खे़ल्ले़चोगुल्ले़ यहवे दाङ्बा इस्राइलबा निङ्वाॽफुमाङ्ङिल्ले़ कुमनाहाॽ कम्ब्राङ् के़मे़प्पा मे़ल्लुक्कम्बाहाॽरे़ खुन्छिॽ याःम्बेओ खुने़ॽ अक्खे पाःत्तुॽ, “खिनिॽ आङ्गाॽ आमनाहाॽ कम्ब्राङ् के़म्मे़त्तुम्सिम्मिन्, खिनिॽ खे़ङ्हाॽ फुत्छिङ्ज्याङ् के़जोगुम्सिम्माङ् पुबेलाप्सा के़नाःत्तुम्सिम्॥ आल्ल खिनिॽ ताप्फे़ःम्बा याःम्बक्हाॽरे़ लागि खिनिॽ खुम्दिङ् पिनिङ्ॽ॥
जकरिया 11:16 - लिम्बु16 थेआङ्भे़ल्ले़ से़क्खासाङ् आङ्गाॽ कन् लाजेॽओ लत्छा अक्तङ्बा मे़ल्लुक्कम्बाधिक् फोःक्खुङ्ॽ, खे़ल्ले़ के़माबाहाॽ कम्ब्राङ् मे़मे़त्तुसिन्ॽ, फुत्छिङ्ज्याङ् के़से़बाहाॽआङ् मे़भुक्खुसिन्ॽ, के़गाःम्बाहाॽआङ् मे़वेःन्दुसिन्ॽ, मे़न्दुक्मनाबा कुयाम् चाङ्जाङ्बाहाॽआङ् चामे़राम्सुसिन्ॽ, कर खे़ल्ले़ वरुप्लुप्पा मे़ल्लुक्किल्ले़ कुलाङ् तोॽभेःत्ते़न् थे़ःक्खुआङ् खुन्छिॽ तगि सान् चरो॥ Gade chapit la |
जकरिया 11:16
16 Referans Kwoze
के़माबा, खे़न् के़ले़ङ्बा के़बेःक्पाहाॽ आङ्गाॽ कोःत्तुङ्सिङ्ॽ, हे़क्क्याङ् से़ःप्तुङ्सिङ्ङाङ् खे़ङ्हाॽ याम्मो हिम्मो तारुङ्सिङ्ॽ॥ आङ्गाॽ के़गाःम्बाहाॽ सिदाॽपाङ्दाॽ खेःक्खुङ् पिरुङ्सिङ्ॽ हे़क्क्याङ् मे़न्धुम्मनाबाहाॽ के़धुम्बा चोगुङ्सिङ्ॽ॥ कर आङ्गाॽ खे़न् के़मे़ॽबाहाॽ नु के़धुम्बाहाॽ मे़क्खुङ्सिङ्ॽ॥ आङ्गाॽ खे़ङ्हाॽ कुजा चाःत्तुङ्सिङ्ॽ, ओवा आङ्गाॽ खे़ङ्हाॽ कुदोःप्मा खासे़न् चोगुङ्सिङ्ॽ!
आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—आल्ल आङ्गाॽ कन् मे़ल्लुक्कम्बाहाॽरे़ खुन्छिॽ निङ्मिआरो, हे़क्क्याङ् आङ्गाॽ आमे़ल्लुक्हाॽ थे़मा मे़बोःक्खे़आङ् मे़वाॽ खे़ल्ले़ लागि आङ्गाॽ खे़ङ्हाॽ लक्पे़न्नो थासुङ्सिङ्ॽ॥ आङ्गाॽ मे़ल्लुक् कम्ब्राङ् मे़प्मा खे़ङ्हाॽरे़ खुन्छिॽ युक्किन् तेॽरुङ् पिरुङ्सिङ्ॽ, खे़ब्याङ् खे़ङ्हाॽ आबाङे कुजा चाःत्छिङ्मा लाम्मिन् साक्तुङ् पिरुङ्सिङ्ॽ॥ आङ्गाॽ आधक्साहाॽ खे़ङ्हाॽरे़ खुन्छिॽ मुराओलाम् से़ःप्तुङ्सिङ्ॽ, आल्लआङ्धो मे़ल्लुक्हाॽ खे़ङ्हाॽरे़ खुन्छिॽ चामा कुजा मे़म्बोङ्ने़न्लो॥
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
Piblisite