जकरिया 10:8 - लिम्बु8 “खे़ङ्हाॽ आङ्गाॽ उःत्तुङ्सिङ्ङाङ् सुप्सुङ्सिङ्लो, थेआङ्भे़ल्ले़ से़क्खाए मे़ल्लुङ् हुङुङ्ङाङ् खे़ङ्हाॽ थे़ॽरुङ्सिङ्ङाङ् मे़वाॽरो हे़क्क्याङ् तगि कुइसिक् निःत्मे़न्दे़त्ते यरिक् मे़बोङ्लो॥ Gade chapit la |
जकरिया 10:8
25 Referans Kwoze
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
सेसेमाङ्ङिन् नु सिसामेःत्तिल्ले़ पाःत्छुॽ, “ये़ॽओ!” हे़क्क्याङ् कन् पाःन्हाॽ के़घे़म्बाल्ले़आङ् “ये़ॽओ!” पाःत्तुरो॥ आत्तिन् आःङ्गुगे़न् वामिःक्माल्ले़ तरुआङ् वाॽ, खे़न् ताररो॥ आत्तिल्ले़ निङ्वाॽ चोगुॽ, हाराॽ खे़ल्ले़ कुमे़ल्लुङ् मेःन्नेए मे़न्नुप्मनाबा हिङ्मन् के़बिबा च्वाःत्तिन् थुङुररो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नान् नु मे़ल्लुक्साःल्ले़ कुदगि कब्रिङ् मे़ये़बे़बा निसुङ्सिङ्॥ खे़ङ्हाॽरे़ फदाङ्बा तेत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराक्हाॽ मे़बक्खुआङ् मे़ये़बे़॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥
Piblisite