तितस 3:1 - लिम्‍बु

¹ हाङ्‌गे़जोःक्‍पाहाॽ नु सुहाङ्‌युक्‍पाहाॽरे़ खुनिॽ युक्‍को वाॽमा पोङ्, इङ्‌जाङ्‌गे़म्‍बा पोङ्‌मा पोङ् हे़क्‍क्‍याङ् आप्‍फाल्‍ले़साङ् काक् परिक्‍ले़न् नुबा याःम्‍बक् चोःक्‍मा यारिप् पोङ्‌मा पोङ् फाॽआङ् नसानिबाहाॽ याम्‍मो मे़त्ते़से़ॽओ॥

तितस 3:1 Referans Kwoze

खाहुन्‍साबा 10:4

हाङ्‌युक्‍पान् खे़ने़ॽनु कुयाःक्‍ले़ॽसाङ् खे़ने़ॽ याःम्‍बक्‍किन् मे़ले़रे़न्‍ने़ॽओ, खे़ने़ॽ नासि थःत्ते़ॽआङ् स्‍वाःत् युङे़ॽओ, हे़क्‍केःल्‍ले़ यम्‍बा याःम्‍बक् पेःम्‍मालाम् ले़प्‍मि खोमा के़सुक्‍तुरो॥

खाहुन् 24:21

आस्‍साए, यहवे दाङ्‌बान् हे़क्‍क्‍याङ् हाङ्‌ङिन्‍नु किसे़ॽओ, हे़क्‍क्‍याङ् हाङ्‌पिफ्‍युङ् के़जोःक्‍पाहाॽनु मे़दङ्‌सिङ्‌ङिन्‍ने़ॽओ,

मत्ति 22:21

खे़ङ्‌हाॽरे़ नोगप् मे़बिरु, “सिजरे़ल्‍ले़न् पत्‍लो॥” हे़क्‍क्‍याङ् ये़सुरे़ खे़ङ्‌हाॽ मे़त्तुसि, “सिजरले़ कुबाःन्‍हाॽ सिजरे़न् पिरे़म्‍मे़ॽ, हे़क्‍क्‍याङ् निङ्‌वाॽफुमाङ्‌ङिल्‍ले़ कुबाःन्‍हाॽ निङ्‌वाॽफुमाङ्‌ङिन्‍ने पिरे़म्‍मे़ॽओ॥”

हिब्रु 13:21

खुने़ॽ कुनिङ्‌वाॽ कुइसिक् चोःक्‍मा चाहाबा के़जोगिबा काक् पाःन्‍हाॽरे़ के़गाप्‍तिररो॥ निङ्‌वाॽफुमाङ्‌ङिल्‍ले़ कुनिङ्‌वाॽ के़दाबा काक् पाःन्‍हाॽ ये़सु ख्रिस्‍तलाम्‍बा खिनिॽओ चोगुनिरो॥ हे़क्‍क्‍याङ् सदादिङ् सदादिङ् ख्रिस्‍तरे़ कुमिमिदिङ् पोङ्‌निरो॥ आमे़न्॥

२ तिमोथि 2:21

आत्तिल्‍ले़ फे़न्‌याःम्‍बक्‍किन् ले़रुआङ् सेसे चोःक्‍सिङ्, खे़ङ्‌ग इङ्‌धाङ्‌बा याःम्‍बक्‍को ओगप्‌ पोङ्‌लो॥ हे़क्‍केलॽरिक् कुन्‍दाङ्‌बाल्‍ले़ कुयाःम्‍बक्‍को आत्तिन् नुबा याःम्‍बक्‍कोसाङ् खे़ङ्‌ग ओगप्‌ पोङ्‌मा यारिप् पोङ्‌लो॥

२ तिमोथि 1:6

कन् नसाःन्‍निल्‍ले़ चोगुल्‍ले़ खे़ने़ॽ सम्‍दाङ् हुक् ने़स्‍सुङ् पिने़ल्‍ले़ निङ्‌वाॽफुमाङ्‌ङिल्‍ले़ के़बिरे़बा पर्धाःम्‍मिन् के़दिःप्‍पा मि कुइसिक् कत्ते़ॽओ फाॽआङ् मे़त्‍ने़ॽरो॥

