जकरिया 1:19 - लिम्बु19 आङ्गाॽनु के़बाःप्पार के़बप्पा खे़न् माङ्लाइङ्बे़न् सेःन्दोसुङ्, “कन्हाॽ थे़मासिबे?” खुने़ॽ नुगप् पिराङ्, “इस्राइल, यहुदा नु यरुसले़ःम्मिन् फुत्छिङ्ज्याङ् के़जोःक्पा ताङ्हाॽ आम्भा कन्हाॽरो॥” Gade chapit la |
जकरिया 1:19
20 Referans Kwoze
आङ्गाॽ सेःन्दोसुङ्, “कन्हाॽ थे चोःक्से़ मे़दार मे़बप्पाबे?” खुने़ॽ नुगप् पिराङ्, “लत्छा मनारे़आङ् थे़गेक् फोङ्मा मे़न्छुक्के थारिक् यहुदान् फुत्छिङ्ज्याङ् के़जोःक्पा ताङ्हाॽ हाबा कन्हाॽरो, कर फे़न्जेॽ के़धक्पाहाॽग खे़ङ्हाॽ यङ्मा से़प्मासि, हे़क्क्याङ् यहुदा लाजेःल्ले़ कुदक्ले़ङ्वाओ खे़प्मोबा मनाहाॽ फुत्छिङ्ज्याङ् के़जोःक्पा मे़न्छाम् सुवाङ्हाॽरे़ खुन्छिॽ ताङ्हाॽ लाप्फुमा पिमासिरे़ लागि मे़द्ये़बारो॥”
याम्मो अर्तासास्त, फारस लाजेॽबा पयम् हाङ्ङिल्ले़ कुहाङ्युक् चोःक्मा ये़म्मो विस्लाम, मित्रेता, ताबेल नु खे़ल्ले़ कुन्जुम्हाॽरे़ पयम् हाङ्ङिन् लत्छा सक्इङ्घङ् मे़हाक्तु॥ खे़न् सक्इङ्घङ्ङिन् अरामि पाःन्दाङ्ङो मे़साप्तुआङ् वये़ हे़क्क्याङ् मे़निरुल्ले़ पाःन्ले़ङ्मा के़बोङ्बा पोःक्खे़आङ् वये़॥
खे़ङ्हाॽरे़ आनिगे फुत्छिङ्ज्याङ् से़मादे़मारे़ लागि खे़ङ्हाॽ सुरित् केजङ् कुइसिक् मे़भे़रे़रो, याङ्गे़साॽबाहाॽ मे़नाप्तुसिल्ले़ खे़ङ्हाॽ के़नाङ्बा मे़होःप्ते़बाओ खे़ङ्हाॽ मे़सःत्ते़आङ् मे़अःक्ते़ल्ले़ खे़ङ्हाॽरे़ खुन्छिॽ थक्मोबे़न् खुने़ॽ आप्फेक् कुलाःक्किल्ले़ खे़ने़ॽ खे़ल्ले़ कुधे़गेक्पान् पर्हङ् के़हङ्घु के़बिरुरो॥
खे़न् वहःङ्ङोबा च्वाःत् सम्धाङ् के़ये़प्पा नैनासुत् चाङ् के़जाङ्बा मनाःल्ले़ कुजुक्वा नु कुभे़ङ्वा हुक्हाॽ साङ्ग्राम्पेदाङ् ले़प्माङ् फोःक्खु, हे़क्क्याङ् सदादिङ् के़वाॽबे़ल्ले़ कुमिङ्ङो अक्खे पाःत्तुआङ् माङ्हे़क्सिङ्बे़न् आङ्गाॽ खे़प्सुङ्, “कन् ये़म्, ये़म्हाॽ नु कुभ्रे़ःङ् ये़म्ले़ लागि पोङ्ॽ॥ आल्ल सेसे मनाहाॽरे़ खुन्छिॽ मुक्साम्मिन् कुनुप्मो नुप्, खे़ब्याङ् कन् के़रे़क् पाःन्हाॽ के़त्लो॥”
Piblisite