खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
जकरिया 10:6 - लिम्बु6 “आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥ Gade chapit la |
जकरिया 10:6
39 Referans Kwoze
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
‘सियोनरे़ कुस्सा मे़न्छुमाए, पोगे़ॽआङ् चाधाप्से़ॽओ, थेआङ्भे़ल्ले़ आङ्गाॽ खे़ने़ॽ फे़न्जेॽ ताङ्हाॽ पिने़रो, आङ्गाॽ खे़ने़ॽ कासा लाङ्तोॽभेत् पिने़रो, हे़क्क्याङ् चाधाम्मनाबा हे़क्के मे़न्छाम् सुवाङ्हाॽ के़धाप्सुसिरो॥ खे़ङ्हाॽरे़ फे़न्याःम्बक् मे़जोगुआङ् मे़सुप्सुबा पोगुगे़न् कुजाहाॽ हे़क्क्याङ् खे़ङ्हाॽरे़ खुन्छिॽ याङ्साकुन्धेहाॽ काक् इक्सादिङ् खाम्बेःक्कोबा यहवे दाङ्बाओ के़दोःन्दुरो॥’”
आप्फेक् आलागि निङ्वाॽफुमाङ्ङिल्ले़ कुमनाहाॽ इक्सादिङ् खाम्बेःक्को युक्खुङ्सिङ्लो, आङ्गाॽ आत्तिन् ‘लुङ्माॽ मे़न्दुक्मनामा’ मे़त्तुङ्ङाङ् वये़, आङ्गाॽ खे़न् लुङ्माॽ तुक्तुङ्लो॥ आत्तिन्हाॽ ‘आङ्गाॽ आमनानिङ् मेःन्’ मे़त्तुङ्सिङ्ङाङ् वये़ खे़ङ्हाॽ ‘आङ्गाॽ आमनानिङ्’ मे़त्तुङ्सिङ्लो॥ हे़क्क्याङ् खे़ङ्हाॽरे़ आङ्गाॽ अक्खे मे़मे़त्तारो, ‘खे़ने़ॽ आनिगे निङ्वाॽफुमाङ्ने़रो॥’”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
“नासिगे़न् थक्ला के़गप्पा मे़न्छाम् याप्मिए, सिङ्आत् थिक् याङ्सिङ्ङे़ॽआङ् कन् इङ्घङ्हाॽ कप्मो लक्ते़ॽ—‘कल्ले़ यहुदा हाङ्जुम्मिन् ओसेःन्धाङ् चोगुॽ॥’ खे़ब्याङ् वेॽ सिङ्आत् थिक् याङ्सिङ्ङे़ॽ हे़क्क्याङ् कन् इङ्घङ्हाॽ खे़प्मो लक्ते़ॽ—‘कल्ले़ इस्राइलबा हाङ्जुम्मिन् ओसेःन्धाङ् चोगुॽ॥’
आङ्गाॽ मनाहाॽरक् मेःन्, कर थक्साहाॽआङ् फोसुङ्सिङ्ॽ॥ इस्राइलबा कोःक्मा फाङ्जङ् थे़गु माङ्वासे, खिनिॽ सम्धाङ् युङ्मारे़ लागि आङ्गाॽ याम्मो थिक्ले़ङ् मनाहाॽ तारुङ्सिङ्ॽ॥ तगिनुःल्ले़आङ् यरिक् खिनिॽ के़नुरि के़दासिर चोःक्निङ्ॽ॥ खे़म्ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
याकुबरे़ कुहिम्सयङ्हाॽ मि मे़बोङ्लो हे़क्क्याङ् योसेफरे़ कुहिम्सयङ्हाॽ मिराक् मे़बोङ्लो॥ खम्भ्याङ् एसावरे़ कुहिम्सयङ्हाॽग के़हेबा याःन्सुङ् मे़बोङ्लो, हे़क्क्याङ् खे़ङ्हाॽरे़ एसावरे़ कुहिम्सयङ्हाॽ मिमे़धिक्खुसिरो॥ खे़ब्याङ् खे़ङ्हाॽ वरे़ङ्ले़ङ् खाप्पुथ्यःङ् मे़बोङ्लो एसावरे़ कुहिम्सयङ्लाम् हाःत्ताङ् कुहिङ्वे़त् मे़न्दाङ्ने़न्लो॥” यहवे दाङ्बे़ल्ले़ कन् पाःत्तुङ्ङाङ् वाॽरो॥
“मे़गिसे़न्ने़ॽ, खे़ने़ॽ सिरिङ्ममो थामा मे़बोङ्ने़ल्लो, कुनामे़न्छाॽ के़म्मे़त्ते़ल्ले़ मे़ङ्गिओ, खे़ने़ॽ चुक्मा के़म्बोङ्ने़ल्लो॥ खे़ने़ॽ के़वे़न्ने़ल्ले़बा नुःम्मे़न् निङ्वाॽ के़भेःत्छुरो, हे़क्क्याङ् मेमेदुमा के़बोःक्खे़बा इङ्दोन् खे़ने़ॽ याम्मो आभे़ल्ले़आङ् निङ्वाॽ के़न्इःत्तुल्लो॥
Piblisite