जकरिया 10:5 - लिम्बु5 खे़ङ्हाॽनु सोरिक् थङ्ङो खुन्छिॽ निङ्मिहाॽ माराम्मोबा ले़क्वाओ चिदोॽ चिदोॽ के़दोॽबा मुक्साम्साबा मनाहाॽ हे़क्तङ्बा मे़बोङ्लो, थेआङ्भे़ल्ले़ यहवे दाङ्बे़न् खे़ङ्हाॽनु सोरिक् वाॽरो खे़ङ्हाॽ थङ् मे़जोःक्काङ् अन्गे़युक्पाहाॽ नाधामो मे़धासुसिरो॥ Gade chapit la |
जकरिया 10:5
40 Referans Kwoze
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
थेआङ्भे़ल्ले़ यहुदान् आङ्गाॽ आलिॽइन् हे़क्के ले़ॽरुङ्लो, हे़क्क्याङ् खे़प्मो आङ्गाॽ एफ्राइम्मिन् तोङ् हे़क्के फत्छुङ्लो॥ सियोनए, आङ्गाॽ खे़ने़ॽ के़स्साहाॽ ग्रिसरे़ कुस्साहाॽरे़ खुन्छिॽ तक्ले़ङ्वाओ हुसुङ्सिङ् पक्खुङ्सिङ्लो, हे़क्क्याङ् खे़ने़ॽ थक्लिहाङ्ङिल्ले़ कुदाभे हे़क्तङ्बा चोःक्ने़रो॥”
ये़सुरे़ मे़त्तुसि, “मे़ःम्बे़, थे़मा पाःन्निन्बे?” खे़ङ्हाॽरे़ नोगप् पिरे़त्छु, “नासरतबा ये़सुरे़ कुयाःम्बेओआ, खुने़ॽग माङ्निङ्वाॽपान् के़बाःप्पा वये़, हे़क्क्याङ् निङ्वाॽफुमाङ्ङिन् नु मे़न्छाम्गे़न् याप्मिलुम्मो खुने़ॽ पेलिगे़न् पाःन्जाक्को नु याःम्बक्को मुक्साम्साबा चोगे़रो॥
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
मे़न्छाम् सुवाङ्से, ते़न्धङ् चोःक्मा उवा चोगे़म्मे़ॽओ हे़क्क्याङ् किसाम्मे़ॽआङ् यक्खे़म्मे़ॽओ! माःङ्घा माःङ्घा के़ने़बा लाजेॽसे, थङ् चोःक्मारे़ लागि यारिप् पोःक्खाम्मे़ॽओ, खे़ब्याङ् खिनिॽ यङ्माॽ के़रे़म्मे़ॽओ! थङ् थक्मारे़ लागि यारिप् पोःक्खे़म्मे़ॽओ, खे़म्ब्याङ् फुत्लुम् थ्यःङ् पोःक्खाम्मे़ॽओ!
खुने़ॽ कुसे़वारोबाधिक्ले़ मे़त्तु, “बेथले़हे़म के़युङ्बा यिसैरे़ कुस्साधिक्ले़ नुरिक् मुक्ला मुक्खुबा आङ्गाॽ निसुङ्ङाङ् वाॽ॥ खे़न् मे़ङ्गिए थङ् थक्मा के़धुम्बा मना चोक्॥ खुने़ॽ पान् पाःप्मा सिक्कुम्साबा नु ओमे़प्माल्ले़ साॽरिक् कुघे़म्सिङ्मा के़याक्पा नुबा मना वाॽ॥ हे़क्क्याङ् यहवे दाङ्बान् खे़न्नु वाॽ॥”
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
आभाॽरे़ फाॽआङ् मिस्र लाजेॽओ के़बेःक्पाहाॽग मे़जिःत्ते़ मे़स्ये़रो! खे़ङ्हाॽरे़ मिस्र लाजेॽओबा यरिक् अन्हाॽ, अन्लाधाहाॽ हे़क्क्याङ् थक्सुबाहाॽरे़ ताङ्मे़से़ःप्तिगे़ फाॽआङ् मे़इःत्तुरो॥ कर इस्राइलबा सेसेबा निङ्वाॽफुमाङ्ङिल्लो निङ्वाॽ मे़न्युक्खुन्लो, हे़क्क्याङ् खुने़ॽओ कुभाॽआङ् मे़ङ्गोःत्तुन्लो॥
Piblisite