तितस 2:8 - लिम्‍बु

⁸ हे़क्‍क्‍याङ् आत्तिन्‍हाॽरे़आङ् के़जाःत्‍थि मे़न्‍देःसुन्‍ल फाॽआङ् नुबा पान् पारे़ॽओ॥ हे़क्‍केलॽरिक् बिफ्‍युङ्‌बाहाॽरे़आङ् आनिॽ तक्‍ले़ङ्‌वाओ ताप्‍फे़ःम्‍बा पान् पाःप्‍मा मे़न्‍छुक्‍तुन्‍नाङ् खे़ङ्‌हाॽरे़ खुनिॽ नाधारो॥

तितस 2:8 Referans Kwoze

१ पत्रुस 2:12

खिनिॽग ख्रिस्‍ते़न् नसान् मे़न्‍जोःक्‍मनाबाहाॽनु नुरिक्‍काङ् नुबा हिङ्‌मन्‍नो वये़म्‍मे़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ फे़न् पाःन्‍हाॽ के़जोगुम् लॽरिक् पान् के़म्‍धिक्‍तिसाङ् खिनिॽ के़जोगुम्‍बा नुबा याःम्‍बक्‍हाॽ मे़निसुर, खासे़न् चोःक्‍से़ युबा ये़न्‍नो कुनारा मे़भोसुॽरो॥

१ पत्रुस 2:15

थेआङ्‌भे़ल्‍ले़ खिनिॽ के़जोगुम्‍बा नुबा याःम्‍बक्‍हाॽरे़ पान् कुसिङ् मे़न्‍निःप्‍मनाबाहाॽरे़ खुनिॽ मुरान् हुॽरे़म् पिरे़म्‍सिम्‍मे़ॽ के़लॽबा निङ्‌वाॽफुमाङ्‌ङिल्‍ले़ कुनिङ्‌वाॽ वाॽरो॥

१ पत्रुस 3:16

हे़क्‍केलॽरिक् खिनिॽ तक्‍ले़ङ्‌वाओ फे़न्‍पान् के़बाःप्‍पाहाॽरे़ ख्रिस्‍तओबा खिनिॽ नुबा ये़प्‍ले़क्‍किन् मनाहाॽरे़ मे़निसुआङ् खे़ङ्‌हाॽ सिरिङ् मे़मर फाॽआङ् सेसे खासिङ् कत्ते़म्‍मे़ॽओ॥

१ तिमोथि 6:3

आत्तिल्‍ले़ इङ्‌ले़क्‍के निसाम् हुॽरुसिॽ हे़क्‍क्‍याङ् आनिॽ दाङ्‌बा ये़सु ख्रिस्‍तरे़ से़क्‍खाबा कुनिसाम् नु से़क्‍खाबा कुसाम्‌योबा निसाम्‍मो मे़बत्‍ने़न्,

२ थिस्‍सलोनिकि 3:14

आनिगे कन् सक्‍इङ्‌घङ् साप्‍तुम्‍बे़बा पान् मे़ङ्‌घे़म्‍मना मनान् खिनिॽ लुम्‍मो वाॽने़ फाॽग्र खे़न् नुरिक्‍काङ् मिक्‍चो मे़त्ते़म्‍मे़ॽओ॥ हे़क्‍केलॽरिक् खे़न् सिरिङ् मर फाॽआङ् खे़न्‍नु लाःत्‍लाःत् वये़म्‍मे़ॽओ॥

नहेम्‍याह 5:9

आङ्‌गाॽ याम्‍मो मे़त्तुङ्‌सिङ्, “कन् खिनिॽ याःम्‍बक्‍किन् ताप्‍फे़ःम्‍बा पोःक्‍खे़॥ आल्‍ल, निङ्‌वाॽफुमाङ्‌ङिन् मिङ्‌सो इङ्‌धाङ् पिरे़म्‍मे़ॽआङ् आत्तिन् पाःन्‍निन् नुबा चोक् खे़न् चोगे़म्‍मे़ॽ॥ हे़क्‍क्‍याङ्‌ने़ आनिॽ निङ्‌मि थिम्‍मे़न्‍दङ् सुवाङ्‌हाॽरे़ आनिॽ कुनामे़न्‍छाॽ मे़प्‍मा आमे़ङ्‌घोने़न्॥

