मुक्साम्दाङ्बा यहवे दाङ्बे़ल्ले़ खे़ङ्हाॽ ताङ्से़ःप्तुसिरो हे़क्क्याङ् खे़ङ्हाॽरे़ निङ्मिहाॽ खाप्पुथ्यःङ् मे़जोगुसिरो, हे़क्क्याङ् अर्दोओबा लुङ्हाॽरे़ खे़ङ्हाॽ मे़नाःन्दुसिरो॥ खे़ङ्हाॽरे़ सोसोत्लराङ्ङो मे़ज मे़धुङुरो हे़क्क्याङ् मयुसिबा कुइसिक् मे़अःक्लो॥ खे़ङ्हाॽ ले़त्ति तोःम्मादे़न्निल्ले़ कुसुक्पाहाॽओ सामाक्खिॽ साङ्मा छे़ःङ्ग्यान् तिम्बा हे़क्के माक्खिल्ले़ ले़ःक्तुसिरो॥
जकरिया 10:7 - लिम्बु7 एफ्राइमबा मनाहाॽग मुक्साम्साबा मे़बोङ्लो, हे़क्क्याङ् चे़ल्ले़क्सेॽ थि के़धुङ्बाआङ् के़सःप्पा हे़क्के खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽरे़ खुन्छिॽ मुॽइदाङ्साहाॽरे़ खे़न् मे़निसुआङ् मे़सःत्लो, यहवे दाङ्बाओ खे़ङ्हाॽरे़ खुन्छिॽ निङ्वान् पसःत्सःत्लो॥ Gade chapit la |
जकरिया 10:7
31 Referans Kwoze
हे़क्क्याङ् खे़प्मो हन्नाःल्ले़ अक्खेलॽरिक् पेलिगे़न् तुवा चोगु, “आङ्गाॽ आनिङ्वान् यहवे दाङ्बाओ सःत्ते़आङ् वाॽरो, यहवे दाङ्बाओ आङ्गाॽ आमुक्साम्मिन् त्ये़आङ् वाॽरो॥ आनिङ्मिहाॽ येःप्मासि पान् आङ्गाॽ आम्ब्राओ त्ये़आङ् वाॽरो, आदाङ्बारे़ आङ्गाॽ से़न्लप् के़बिराङ्बाओ आसिक् पसम्समे़आङ् वाॽआरो॥
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
निङ्वाॽफुमाङ्ङिल्ले़ ये़सुन् सिमे़न्लाम् याम्मो हिङ्घुआङ् माङ्हे़क्किन् आनिॽ कुमुॽइदाङ्साहाॽरो के़त्तुरो॥ कन् निसिगेक्पा निङ्वाॽफु साम्लोसुम्मो निङ्वाॽफुमाङ्ङिल्ले़ ये़सुन् अक्खे मे़त्तुआङ् वाॽरो, “‘खे़ने़ॽग आस्साने़रो, इङ्गाॽ से़क्खाए के़म्बाआ फाॽआङ् ओसेःन्दाङ् चोगुङ्ङाङ् वाॽरो॥’
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
Piblisite