तितस 3:6 - लिम्‍बु

⁶ हे़क्‍केलॽरिक् निङ्‌वाॽफुमाङ्‌ङिल्‍ले़ कुनिङ्‌वाॽ हन्‍दुआङ् आनिॽ से़न्‍लप्‍दाङ्‌बा ये़सु ख्रिस्‍तलाम् सेसेमाङ्‌ङिन् आनिॽओ पाङ्‌घु

तितस 3:6 Referans Kwoze

योएल 2:28

खे़न् एगाङ् आयाम्‍साम्‍मिन् के़रे़क् मनाहाॽ सम्‍धाङ् पाङ्‌घुङ्‌लो, खिनिॽ ये़म्‍बित्‍छा मे़न्‍छुमासाहाॽरे़ माङ्‌निङ्‌वाॽपान् मे़बाःत्तुरो॥ खिनिॽ खदाक्‍मि मनाहाॽरे़ ताॽदिगे़न् से़प्‍माङ् मे़माक्‍तुरो, हे़क्‍क्‍याङ् खिनिॽ नालिगे़न् थाङ्‌बे़न् मनाहाॽरे़ सुफो मे़निसुरो॥

रोमि 5:5

हे़क्‍केलॽरिक् निङ्‌साङ् आजोगुम्‍मिल्‍ले़ आनिॽ निङ्‌साङ् मे़बुक्‍ने़न्‍लो, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ साॽरिक् लुङ्‌माॽ आदुक्‍ते़आङ् वाॽ के़लॽबान् खुने़ॽ आबिरे़बा सेसेमाङ्‌लाम् आनिॽ सिक्‍लुङ्‌मो निङ्‌वाॽ आघोसुम्‍लो॥

सेःक्‌युक्‍मिबाहाॽ 10:45

खे़न् पत्रुस नु जोप्‍पालाम् के़भे़म्‍बा यहुदि नसानिबाहाॽरे़आङ् निङ्‌वाॽफुमाङ्‌ङिल्‍ले़ थिम्‍मे़न्‍दङ् सुवाङ्‌हाॽआङ् सेसेमाङ्‌ङिल्‍ले़न् पर्धाम् पिरुसिबा मे़निसुआङ् खुनिॽ निङ्‌वाॽ मये़रो॥

इजकिएल 36:25

‘खे़ब्‍याङ् सुत्‍थो च्‍वाःत्तिन् आङ्‌गाॽ खिनिॽ सम्‍धाङ् साक्‍खुङ्‌ॽ, हे़क्‍क्‍याङ् खिनिॽ सुत्‍थो के़बोःक्‍खिॽ॥ खिनिॽ आसुत्‍थोन् खे़ल्‍ले़ वाहप्‍तुॽ, हे़क्‍क्‍याङ् आल्‍लआङ्‌धो नावाइत्‍लाहाॽ खिनिॽ से़वा के़म्‍मे़त्तुम्‍सिम्‍मे़न्॥

यसैया 44:3

थेआङ्‌भे़ल्‍ले़ आङ्‌गाॽ के़हेबा खाम्‍बाङ्‌ङो च्‍वाःत् नु कुहेद्‌याॽ खाम्‍बेःक्‍को वहःङ्‌हाॽ कुङ् युर याःन्‍दुङ्‌लो॥ आङ्‌गाॽ खे़ने़ॽ के़धाःक् सम्‍धाङ् आयाम्‍साम्‍मिन् पाङ्‌घुङ्‌लो, हे़क्‍क्‍याङ् के़सायोबोराहाॽ हाङ्‌वागे़न् मुॽइसाम् पिरुङ्‌सिङ्‌लो॥

युहुन्‍ना 16:7

कर इङ्‌गाॽ से़क्‍खान् मे़त्‍निङ्, इङ्‌गाॽग पेःक्‍काबान्‍ने खिनिॽ लागि नुबा पोङ्‌लो, थेआङ्‌भे़ल्‍ले़ इङ्‌गाॽ मे़बेःक्‍कान्‍ने़ फाॽग्र कुभाॽ के़बिबा सेसेमाङ्‌ङिन् खिनिॽओ मे़युने़न्‍लो, कर इङ्‌गाॽ पेःक्‍काआङ् खुने़ॽ खिनिॽओ पाङ्‌घुङ् युःसुङ्‌लो॥

युहुन्‍ना 1:16

खुने़ॽ कुलुङ्‌गुम् कुधिम्‍लाम् हाङ्‌वासाम्‍मे हाङ्‌वासाम् आघोसुम्‍माङ् आवाॽरो॥

खाहुन् 1:23

आङ्‌गाॽ खिनिॽ फे़ःक्‍निङ्‌बा पाःन्‍निन् के़घे़प्‍सुम्‍ने़भग्र, आङ्‌गाॽ आसिक्‍लुङ्‌मोबा पाःन्‍हाॽ खिनिॽ मे़त्‍निङ्‌लो, हे़क्‍क्‍याङ् आनिङ्‌वाॽ पाःन्‍हाॽ कुसिङ् के़निःत्तुम्‍ल याःन्‍निङ्‌लो॥

तितस 1:4

आन्‍छिॽ लत्‍छा नसाःन्‍नो से़क्‍खासमा आस्‍सा तितसे, हाराॽ पानुदिङ् पा निङ्‌वाॽफुमाङ् नु आनिॽ से़न्‍लप्‍दाङ्‌बा ख्रिस्‍त ये़सुरे़ लुङ्‌गुम् नु सनारुङ् के़बिररो॥