यसैया 66:5

यहवे दाङ्‌बे़ल्‍ले़ कुबाःन्‍नो के़गिबा के़यङ्‌बासे, खुने़ॽ कुबाःन्‍जाक्‍किन् खे़प्‍साम्‍मे़ॽओ, “आमिङ्‌ङिल्‍ले़ चोगुल्‍ले़ खिनिॽ आबाङे मनाहाॽरे़ के़म्‍जिःत्तिआङ् के़म्‍से़न्‍दिरो॥ खे़ब्‍याङ् किनाःन्‍दि मे़बाःत्‍ल खिनिॽ अक्‍खे के़म्‍मे़त्तिरो, ‘यहवे दाङ्‌बे़न् के़रे़क्‍नुःल्‍ले़ पयम् यम्‍बा चोःक्‍पे़न् खुने़ॽ आबाङे ओसेःन्‍धाङ् चोगुररो हे़क्‍क्‍याङ् खिनिॽ के़से़ःप्‍तिररो॥ हे़क्‍क्‍याङ् खिनिॽ के़सःत्तिबे़न् आनिगे ओमे़प्‍मा खोसुम्‍बे़ररो’ कर खे़ङ्‌हाॽरे़ खुन्‍छिॽ चाःत्‍थि पेःक्‍लो॥

१ तिमोथि 5:14

हे़क्‍केःल्‍ले़ इङ्‌गाॽग मे़न्‍छियाॽ मेमेदुमाहाॽरे़ग हाराॽ मेःक्‍खिम् मे़जोगुर, सा मे़गत्तुसिर, हिम्‍धाःङ् ओमे़मे़त्तुर के़लॽबा निङ्‌वाॽ इःत्तुङ्‌लो॥ हे़क्‍केलॽरिक् आनिॽ निङ्‌मिहाॽरे़ आनिॽ तक्‍ले़ङ्‌वाओ थेआङ् पाःप्‍मा मे़ङ्‌घोसुन्‍निरो॥

लुका 13:17

ये़सुरे़ हे़क्‍के पाःत्तुल्‍ले़ कुदक्‍ले़ङ्‌वाओ के़बाःप्‍पाहाॽ के़रे़क् मे़नुःन्‍दे़रो॥ कर मनाहाॽ ये़सुरे़ चोगुबा निङ्‌वाॽ के़माबा पाःन्‍निल्‍ले़ चोगुल्‍ले़ मे़सःत्ते़रो॥

मर्कुस 12:34

खे़ल्‍ले़ सिङ्‌सिङ्‌ङाङ् नोगप् पिरुबा निसुआङ् ये़सुरे़ खे़न् मे़त्तु, “खे़ने़ॽ निङ्‌वाॽफुहाङ्‌जुम्‍लाम्‍बा माःङ्‌घा के़होःप्‍लो॥ “हे़क्‍क्‍याङ् खे़न् ये़न्‍नाङ्‌धो आत्तिन्‍हाॽरे़आङ् खुने़ॽ पान् सेःन्‍दोमा आःन्‍छिङ्‌माआङ् मे़न्‍छुक्‍तुन्‍लो॥”

मर्कुस 12:32

खे़न् मनाःल्‍ले़ ये़सुन् नोगप् पिरु, “सिक्‍साम्‍बे से़क्‍खाए के़बाःत्तुरो॥ आनिॽ दाङ्‌बा निङ्‌वाॽफुमाङ्‌ङिन्‍लक् दाङ्‌बारो॥ वेॽ माङ् मे़होप्‍लो फाॽआङ् साॽरिक् के़दङ्‌बा के़बाःत्तुरो॥

मर्कुस 12:28

खे़प्‍मोबा साम्‌योथिम्‍साम्‍बाधिक्‍ले़ पान् मे़धक्‍ते़बा खे़प्‍सुसि॥ खे़ल्‍ले़ ये़सुरे़ साॽरिक् निङ्‌वाॽ के़दाबा नोगप् पिरुसिबा निङ्‌वाॽ खोसुआङ् ये़सुन् सेःन्‍दोसु, “सिक्‍साम्‍बे, इःप्‍मा नाःप्‍माए के़बोङ्‌बा के़रे़क्‍नुःल्‍ले़ यम्‍बा साम्‌योथिम् इङ्‌जाङ्‌ङिन् आत्तिङ्‌ग?”

मर्कुस 12:17

हे़क्‍क्‍याङ् ये़सुरे़ खे़ङ्‌हाॽ मे़त्तुसि, “हे़क्‍केःल्‍ले़ सिजरले़ कुबाःन्‍हाॽ सिजरे़न् पिरे़म्‍मे़ॽ, हे़क्‍क्‍याङ् निङ्‌वाॽफुमाङ्‌ङिल्‍ले़ कुबाःन्‍हाॽ निङ्‌वाॽफुमाङ्‌ङिन्‍ने पिरे़म्‍मे़ॽओ॥” हे़क्‍केःल्‍ले़ खे़ङ्‌हाॽरे़ साॽरिक् खुनिॽ निङ्‌वाॽ मये़॥

तितस 3:14

हे़क्‍क्‍याङ् आनिॽ मनाहाॽरे़ नुबा याःम्‍बक् चोःक्‍मा नु से़क्‍खाए के़साक्‍पाओ के़धाबाहाॽ कुभाॽ पिमासि मे़हुॽसिङ्‌लरो॥ खे़ङ्‌हाॽ इरे़म् इरे़म् लॽरिक् मे़न्‌वाॽने़न्‍लरो॥