तितस 3:4 - लिम्‍बु

⁴ कर आनिॽ से़न्‍लप्‍दाङ्‌बा निङ्‌वाॽफुमाङ्‌ङिल्‍ले़ कुनुॽमान् नु मनाहाॽ लुङ्‌माॽ तुक्‍तुसिबे़न् थाःम्‍सिङ्‌ङिल्‍ले़

तितस 3:4 Referans Kwoze

१ तिमोथि 4:10

बा कन् निङ्‌वाॽसोक्‍को याम्‍बुधिक् नु तम्‍सिङ् आजोगुम्, थेआङ्‌भे़ल्‍ले़ आनिॽ निङ्‌साङ्‌ङिन् आजुनि निङ्‌वाॽफुमाङ्‌ङो आने़स्‍सुम्‍माङ् आवाॽरो॥ खुने़ॽग काक् मे़न्‍छाम् याप्‍मिहाॽरे़ खुनिॽ से़न्‍लप्‍दाङ्‌बा, हे़क्‍क्‍याङ् कुनो-कुबिॽओग खुने़ॽओ नसान् के़जोःक्‍पाहाॽरे़न्‍लो॥

हिब्रु 9:26

मेःन्‍निल्‍ले़ग इक्‍सादिङ् खाम्‍बेःक्‍मान् नावागे़न् चइःत् पोःक्‍खे़आङ्‌धो खुने़ॽ यरिक्‍ले़ङ् इनोगे़न् तुक्‍खे चामा के़बोङ्‌बा वये़, कर खुने़ॽग कन् कुनुप्‍मा ये़म्‍मो यरिक्‍ले़ खुनिॽ लायोन् ले़प्‍मि पिमासि फाॽआङ् थिक्‍ले़ङ्‌माल्‍ले़ खुने़ॽ आबाङे सिदुङ्‌जभा पोःक्‍खे़रो॥

रोमि 2:4

मे़ःङ्‌ग्र खिनिॽ निङ्‌वाॽफुमाङ्‌ङिल्‍ले़ लुङ्‌माॽ के़दुक्‍तिबान्, नासि के़धःत्तिबान् हे़क्‍क्‍याङ् कुसिक् नःम्‍नःम् लॽबान् हने़ के़लेःत्तुम्‍बि? खिनिॽ लायोलाम् के़हिन्‍दिर फाॽआङ् निङ्‌वाॽफुमाङ्‌ङिल्‍ले़ खिनिॽ साॽरिक् लुङ्‌माॽ के़दुक्‍तिबा फाॽआङ् कुसिङ् के़न्‍निःत्तुम्‍मिन्‍बि?

तितस 1:3

हे़क्‍क्‍याङ् आनिॽ से़न्‍लप्‍दाङ्‌बा निङ्‌वाॽफुमाङ्‌ङिल्‍ले़ कुइङ्‌जाङ्‌ङो, सेःक्‌युक् चोगुबा सुये़म्‍मो कुबाःन्‍जान्‍निन् ओसेःन्‍दाङ् चोगाङ्‌ङाङ् खे़न् इङ्‌भन्‌ चोःक्‍मा लक्‍पे़न् खोसुङ्‌ङाङ् वाॽआरो॥

२ तिमोथि 1:10

कर आल्‍लो आनिॽ से़न्‍लप्‍दाङ्‌बा ख्रिस्‍त ये़सुन् त्‍ये़आङ् निङ्‌वाॽफुमाङ्‌ङिल्‍ले़ कुलुङ्‌गुम् खुने़ॽओ ओसेःन्‍दाङ् पोःक्‍खे़रो॥ खुने़ॽए सिमे़ल्‍ले़ कुमुक्‍साम्‍मिन् मे़क्‍खुआङ् सुनाइङ्‌लाम् ने़त्तिगे़न् हिङ्‌मन् नु आजुनि हिङ्‌मन् ओसेःन्‍दाङ् चोगुरो॥

१ तिमोथि 2:3

कङ्‌ग आनिॽ से़न्‍लप्‍दाङ्‌बा निङ्‌वाॽफुमाङ्‌ङिल्‍ले़ कुनिङ्‌वाॽ के़दाबा नु नुबा चोक्‍लो॥

१ तिमोथि 1:1

नसाःन्‍नो से़क्‍खाए आमिःम् आस्‍सा तिमोथिए, आनिॽ से़न्‍लप्‍दाङ्‌बा निङ्‌वाॽफुमाङ् नु आनिॽ निङ्‌साङ् आजोगुम्‍बा ख्रिस्‍त ये़सुरे़ कुइङ्‌जाङ्‌लाम् इङ्‌गाॽ कुसेःक्‌युक्‍मिबा पावललाम्‍बा आनिॽ पानुदिङ् पा निङ्‌वाॽफुमाङ्‌ङिन् नु आनिॽ दाङ्‌बा ख्रिस्‍त ये़सुरे़ खे़ने़ॽग लुङ्‌गुम्, लुङ्‌माॽ तुक्‍मा नु सनारुङ् ओसेःन्‍गे़धाक्‍ल फाॽआङ् कन् सक्‍इङ्‌घङ्‌ङिन् हाक्‍ने़ॽरो॥

लुका 1:47

हे़क्‍क्‍याङ् इङ्‌गाॽ आसे़न्‍लप्‍दाङ्‌बा निङ्‌वाॽफुमाङ्‌ङिन्‍नु साॽरिक् सःत्ताङ्‌ङाङ् वाॽआरो॥

१ पत्रुस 2:3

थेआङ्‌भे़ल्‍ले़ खिनिॽग दाङ्‌बान् नुबा चोक् फाॽआङ् निङ्‌वाॽ के़घोसुम्‍माङ् के़वयिॽरो॥