जकरिया 10:1 - लिम्बु1 वहित् थामा नाॽबा ये़म्मो यहवे दाङ्बे़न् वहित् नाःक्ते़म्मे़ॽओ, यहवे दाङ्बे़ल्ले़ए खाॽमिःत्हाॽ के़बप्पा सुरित् केजङ् चोगुरो॥ खुने़ॽ के़रे़क् मनाहाॽरे़ खुन्छिॽ लागि वगेःङ्मा वहित् थासुरो, खुने़ॽ के़रे़क्ले़ खुन्छिॽ लागि इक्ताप्पो कुलिःम्बा पिरुसिरो॥ Gade chapit la |
जकरिया 10:1
31 Referans Kwoze
खे़ल्ले़चोगुल्ले़ फुॽनुसाॽ नु ने़ॽनुसाॽसे, दाङ्बाल्ले़ कुनुःङ्मा युःमा ये़म्मिन् के़हाङ्घुम्मिल्ले़ खिनिॽ नासि थःप्माआङ् हाङ्माए पोङ्लो॥ इक्मःबाल्ले़ कुइक्ताप्पो इमे़ल्लुङ्बा कुजाॽ नुःरिक्काङ् थोःक्ल फाॽआङ् हाङ्वाःम्मा नु चुङ्वाःम्माओ पाङ्गे़न्दिङ् वाहित्मान् नासि थःत्तुआङ् हाङ्घुबान् निङ्वाॽ इःत्ते़म्मे़ॽओ॥
वहित् था के़बाङ्घुआङ् खाम्बेःक्मान् वागे़रक्खुरो, हे़क्क्याङ् यरिक् पोगुगे़न् कुजा के़धोःक्पा के़जोगुरो॥ के़यङ्घङ् नु के़वहःङ्हाॽ काक् च्वाःत्तिल्ले़ के़धिम्सुरो हे़क्क्याङ् इक्सादिङ् खाम्बेःक्मो कुजा थोःक्लो॥ थेआङ्भे़ल्ले़ खे़ने़ॽ अक्खेए पोङ्लरो फाॽआङ् खे़ने़ॽ के़बाःत्तुआङ् वाॽरो॥
“पोगुगे़न् कुजा सुम्मा ये़म् आल्लसाङ् ला सुम्सि तामा वये़रए आङ्गाॽ खिनिॽ लागि पाङ्गे़न्दिङ् वहित् थामा मे़म्बाङ्बारो, आङ्गाॽ लत्छा ये़क्यक्को वहित् थामा पाङ्घुङ्लो कर वेॽ ये़क्यक्को वहित् थामा मे़बाङ्घुङ्ङिन्लो॥ लत्छा इक्ताप्पो वहित् थ्ये़, वेॽसमा इक्ताप्पो मे़ध्ये़ने़न्लो हे़क्क्याङ् खे़न् इक्ताप्पिन् सर्गे़ङ् हेरे़बेरो॥
खिनिॽ लागि साम्योबा याःम्बक्किन् याॽरिःम्बा हेॽरे़म्मे़ॽओ, हे़क्क्याङ् चक्मे़न्लॽमनाबा मिःम्जिल्ले़ सिङ्सेन् सुप्से़म्मे़ॽओ, हे़क्क्याङ् खिनिॽ याक्चाना इक्ताप्हाॽ थोक्से़म्मे़ॽओ॥ थेआङ्भे़ल्ले़ यहवे दाङ्बे़न् युआङ् खिनिॽओ साम्योनिमे़न् मे़धासुन्ल थारिक् खुने़ॽ कोःप्मा ये़म्मिन् आल्लोएरो॥
वेॽ मे़न्छाम् सुवाङ्हाॽरे़ खुन्छिॽ हने़बा माङ्साम्माङ्हाॽरे़ वहित् थामा मे़न्छुक्तुन्लो॥ ताङ्साङ्बाल्ले़ आबाङे वगेःङ्मा मे़सुक्तुन्लो॥ मेःन्लो, यहवे दाङ्बा आनिगे निङ्वाॽफुमाङ्ङे, आनिगे खे़ने़ॽए के़लाम् ओमे़त्तुम्बे़आङ् वयिगे़रो थेआङ्भे़ल्ले़ कन् के़रे़क् पाःन्हाॽ के़जोःक्पा खे़ने़ॽए के़वाॽरो॥
Piblisite