१ तिमोथि 5:10

हे़क्‍क्‍याङ् नुबा याःम्‍बक्‍को मिङ्‌सो इङ्‌धाङ् के़घोमा पोङ्‌मा पोङ्‌लो॥ खे़ङ्‌ग हिन्‍जाॽबित्‍छाहाॽ नुःरिक्‍काङ् कम्‍ब्राङ् के़मे़प्‍मा, लाम्‍दिःक्‍पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्‍मा, इनोगे़न् तुक्‍खेओ के़वाॽबाहाॽ कुभाॽ के़बिमा, हे़क्‍क्‍याङ् नुब् नुबा याःम्‍बक्‍को निङ्‌वाॽ के़बिमा पोङ्‌मा पोङ्‌लो॥

तितस 2:14

आनिॽ काक् लायोलाम् थे़ॽमासि, आबाङे सेसे कुमना चोःक्‍मासि हे़क्‍क्‍याङ् नुबा याःम्‍बक् चोःक्‍मा कुसिक् के़सम्‍बा चोःक्‍मासि फाॽआङ् आनिॽ लागि खुने़ॽ आबाङे सिदुङ्‌जभा पोङ्‌से़ पिसिङ्‌लो॥

१ तिमोथि 4:6

कन् पाःन्‍हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्‍क्‍याङ् के़नाःत्तु के़इःत्तुबा से़क्‍खा निसाम् नु नसाःन्‍गे़न् पाःन्‍जाक्‍को के़हुॽसिङ्‌ल के़धाङ्‌ने़ फाॽग्र खे़ने़ॽग ख्रिस्‍त ये़सुरे़ नुबा कुसे़वारोबा के़बोङ्‌लो॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

यर्मिया 27:17

खे़ङ्‌हाॽरे़ खुन्‍छिॽ पाःन्‍निन् मे़घे़प्‍से़म्‍मिन्‍ने़ॽ॥ बेबिलोनबा हाङ्‌ङिल्‍ले़ कुयुक्‍को वये़म्‍मे़ॽ हे़क्‍क्‍याङ् खिनिॽ के़हिङिॽ॥ थेआङ् कन् ये़क्‌यक्‍किन् मे़क्‍ल याःम्‍माबे?

साम्‌योथिम् इङ् 17:12

यम्‍बा के़हे़न्‍छिङ्‌बाआङ् खे़प्‍मो यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुयाःम्‍बक्‍को के़दाबा के़जुम्‍बा निङ्‌वाॽफुसाम्‍बाहाॽ इग्र खासे़न्‍लोःम्‍बे़न् कुनामे़न्‍छाॽ के़मे़प्‍पा मनान् खिनिॽ से़रे़म्‍मे़ॽ॥ खिनिॽ कम्‍भलॽरिक् इस्राइललाम् ताप्‍फे़ःम्‍बा पाःन्‍निन् मे़ङ्‌मा पोङ्‌ॽ॥

२ पत्रुस 1:12

खे़ल्‍ले़चोगुल्‍ले़ खिनिॽ खे़न् काक् पाःन्‍हाॽ के़निसुम् के़ले़स्‍सुम्‍माङ् से़क्‍खाओ मे़म्‍मुन्‍ने के़वयिसाङ् सदादिङ् कन् पाःन्‍हाॽ खिनिॽ निङ्‌वाॽसुम्‍मो ताःप्‍मा पिमा इङ्‌गाॽ आप्‍फाल्‍ले़साङ् यारिप् वाॽआरो॥

तितस 3:8

कन् पाःप्‍मनाबान् से़क्‍खाएरो॥ कन् पाःन्‍हाॽओ चक्‍मे़ल्‍लॽए पत्‍छे़ॽओ, हे़क्‍केलॽरिक् निङ्‌वाॽफुमाङ्‌ङिन् नसान् के़जोःक्‍पाहाॽरे़ सिङ्‌सिङ्‌ङाङ् नुबा याःम्‍बक् चोःक्‍मा पोङ्‌लो॥ कन् पाःन्‍हाॽग काक् मे़न्‍छाम्‍गे़न् याप्‍मिरे़ लागि नुबा नु कुभाॽ के़बिबा पाःन्‍लो॥

