाॽरो!’”
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
Piblisite