कल्ले़चोगुल्ले़ चे़प्मा से़प्मासिरे़ लागि मे़गत्तुसिबा मे़ल्लुक् मे़ःन्दाहाॽ, से़क्खाःल्ले़ थक्सा लुप्पो तुक्खे मे़जाःत्तुसिबा मे़युक्तुसिबाहाॽ आङ्गाॽ चाराम्सुङ्सिङ्॥ हे़क्क्याङ् आङ्गाॽ आलागि तक्कात् ने़त्छि याङ्सिङ्ङा—लत्छारे़ कुमिङ् “लुङ्गुम्” नु वेॽइल्ले़ कुमिङ् “थिक्हुप्” वाःत्तुङ्—हे़क्क्याङ् मे़ल्लुक् लुप्हाॽ चाराम्सुङ्सिङ्॥
जकरिया 11:10 - लिम्बु10 खे़ब्याङ् आङ्गाॽ “आलुङ्गुम्” मे़प्मनाबा तक्काःत्तिन् याङ्सिङ्ङा, हे़क्क्याङ् इस्राइलबा के़रे़क् मनाहाॽनु चोगुङ्बा माङ्हुप्पिन् मे़ङ्गे़प्मना चोगुङ्ङाङ् खे़न् ए़क्खुङ्॥ Gade chapit la |
जकरिया 11:10
20 Referans Kwoze
“खे़ल्ले़चोगुल्ले़ यहवे दाङ्बा, इस्राइलबा निङ्वाॽफुमाङ्ङिल्ले़ अक्खे पाःत्तु, ‘खे़ने़ॽ के़हिम्सयङ् नु के़म्बारे़ कुहिम्सयङ्हाॽरे़ सदादिङ् चक्मे़न्लॽए आङ्गाॽ आदगि माङ्से़वा मे़जोगुर फाॽआङ् माङ्हुप् चोगुङ्ङाङ् वयाङ्॥’ कर आल्ल यहवे दाङ्बाल्ले़ अक्खे पाःत्तु, ‘आल्लआङ्धो अक्खे पोङ्मा मे़नुॽने़न्॥ आङ्गाॽ मिङ्सो इङ्धाङ् के़बिबाहाॽ मिङ्सो इङ्धाङ् पिरुङ्सिङ्, हे़क्क्याङ् आङ्गाॽ कुनामे़न्छाॽ के़मे़प्पाहाॽ आङ्गाॽ चिःत्तुङ्सिङ्॥’
“तुक्पोङ्ङाङ् ने़त्छि ‘नुसिहाॽ’ एगाङ् खे़न् माङ्थोःक्ना के़बोङ्बा मनान् मे़से़रुॽ खे़न्नु थेधिक्काङ् मे़याःक्ने़न्॥ युक्साबा मनाहाॽ मे़दाआङ् खे़न् ये़क्यक्किन् नु सेसेदे़न्निन् खाप्पुथ्यःङ् मे़जोगुॽ॥ वहित् थामा ये़म्मो के़गुङ्बा च्वाःत् हे़क्के कुनुप्मान् तारो—कुनुप्मो थारिक्के थङ् पोङ्ङाङ् पत्, हे़क्क्याङ् मुरे़क् खारे़क् पोङ्मा इङ्जाङ्ङिन् इङ्भन् पोःक्खे़आङ् वाॽ॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
खिनिॽ खे़न् लाजेन् थोःम्मारे़ लागि लिबोङ् ये़न् के़देसुम्माङ् के़वयि, कल्ले़चोगुल्ले़ थिक्यान् कुदङ्बा तङ्बे थिक्, लिबोङ् तङ्बे थारिक् खिनिॽ फे़न्याःम्बक्किल्ले़ कुले़क्वा तुक्खे च्ये़म्मे़ॽ, हे़क्क्याङ् आङ्गाॽ खिनिॽ निङ्मि पोङ्ङाल्ले़ थे पोङ्ॽ खे़न् खिनिॽ निङ्वाॽ के़घोसुम्ॽ॥’
Piblisite