तितस 3:7 - लिम्बु7 हे़क्केलॽरिक् साॽरिक् लुङ्माॽ आदुक्ते़बाल्ले़ चोगुल्ले़ आप्तिक् मेःन्नेबा आजोगे़आङ् मे़न्नुप्मनाबा हिङ्मन्ले़न् से़क्खा निङ्साङ् के़जोःक्पा नु लक्के़घोबा पोङ्मा आसुक्तुम्लो॥ Gade chapit la |
तितस 3:7
25 Referans Kwoze
आत्तिन् मनाःन्नाङ् मोसारे़ साप्तुबा साम्योथिम्मिन् इःत्तु नाःत्तुआङ् आप्तिक् मेःन्नेबा पोङ्मा मे़सुक्ने़न्लो, कर ये़सु ख्रिस्ते़न् नसान् चोगुआङ्लक् आप्तिक् मेःन्नेबा पोङ्मा सुक् के़लॽबा पाःन्निन् आनिॽ कुसिङ् निःप्मा पोङ्लो॥ खे़ल्ले़चोगुल्ले़ आनिॽआङ् ख्रिस्तओबा नसाःन्लाम् आप्तिक् मेःन्ने आबोङ्ल फाॽआङ् ये़सु ख्रिस्ते़न् नसान् आजोगुम्लो, कर साम्योथिम् इङ्जाङ्ङिन् आइःत्तुम् आनाःत्तुम्बालाम् मेःन्लो, थेआङ्भे़ल्ले़ साम्योथिम् इङ्जाङ्ङिन् इःत्तु नाःत्तुआङ् आत्तिन्नाङ् आप्तिक् मेःन्नेबा मे़बोङ्ने़ल्लो॥
खे़ल्ले़चोगुल्ले़ कन् माङ्हे़क्किङ्ग नसाःन्लाम् तारो॥ निङ्वाॽफुमाङ्ङिल्ले़ कुलुङ्गुम्लाम्बा आम्भा आबिॽरो॥ हे़क्क्याङ् साम्योथिम् आइःत्तुम् आनाःत्तुम्माङ् मेःन्, कर अब्राहाम्मिल्ले़ चोगुबा कुइसिक् नसान् आजोगुम्ने़ फाॽग्र कन् माङ्हे़क्किन् आघोसुम् के़लॽबा निःन्धो पोङ्लो॥ थेआङ्भे़ल्ले़ अब्राहाम्मिङ्ग आनिॽ नसान् के़जोःक्पा के़रे़क्ले़न् पारो॥
हिम्साबासे, खिनिॽआङ् खिनिॽ हिम्सामाहाॽनु सोरिक् के़वयिल्ले़ इङ्धाङ् पिरे़म्सिम्मे़ॽर तङे़म्मे़ॽआङ् वये़म्मे़ॽओ॥ खिनिॽ हे़क्के के़धुम्मा मे़न्जोःक्ने़न्छाङ् निङ्वाॽफुमाङ्ङिल्ले़ आबिबा कुसङ् हिङ्मन्नो खे़ङ्हाॽग खिनिॽ लक्सामासिरो॥ हे़क्केलॽरिक् खिनिॽ तुवान् थेःल्ले़आङ् मे़धेःक्तुन्ल फाॽआङ् नुरिक् मे़त्ते़म्सिम्मे़ॽओ॥
नसाःन्लाम्बाए नुहारे़ कुहिम्सयङ्हाॽ ताङ्से़ःप्से़ वालाधा चोगुरो॥ तगि आप्फाल्ले़आङ् मे़म्बोङ्ङे के़वाॽबा पाःन्हाॽ आल्ल पोङ्लो लॽरिक् साम्दिङ् के़बिबा निङ्वाॽफुमाङ्ङिल्ले़ कुइङ्जाङ्ङिन् खे़प्सुआङ् हे़क्के चोगुरो॥ खुने़ॽ कुनसाःन्लाम्बाए खे़न् ये़म्मोबा इक्सादिङ् खाम्बेःक्मोबा मनाहाॽ आप्तिक्को मे़ध्ये़ हे़क्क्याङ् नसाःन्लाम् के़दाबा साम्योबा लक्के़घोबा पोःक्खे़रो॥
Piblisite