कलस्‍सि 1:10

हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥

फिलिप्‍पि 1:11

हे़क्‍क्‍याङ् खिनिॽ ये़सु ख्रिस्‍तरे़ कुभाॽलाम् यरिक् साम्‌योबा याःम्‍बक् के़जोगुम्‍ल फाॽआङ् तुवा चोगुङ्‌लो, हे़क्‍केःल्‍ले़ निङ्‌वाॽफुमाङ्‌ङो मिमिदिङ् नु नारा फोमान् पोङ्‌लो॥

एफिसि 2:10

थेआङ्‌भे़ल्‍ले़ नुबा याःम्‍बक्‍हाॽ चोःक्‍मा फाॽआङ् ख्रिस्‍त ये़सुलाम् निङ्‌वाॽफुमाङ्‌ङिल्‍ले़ आनिॽ आजोगे़बारो॥ निङ्‌वाॽफुमाङ्‌ङिल्‍ले़ खे़न् नुबा याःम्‍बक्‍हाॽ आनिॽ आजोगुम्‍ल फाॽआङ् तगिसा यारिप् चोगुआङ् वये़बारो॥

यसैया 43:26

आङ्‌गाॽ आलागि तगिबा पाःन्‍हाॽ निङ्‌वाॽसोओ ताराम्‍मे़ॽओ, कन् पाःन्‍हाॽरे़ लागि आनिॽ सोरिक् पान् थक्‍तिरो, खे़ने़ॽ आप्‍तिक् मेःन्‍नेबा कुदोःप्‍मा निधाःप्‍मारे़ लागि के़बाःन्‍हाॽ युक्‍खे़ॽओ॥

यहुदा 1:5

कन् काक् पाःन्‍हाॽ के़निसुम्‍साङ् याम्‍मो खिनिॽ निङ्‌वाॽसोओ इङ्‌गाॽ तारुङ् पिनिङ्‌लो—यहवे दाङ्‌बाल्‍ले़ कुमनाहाॽ मिस्र लाजेॽलाम् ताङ्‌से़ःप्‍तुसिआङ् लःत्तुसिसाङ् नसान् मे़न्‍जोःक्‍मनाबाहाॽ याङ्‌सि मे़क्‍खुसिरो॥

तितस 3:14

हे़क्‍क्‍याङ् आनिॽ मनाहाॽरे़ नुबा याःम्‍बक् चोःक्‍मा नु से़क्‍खाए के़साक्‍पाओ के़धाबाहाॽ कुभाॽ पिमासि मे़हुॽसिङ्‌लरो॥ खे़ङ्‌हाॽ इरे़म् इरे़म् लॽरिक् मे़न्‌वाॽने़न्‍लरो॥

२ तिमोथि 2:14

सेसेहुप्‍लक्‍कोबा काक् मनाहाॽ निङ्‌वाॽफुमाङ्‌ङिल्‍ले़ कुनिमाओ हाराॽ खे़ङ्‌हाॽ पाःन्‍सुत्‍लाओ पाःन्‍धङ् मे़न्‍जोःक्‍ने़न्‍ल फाॽआङ् साम्‍दिङ् पिरे़से़ॽओ॥ खे़न् पाःन्‍धङ्‌ङिल्‍ले़ नुबा मे़बोङ्‌ने़न्, कर के़घे़म्‍बाहाॽरे़ खुनिॽ इम्‍मोक्‍लक् पोङ्‌लो॥

तितस 1:16

खे़ङ्‌हाॽरे़ निङ्‌वाॽफुमाङ्‌ङिन् कुसिङ् निःत्तुम्‍बे़ लॽरिक् मे़बाःत्तुॽ, कर आबाङे याःम्‍बक्‍कोलाम् मे़नाॽरुरो॥ खे़ङ्‌हाॽग याम्‍गे़सिङ्‌बा नु इङ्‌जाङ् इःप्‍मा नाःप्‍मा मे़न्‍दे़म्‍मना मे़जोःक्‍काङ् नुबा याःम्‍बक् चोःक्‍मा मे़न्‍छुक्‍तुन्‍लो॥