एफिसि 4:2

काक् चुङ्‌जिगे़न् नःम्‍नःम् नु सुम्‍सुम्‍माङ् वये़म्‍मे़ॽ॥ हे़क्‍क्‍याङ् निङ्‌वाॽ यो धो मे़ल्‍लॽए लुङ्‌माॽ तुक्‍कासिम्‍मे़ॽर नासि थःत्ते़म्‍मे़ॽओ॥

एफिसि 3:8

निङ्‌वाॽफुमाङ्‌ङिल्‍ले़ के़रे़क् सेसे कुमनाहाॽनुःल्‍ले़ इङ्‌गाॽ योयोक्‍पा चोःक्‍कासाङ् कुसिङ् निःप्‍माए सुक्‍मे़न्‍दे़प्‍मनाबा ख्रिस्‍तरे़ आबिरे़बा हाङ्‌वा मुॽइसाम्‍मिल्‍ले़ कुयाःम्‍बेओ थिम्‍मे़न्‍दङ् सुवाङ्‌हाॽ इङ्‌भोमासि फाॽआङ् कन् लुङ्‌गुम्‍मिन् इङ्‌गाॽ पिराङ्‌लो॥

रोमि 8:2

थेआङ्‌भे़ल्‍ले़ ख्रिस्‍त ये़सुलाम् मे़न्‍नुप्‍मनाबा हिङ्‌मन् के़बिबा सेसेमाङ्‌ङिल्‍ले़ कुमुक्‍साम्‍मिल्‍ले़ लायो नु सिमे़ल्‍ले़ कुमुक्‍साम्‍लाम् चोःक्‌युम्‍भो पिराङ्‌ङाङ् वाॽरो॥

सेःक्‌युक्‍मिबाहाॽ 2:33

हे़क्‍क्‍याङ् खुने़ॽ पानुदिङ् पा निङ्‌वाॽफुमाङ्‌ङिल्‍ले़ कुजुप्‍साङ् ले़प्‍माङ् युक्‍खु॥ खुने़ॽ निङ्‌वाॽफुपालाम् सेसेमाङ्‌ङिल्‍ले़न् माङ्‌हे़क्‍किन् खोसुआङ् आनिगे़ओ थासुबान् खिनिॽ आबाङे के़निसुम् के़घे़प्‍सुम्‍माङ् के़वयिॽरो॥

युहुन्‍ना 7:37

हे़क्‍क्‍याङ् तङ्‌नाम्‌रे़ कुनुप्‍मा नु के़ये़क्‍पा ये़न्‍नो ये़सुन् ये़म्‍सिङ्‌ङाङ् यम्‍बा इक्‍लाओ मनाहाॽ अक्‍खेलॽरिक् मे़त्तुसिरो, “खिनिॽ लुम्‍मो कुवागे़मिबाल्‍ले़ इङ्‌गाॽओ ताआङ् थुङुररो॥

युहुन्‍ना 4:10

ये़सुरे़ खे़न् नोगप् पिरु, “खे़ने़ॽ निङ्‌वाॽफुमाङ्‌ङिल्‍ले़ कुमुॽइसाम्‍मिन् नु खे़ने़ॽ च्‍वाःत् के़नाःक्‍पे़न् हाःप्‍पे फाॽआङ् कुसिङ् के़निःत्तुआङ् के़वये़ल्‍ले़ग ने़त्तिगे़न् हिङ्‌मन् के़बिबा च्‍वाःत्तिन् याङ्‌ना के़नाःक्‍तुआङ् खे़न् हिङ्‌मन्‍ले़न् च्‍वाःत्तिन् के़बिरे़बामे़न्॥”

यसैया 32:15

कर निङ्‌वाॽफुमाङ्‌ङिल्‍ले़ थाःङ्‌लाम् आनिॽ सम्‍धाङ् कुयाम्‍साम्‍मिन् पाङ्‌घुरो॥ हे़क्‍क्‍याङ् ये़ःङ्‌घादे़न्‍निन् चा के़नुॽबा प्‍याङ्‌सि पोङ्‌लो खे़ब्‍याङ् प्‍याङ्‌सिओ यरिक् कुजा थोःक्‍लो॥

रोमि 2:4

मे़ःङ्‌ग्र खिनिॽ निङ्‌वाॽफुमाङ्‌ङिल्‍ले़ लुङ्‌माॽ के़दुक्‍तिबान्, नासि के़धःत्तिबान् हे़क्‍क्‍याङ् कुसिक् नःम्‍नःम् लॽबान् हने़ के़लेःत्तुम्‍बि? खिनिॽ लायोलाम् के़हिन्‍दिर फाॽआङ् निङ्‌वाॽफुमाङ्‌ङिल्‍ले़ खिनिॽ साॽरिक् लुङ्‌माॽ के़दुक्‍तिबा फाॽआङ् कुसिङ् के़न्‍निःत्तुम्‍मिन्‍बि?

१ तिमोथि 6:17

कन् इक्‍सादिङ् खाम्‍बेःक्‍मोबा याङ्‌साकुन्‍धेसाबाहाॽ अक्‍खेलॽरिक् इङ्‌जाङ् पिरे़से़ॽ—खे़ङ्‌हाॽ आङ्‌दिङ् मे़न्‍लॽने़न्‍लरो, हे़क्‍क्‍याङ् खुनिॽ निङ्‌साङ्‌ङिन् चप्‍ले़क्‌वा याङ्‌साकुन्‍धेओ मेःन्, कर निङ्‌वाॽफुमाङ्‌ङो मे़युक्‍खुररो॥ खुने़ॽए आनिॽ निङ्‌वाॽ तार फाॽआङ् कुनिङ्‌वाॽ हन्‍दुआङ् काक् आबिॽरो॥