जकरिया 10:2 - लिम्बु2 नावाइत्लाहाॽरे़ इङ्ले़क्पा पान् मे़बाःत्तुरो, हे़क्क्याङ् कित्चाक् के़जोःक्पाहाॽरे़ इङ्ले़क्पा सुफोहाॽ मे़निसुरो, खम्भ्याङ् मे़न्वाॽमनाबा से़प्माङ्हाॽ मे़बाःत्तुरो, खे़ङ्हाॽरे़ कुसुम् मे़न्दम्मनाबा आःन्छिङ्मा मे़बिरुसिरो॥ कल्ले़चोगुल्ले़ मे़ल्लुक्कम्बाहाॽ मे़सुःम्बाल्ले़ चोगुल्ले़ तुक्खे मे़जाःत्तुसिबा मे़ल्लुक्हाॽ कुइसिक् मनाहाॽ ताप्मे़बे़ॽरो॥ Gade chapit la |
जकरिया 10:2
44 Referans Kwoze
“साप्चोबेल्ले़ हिबु, लक्तु खोःन्दुआङ् चोगुबा नावाइत्लाःल्ले़ कुयाःम्बक् थे़मा वाॽआङ्बे? इग्र इङ्ले़क् के़हुॽबा नावाइत्लाःल्ले़ कुयाःम्बक् थे वाॽबे? थेआङ्भे़ल्ले़ खे़न् नावाइत्ला के़जोःक्पा चोबेगुःल्ले़ आप्फेक् कुहुक्किल्ले़ चोगुबा चइःत्ते़न् नासाॽरुरो, खुने़ॽ चोगुसिबा नावाइत्लाहाॽ पाःप्मा मे़न्छुक्ने़न्लो॥
“‘कल्ले़चोगुल्ले़ खिनिॽ माङ्निङ्वाॽपान् के़बाःप्पाहाॽ, खागे़इक्पाहाॽ, से़प्माङ्ङिल्ले़ कुबे के़हम्बाहाॽ, के़सिबा मनाःल्ले़ कुसाम् मुरा के़मे़प्पाहाॽ नु मिक्ले़ःङ्मा याःम्बक् के़जोःक्पाहाॽरे़ मे़बाःत्तुबान् मे़घे़प्से़म्मिन्ने़ॽ, खे़ङ्हाॽरे़ मे़बाःत्तुॽ, “बेबिलोनबा हाङ्ङिल्ले़ कुयुक्को खिनिॽ वाॽमा मे़बोङ्ने़न्॥”
आङ्गाॽ कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ, आङ्गाॽ आधक्साहाॽ खिनिॽ के़नाॽरुम्सिम् हे़क्क्याङ् के़रे़क् ताम्भुङ् थक्साहाॽरे़ खे़ङ्हाॽ फप्मासिरे़ लागि खिनिॽ के़ले़रुम् के़देसुम्सिम्॥ हे़क्क्याङ् खिनिॽ आङ्गाॽ आमे़ल्लुक्कम्बा के़वयिसाङ्, आङ्गाॽ आमे़ल्लुक्हाॽ मे़मये़आङ् मे़वये़ल्ले़ खिनिॽ खे़ङ्हाॽ के़ङ्गोःत्तुम्सिम्मे़न्॥ खिनिॽ आबाङे कम्ब्राङ् के़मे़त्तासि हे़क्क्याङ् मे़ल्लुक्हाॽ साक्किल्ले़ तरुसिर के़ले़रुम् के़देसुम्सिम्॥
याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥
खिनिॽ माङ्निङ्वाॽपान् के़बाःप्पाहाॽरे़ इङ्ले़क् सुफोहाॽ मे़बाःत्तुआङ् वाॽरो, हे़क्क्याङ् खिनिॽ तॽयान् ओगे़मे़प्पाहाॽरे़ खिनिॽ इङ्ले़क् के़म्मे़त्तिआङ् वाॽरो॥ खुम्दिङ् खोमा कुनुप्मा ये़न् निःप्मा के़गे़प्पाआङ् के़वाॽबा कुॽइगे़भे़म्बाहाॽरे़ खुन्छिॽ सित्लाहाॽओ ताभेन् चुक्ते़आङ् पत्लो॥
बेबिलोनबा हाङ्ङिन् आल्ल यरुसले़ःम्मिन् फप्माबि इ रब्बाःन् फप्माबि लॽरिक् निःन्धो मे़म्बोङ्ङे लाम् के़से़बादे़न्नो ये़प्॥ खुने़ॽ थुम्या इमारे़ लागि कुघागे़इक्पाहाॽ उःत्तुसिॽ॥ तोङ् याङ्मोलाम् तोःङ्हाॽ यगङ् यगङ् मे़मुन्दुआङ् खे़ङ्हाॽरे़ तॽयाःन्सोन् मे़गे़सुॽ॥ खे़ङ्हाॽरे़ थक्सा तोःम्मनाबा सिदुङ्जभाहाॽरे़ कुने़रे़त्हाॽ ओमे़मे़त्तु मे़साॽरु॥
