जकरिया 11:11 - लिम्बु11 खे़न् माङ्हुप्पिन् आम्भा खे़ल्ले़ याःन्दिक् मे़ङ्गे़प्मनाबा पोःक्खे़, हे़क्क्याङ् कम्भलॽरिक् आङ्गाॽ ओमे़मे़त्ताङ्ल मे़बत्छाङ्बा के़इङ्बाहाॽरे़ खे़ङ्ग यहवे दाङ्बे़ल्ले़ कुबाःन्जाक् नेरत्छ फाॽआङ् निङ्वाॽ मे़घोसु॥ Gade chapit la |
जकरिया 11:11
27 Referans Kwoze
हे़क्क्याङ् ये़सुरे़ युहुन्नालाम् के़दाबाहाॽ मे़त्तुसि, “पेसे़त्छे़ॽआङ् कन् के़निसे़त्छु, के़घे़प्से़त्छुबा पाःन्निन् युहुन्नान् मे़त्ते़छे़ॽ—अक्खेलॽरिक् मिक्फःम्बाहाॽरे़ निमा मे़सुक्तुॽ, हे़क्क्याङ् लाङ्सक्पाहाॽ लाङ्मे़घेक्, लोगेॽरे़ तरुसिबाहाॽ मे़वेःत्, हे़क्क्याङ् नाधे़क्क्रे़ङ्हाॽरे़ मे़घे़प्सु, के़सिबाहाॽ याम्मो मे़हिङ्, हे़क्क्याङ् याङ्गे़साॽबाहाॽरे़ सुनाइङ्ङिन् मे़घे़प्सुॽरो॥
आङ्गाॽ सिआआङ् एगाङ् खिनिॽ से़क्खासाङ् साॽरिक् फे़त्के़लारिॽ हे़क्क्याङ् आङ्गाॽ पिनिङ्बा इङ्जाङ्हाॽलाम् लाःत्लाःत् के़बोःक्खिॽ फाॽआङ् आङ्गाॽ कुसिङ् निःत्तुङ्ॽ॥ यहवे दाङ्बे़ल्ले़ कुनिमो खिनिॽ फे़न्याःम्बक् के़जोगुम्बा नु खिनिॽ हुक्किल्ले़ के़जोगुम्बा पाःन्निल्ले़ खुने़ॽ कुसिक् के़भोःक्खुम्बाल्ले़ चोगुल्ले़ के़दाबा ये़न्हाॽओ खिनिॽ ये़त्तुक्खे के़दुमुम्लो॥”
यरिक् तुक्खे लाक्खे नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् ताआङ् एगाङ् कन् से़वासाम्लोन् खे़ङ्हाॽरे़ खुन्छिॽ तक्ले़ङ्वाओ तोःन्दि कुसिङ् पोङ्ॽ, थेआङ्भे़ल्ले़ खे़न् खे़ङ्हाॽरे़ खुन्छिॽ मुॽइदाङ्साहाॽरे़ आभे़ल्ले़आङ् निङ्वाॽ मे़म्भेःत्छुन्ॽ॥ आङ्गाॽ खे़ङ्हाॽ पिनिङ् मे़त्तुङ्सिङ्बा लाजेॽओ के़प्मासिनुःल्ले़ तगिए आङ्गाॽ खे़ङ्हाॽरे़ खुन्छिॽ निङ्वाॽओ मे़इःत्तुबाःन् कुसिङ् निःत्तुङ् सुरुङ्ङाङ् वाॽ॥”
खे़ब्याङ् कुदोःप्मा ये़म्मो यहवे दाङ्बे़ल्ले़ पाःत्तुबा हे़क्के आम्भङारे़ कुस्सा हनमेले़न् हाङ्हिम्मो के़वाॽबा इक्के़गोबाहाॽरे़ खुन्छिॽ लक्खुम्मो त्ये़आङ् मे़त्ताङ्, “बेन्यामिन्ले़ कुलाजेॽओबा अनातोतओ के़ने़बा आइक्ताप्पिन् इङे़ॽ॥ खे़न् इक्ताप्पिन् थे़ॽमा नु कप्मा खे़ने़ॽए के़हुक्को वाॽ॥” अक्खेलॽरिक् से़क्खाए यहवे दाङ्बान् आङ्गाॽनु पारे़बारे़त्छ फाॽआङ् निङ्वाॽ खोसुङ्॥
Piblisite