जकरिया 1:4 - लिम्बु4 “खिनिॽ पाधे़बाहाॽ हे़क्तङ्बा खिनिॽ मे़बोःक्खे़म्मिन्ने़ॽ, तगिबा माङ्निङ्वाॽपान् के़बाःप्पाहाॽरे़ खे़ङ्हाॽ अक्खे मे़मे़त्तुसिआङ् वये़—मुक्साम्दाङ्बा यहवे दाङ्बे़ल्ले़ अक्खे पाःत्तुॽ—‘आल्ल खिनिॽ ताप्फे़ःम्बा सुत्ना नु कुॽइभे़म्मा ये़प्ले़क् लाम्बा नुःक्खे़म्मे़ॽ॥’ कर खे़ङ्हाॽरे़ मे़ङ्घे़प्सुन् हे़क्क्याङ् आङ्गाॽ ले़प्माङ् निङ्वाॽए मे़म्बिरुन्,” यहवे दाङ्बे़ल्ले़ उवा चोगुॽ॥ Gade chapit la |
जकरिया 1:4
55 Referans Kwoze
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
ये़त्ले़ङ् ये़त्ले़ङ् आङ्गाॽ खिनिॽओ पाङ्घुङ्सिङ्बा आसे़वारोबा माङ्निङ्वाॽपान् के़बाःप्पाहाॽरे़ अक्खे के़म्मे़त्ति, ‘खिनिॽ फे़न्याःम्बक् चोःक्मालाम् नुःक्खे़म्मे़ॽ, हे़क्क्याङ् कुदोःप्मा याःम्बक् चोःक्मा हेःक्ते़म्मे़ॽ॥ वेॽ साम्माङ्हाॽ माङ्घमासि ले़रे़म्मे़ॽ हे़क्क्याङ् आङ्गाॽ खिनिॽ नु खे़निॽ पाधे़बाहाॽ पिरुङ्सिङ्बा लाजेॽओ खिनिॽ हाङ्हाङ्ङाङ् वाॽमा के़घोसुम्॥’ कर आङ्गाॽ मे़त्निङ्बान् नु आङ्गाॽ आबाःन्निन् के़ङ्घे़प्सुम्मिन्॥
काक्नु तगि दमस्कसओ हे़क्क्याङ् यरुसले़म नु काक् यहुदिया लाजेॽबा, हे़क्क्याङ् थिम्मे़न्दङ् सुवाङ्हाॽआङ् खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्लो नुःक्खे़म्मे़ॽ हे़क्क्याङ् खिनिॽ लायोलाम् के़हिन्दिबा कुइसिक् निङ्वाॽफुमाङ्ङिल्ले़ कुनिङ्वाॽ तासे़म्मे़ॽओ फाॽआङ् इङ्भन् चोगुङ्सिङ्लो॥
“खे़ल्ले़चोगुल्ले़ आल्ल यहुदा नु यरुसले़ःम्मोबा यक्युङ्बाहाॽ मे़त्ते़ॽसे़ॽ, ‘यहवे दाङ्बे़ल्ले़ हाबा कन् पाःत्तु—ओमे़त्ते़म्मे़ॽ, आङ्गाॽ खे़निॽ खाप्पुथ्यःङ् के़बोःक्खिर चोःक्मा नु खे़निॽ मे़ङ्मालाम् चोगुङ्ल वाॽआ॥ कल्ले़चोगुल्ले़ खिनिॽ लायोबा हिङ्मन् ले़रे़म्मे़ॽ हे़क्क्याङ् खिनिॽ ये़प्ले़क्किन् तोःन्दे़म्मे़ॽ॥’
यरिक् तङ्बे थारिक् खे़ने़ॽ खे़ङ्हाॽ नासि के़धःत्तुसिआङ् साम्दिङ् के़बिरुसिरो, माङ्निङ्वाॽपान् के़बाःप्पाहाॽलाम् के़याम्साम्मिल्ले़ खे़ङ्हाॽ साम्दिङ् के़बिरुसिरो, कर के़मनाहाॽ आबाङे नाधे़क्क्रे़ङ् मे़जोक्सिङ्लो, खे़ल्ले़चोगुल्ले़ वेॽ थिम्मे़न्दङ् सुवाङ्हाॽरे़ खे़ङ्हाॽ मे़नाःन्दुसिर के़याःन्दुसिरो॥