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, “खिनिॽ लुम्मो के़वाॽबा माङ्निङ्वाॽपान् के़बाःप्पाहाॽ इग्र ताःन्दि के़दाबा पाःन्हाॽ आनिगे आल्लोसा पाःप्मा सुक्तुम्बे़ लॽरिक् पान् के़धक्पा वेॽ मनाहाॽरे़ खुन्छिॽ इङ्ले़क्को मे़ध्ये़म्मे़न्ने़ॽ॥ खिनिॽ आबाङे के़इःत्तुम्माङ् के़माक्तुम्बा से़प्माङ्बा पाःन्नो निङ्वाॽ मे़बिरे़म्मिन्ने़ॽ॥
आबान् खे़म्मा मे़न्दे़म्मनाबाहाॽ खे़ङ्हाॽरे़ चक्मे़ल्लॽए अक्खे मे़मे़त्तुसिरो, ‘यहवे दाङ्बे़ल्ले़ पाःत्तुॽ—खिनिॽ लागि नुॽमादामा सनारुङ् पोङ्लो!’ पान् मे़ङ्घे़म्मनाबा आधिङ्गानि हादिङ् के़धक्पाहाॽ खे़ङ्हाॽरे़ अक्खे मे़मे़त्तुसिरो, ‘खिनिॽ सम्धाङ् थे़मा तुक्खे लाक्खेआङ् मे़दाने़न्लो॥’
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
खे़ब्याङ् मिकायाःल्ले़ नुगप् पिरु, “आङ्गाॽग के़रे़क् इस्राइलिहाॽ मे़ल्लुक्कम्बा मेःन्नेबा मे़ल्लुक्हाॽ कोःक्माहाॽओ फुत्छिङ्ज्याङ् मे़से़रे़आङ् मे़वये़बा हे़क्के निसुङ्सिङ्, हे़क्क्याङ् यहवे दाङ्बे़ल्ले़ अक्खे पाःत्तु—‘कन् मनाहाॽरे़ खुन्छिॽ दाङ्बा होप्॥ के़रे़क् सनारुङ्ङाङ् हिम्मो मे़बेःक्लरो॥’”
खे़ब्याङ् लेस कब्रिङ् पिसाङ्बा लाजेॽहाॽ थोःम्से़ के़बेःक्पा खे़न् ङासि मनाहाॽरे़ खुन्छिॽ फुॽनुसाॽहाॽ अक्खे मे़मे़त्तुसिआङ् ताॽमे़जे़क्तुसि, “थे कन् हिम्हाॽओबा लत्छाओ एपोद नु हिम्साम्माङ् नावाइत्लाहाॽ, लक्मनाबा इत् नु युप्पा योःम्मनाबा नावाइत्ला युङ् फाॽआङ् खिनिॽ के़निसुम्बि? आल्ल आक्खे चोःक्मा के़लॽबान् खिनिॽ के़निसुम्ॽ॥”
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“मे़ल्लुक् लुप्हाॽ के़ले़प्पाआङ् के़बेःक्पा के़घे़प्पा कुसुम् मे़न्दम्मनाबा मे़ल्लुक्कम्बान् चिःत्ते़स्ये़रो! खे़ल्ले़ कुहुक्किन् नु कुजुप्साङ् मिक्किन् ताभेःल्ले़ च्ये़प्तुररो! खे़ल्ले़ कुहुक्किन् के़रे़क् सर्गे़ङ् हेबेःक्लरो हे़क्क्याङ् खे़ल्ले़ कुजुप्साङ् मिक्किन् खामे़न्निमनाबा पोङ्लरो॥”
आङ्गाॽ इङ्ले़क् माङ्निङ्वाॽपान् के़बाःप्पाहाॽरे़ खुनिॽ मिक्सेःन्निन् कुसुम् मे़न्दम्मनाबा चोगुङ्लो, हे़क्क्याङ् थुम्म्या के़इबाहाॽ अदङ् चोगुसिङ्लो॥ आङ्गाॽ सिक्कुम्साबा मनाहाॽरे़ खुन्छिॽ ने़हिनिङ्वान् खादाःक्पा चोगुङ्लो, खे़ब्याङ् खे़ङ्हाॽ खासिङ् मे़न्निःप्मना मे़बोङ्ल चोगुङ्सिङ्लो॥
Piblisite