हे़क्क्याङ् खे़न् एगाङ् आङ्गाॽ खे़ङ्हाॽ काप्पोबा तुम्भाक्साहाॽ खे़ब्याङ् थाङ्बे़न्हाॽ के़रे़क् लत्थिक् परिक्ले़ आबाङे खुन्छिॽ लुम्मो थक्खुङ्सिङ्ङाङ् फे़क्खुङ्सिङ्॥ चबे़ःत्छिक् लुङ्गुम्ले़, लुङ्माॽ स्याःत् लॽमारे़ इग्र लुङ्माॽ तुक्मासिरे़ चोगुल्ले़ आङ्गाॽ स्वाःत् मे़वाॽआन्लो॥’”
जकरिया 11:6 - लिम्बु6 थेआङ्भे़ल्ले़ आल्लआङ्धो लाजेॽओबा मनाहाॽ आलुङ्माॽ स्याःत् मे़ल्लॽने़न्॥ से़क्खासाङ् आङ्गाॽ के़रे़क् खुन्छिॽ आप्फेक् हिम्बेसाङ्बाहाॽरे़ खुन्छिॽ हुक्को नु खुन्छिॽ आप्फेक् हाङ्ङिल्ले़ कुहुक्को थासुङ्सिङ्ॽ॥ खे़ङ्हाॽरे़ लाजेन् मे़युक्तुॽ, हे़क्क्याङ् खे़ङ्हाॽरे़ खुन्छिॽ हुक्कोलाम् आङ्गाॽ खे़ङ्हाॽ मे़से़ःप्तुङ्सिङ्ङिन्ॽ॥” Gade chapit la |
जकरिया 11:6
37 Referans Kwoze
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
हे़क्केःल्ले़ यहुदिहाॽ साॽरिक् मे़अःक्ते़र मे़मे़त्तु, “खे़न् तेॽरे़ॽआङ् सिलाम्साक्मा सिङ्सम्दाङ् फोःन्दे़ॽ!” हे़क्केःल्ले़ पिलातसरे़ सेःन्दोसुसि, “खिनिॽ हाङ्ङिन् सिलाम्साक्मा सिङ्सम्दाङ् फोःन्दुङ्बाबि?” तुम् निङ्वाॽफुसाम्बाहाॽरे़ नोगप् मे़बिरु, “आनिगे हाङ्ङिङ्ग सिजरे़न्लक्लो॥”
खे़ङ्हाॽ के़इङ्बाहाॽरे़ खे़ङ्हाॽ मे़जे़प्तु मे़स्ये़रुसिॽ, खम्भ्याङ् खे़ङ्हाॽ खुम्दिङ् मे़ङ्घोए मे़बेःक्॥ खे़ङ्हाॽरे़ अक्खे मे़बात्तुॽ, ‘यहवे दाङ्बे़ल्ले़ कुनारा पोररो, थेआङ्भे़ल्ले़ आनिगे याङ्साकुन्धेसाबा पोःक्खिगे़!’ के़इङ्बाहाॽरे़ मे़साङुसिबा मे़ल्लुक्कम्बाहाॽरे़आङ् खे़ङ्हाॽ मे़न्दाङ्घुसिन्ॽ॥
थेआङ्भे़ल्ले़ खे़न् ये़म्मिन्नुःल्ले़ तगि मना नु थक्सारे़ लागि नाम्याक् होःप्ते़॥ निङ्मिहाॽरे़ मे़जोगुल्ले़ आत्तिन् मनाहाॽआङ् हाङ्हाङ् लॽरिक् याःम्बक्को पेःक्मा मे़न्छुक्के मे़वये़, थेआङ्भे़ल्ले़ आङ्गाॽ के़रे़क् मनाहाॽ खुन्छिॽ हिम्बेसाङ्बाहाॽरे़ तक्ले़ङ्वाओ फोःक्खुङ्सिङ्ङाङ् मे़वये़॥
गोमेरे़न् याम्मो मे़न्छुक्मा पोःक्खे़आङ् मे़न्छुमा साधिक् कत्तु॥ खे़ब्याङ् यहवे दाङ्बे़ल्ले़ होसेन् मे़त्तु, “खे़ल्ले़ कुमिङ् लुङ्माॽ मे़न्दुक्मनामा वाःत्ते़ॽ, थेआङ्भे़ल्ले़ आङ्गाॽ इस्राइलबा हिम्सयङ्हाॽ आल्लआङ्धो लुङ्माॽ मे़दुक्कासिङ्ङिन्नाङ् आङ्गाॽ खे़ङ्हाॽ आभे़ल्ले़आङ् ले़प्मि मे़बिरुङ्सिङ्ङिन्ॽ॥
हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥
थिक् मनाःल्ले़ वेॽसमा मनान् निङ्घुम् मे़त्तुरो थिक् मनान् वेॽसमा मनाःल्ले़ कुदक्ले़ङ्वाओ पोःक्लो॥ थिक् हिम्बेसाङ्बे़न् वेॽसमा हिम्बेसाङ्बे़ल्ले़ कुदक्ले़ङ्वाओ पोःक्लो, काप्पो तुम्साहाॽरे़ खुन्छिॽ तक्ले़ङ्वाओ चप्प्रक् थाङ्बे़न् के़गे़प्पाहाॽ मे़बोक्लो हे़क्क्याङ् मिङ्सो इङ्धाःङ्साबाहाॽरे़ खुन्छिॽ तक्ले़ङ्वाओ थेनाधेबा सुहि मनाहाॽ मे़बोक्लो॥
माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥
Piblisite