“कर के़मनाहाॽरे़ पिफ्युङ् मे़जोगुरो हे़क्क्याङ् खे़ङ्हाॽ इङ्जाङ् मे़न्इःप्मना मे़न्नाःप्मना मे़बोःक्खे़रो, खे़ने़ॽ के़साम्योथिम् इङ्जाङ्लाम्बा खे़ङ्हाॽरे़ खुनिॽ नारान् मे़हिसुरो॥ खे़ने़ॽ ले़प्माङ् नुःङ्मा फाॽआङ् पान् के़मे़प्पा माङ्निङ्वाॽपान् के़बाःप्पाहाॽ खे़ङ्हाॽरे़ मे़से़रुसिरो, ये़त्ले़ङ् खे़ङ्हाॽरे़ खे़ने़ॽ के़जाःत्थि मे़देसुरो॥
आनिगे पाधे़बाहाॽरे़ खुन्छिॽ ये़म्माङ्धो आइन् थारिक् आनिगे खे़ने़ॽ के़मनाहाॽरे़ यम्बा लायो चोगुम्बे़आङ् वयिगे़॥ आनिगे लायोल्ले़ चोगुल्ले़ आनिगे हाङ्ङिन् नु निङ्वाॽफुसाम्बाहाॽ, वेॽ सुवाङ्समा हाङ्हाॽरे़ खुनिॽ हुक्को मे़ध्ये़ हे़क्क्याङ् आनिगे मे़स्ये़रिगे़, मे़नाप्तिगे़ खे़ब्याङ् मे़दे़म्सिगे़आङ् वेॽ लाजेॽओ मे़देॽरिगे़॥ आनिगे साॽरिक् चाःत्थि पे॥ आइन् थारिक्काङ् आनिगे हे़क्तङ्बाए याक्नाम् तुमुम्बे़आङ् वयिगे़॥
“आङ्गाॽ आप्फेक् आलागि हे़क्क्याङ् इस्राइल नु यहुदाओ आल्लसाङ् के़वाॽबा के़याःक्पाहाॽरे़ लागि खे़न् साप्पन्नो साप्ते़आङ् के़बप्पा पाःन्हाॽरे़ कुयाःम्बेओ यहवे दाङ्बे़न् सेःन्दोसे़म्मे़ॽ॥ आनिॽ पाधे़बाहाॽरे़ यहवे दाङ्बे़ल्ले़ कुबाःन्जाक्किन् मे़न्इःत्तुन् मे़न्नाःत्तुम्बा नु कन् साप्पन्नो साप्ते़आङ् के़बप्पा के़रे़क् पाःन्हाॽ इःप्मा नाःप्मा मे़न्दे़न्दे़न्बाल्ले़ चोगुल्ले़ यहवे दाङ्बे़ल्ले़ साॽरिक् कुसिक् पोःक्मान् आनिॽ सम्धाङ् थ्ये़आङ् वाॽ॥”
यरुसले़म नु खे़न् के़रे़क् पिसाङ्बा पाङ्जुम्हाॽओ चिजि ये़म्ये़म् नु नुॽमादामा पोःक्खे़आङ् वये़ हे़क्क्याङ् नेगेव नु नाम्धा पिसाङ् थे़गुगुबादे़न्हाॽओ चिजि ये़म्ये़म् पोःक्खे़आङ् वये़बा तगिबा माङ्निङ्वाॽपान् के़बाःप्पाहाॽलाम् इङ्भन् पोःक्खे़बा यहवे दाङ्बे़ल्ले़ कुइङ्घङ्ङिन् हाबा कन् वये़रो॥’”
हिजकियाःल्ले़ कुइङ्जाङ् कुइसिक् हाङ्ङिन् नु खुने़ॽ कुसुहाङ्युक्पाहाॽलाम् अक्तङ्बा उवा-सक्किन् मे़देॽरुआङ् इङ्साबाहाॽ इस्राइल के़रे़क् नु यहुदा के़रे़क् मे़बेरो— “इस्राइलबा मनासे, अब्राहाम, इसहाक नु इस्राइलबा यहवे दाङ्बा निङ्वाॽफुमाङ् ले़प्माङ् खिनिॽ नुःक्खे़म्मे़ॽ, हे़क्क्याङ् अस्सुरबा हाङ्हाॽरे़ खुन्छिॽ हुक्कोलाम् के़घे़त्छिङ्बाहाॽ ले़प्माङ् खुने़ॽआङ् नुःङ्लरो॥
Piblisite