तितस 2:2 - लिम्‍बु

² खदाक्‍मिहाॽग लुम्‍लुम्‍बा पोङ्‌मा, तुम्‍म्‍याहाङ् पोङ्‌मा लाॽरुसिबा, इङ्‌धाङ्‌साबा, निङ्‌वाॽ हाङ्‌गे़म्‍सिङ् के़जोःक्‍पा पोङ्‌मा, से़क्‍खाबा नसान् के़गप्‍पा, वेॽहाॽ लुङ्‌माॽ के़दुक्‍पा हे़क्‍क्‍याङ् नासि के़धःप्‍पा पोङ्‌मा पोङ् मे़त्ते़से़ॽओ॥

तितस 2:2 Referans Kwoze

गलाति 5:23

खे़ङ्‌हाॽ नःम्‍नःम् मे़लॽ हे़क्‍क्‍याङ् नासि मे़धःत्‍लो॥ अक्‍तङ्‌बा याःम्‍बक्‍किल्‍ले़ कुदक्‍ले़ङ्‌वाओ थेआङ् थिम् होप्‍लो॥

१ पत्रुस 4:7

काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥

१ तिमोथि 3:11

माङ्‌सेवारोबाहाॽरे़ खुनिॽ मेःत्‍हाॽआङ् इङ्‌धाङ्‌सामा मे़बोङ्‌ल पोङ्, कर चे़ॽया के़बङ्‌मा पोङ्‌मा मे़नुॽने़न्‍लो॥ खे़ङ्‌हाॽग सिक् एःप्‍मा के़सुक्‍मा नु काक् पाःन्‍नो नसाःन्‍सामा पोङ्‌मा पोङ्‌लो॥

१ पत्रुस 5:8

खिनिॽ सिङ्‌सिङ् ये़क्‌ये़क् नु चाङ्‌जाङ् लॽरे़म्‍मे़ॽ! खिनिॽ निङ्‌मि माफे़न्‍साम्‍मिन् के़हुःक्‍पा खिरिङ्‌बान् कुइसिक् आत्तिन् खोसुङ्‌ङाङ् लरुङ्‌देसुङ् लॽरिक् कोःत्तुर ताक्‍कन्‍लो॥

तितस 1:13

कन् पाःत्ते़बा पाःन्‍हाॽग से़क्‍खाएरो॥ खे़ल्‍ले़चोगुल्‍ले़ खे़न् नसानिबाहाॽ आल्‍लसाङ् नुरिक्‍काङ् नसान् चोःक्‍मा मे़सुक्‍तुर फाॽआङ् खे़ङ्‌हाॽ साॽरिक् फे़ःक्‍ते़से़ॽओ॥

१ तिमोथि 3:2

खे़ल्‍ले़चोगुल्‍ले़ लाम्‍लोबा याःम्‍बक् के़जोःक्‍पाङ्‌ग आप्‍तिक् मेःन्‍नेबा, थिक्‍लक् मेःत् के़गप्‍पा, निङ्‌वाॽ हाङ्‌गे़गे़म्‍सिङ्‌बा, नुःरिक्‍काङ् खासिङ् के़निःप्‍पा, मिङ्‌सो इङ्‌धाङ्‌साबा, तरे के़दोबा नु मनाहाॽ हुॽमा के़सुक्‍पा पोङ्‌मा पोङ्‌लो॥

खाहुन् 16:31

के़भुप्‍पा थे़गेःक्‍किन् मिङ्‌सो इङ्‌धाङ्‌ले़न् तिचरो, साम्‌योबा हिङ्‌मन् लाम्‍बा कन् खोदे़त्‍लो॥

१ थिस्‍सलोनिकि 5:8

कर आनिॽग ले़न्‍दिक्‍ले़ कुमना आबोःक्‍खे़बाल्‍ले़ चोगुल्‍ले़ निङ्‌वाॽ हाङ्‌गे़म्‍सिङ्‌ङिआङ् साङ्‌बे से़ःप्‍चाङ् कुइसिक् नसान् नु मिःम्‍जिन् चाक्‍खुम्, हे़क्‍क्‍याङ् से़क्‍खाए से़न्‍लप् आघोसुम् के़लॽबा निङ्‌साङ्‌ङिन् ताङ्‌खुःक् कुइसिक् खुःक्‍खुम्,

रोमि 12:3

निङ्‌वाॽफुमाङ्‌ङिल्‍ले़ पिराङ्‌बा लुङ्‌गुम्‍लाम्‍बा खिनिॽ साम्‍दिङ् पिनिङ्‌लो॥ खिनिॽ आक्‍तङ्‌बा के़जोगिॽ खे़न्‍नाङ्‌धो यरिक् मे़इःत्तासिम्‍मिन्‍ने़ॽओ, कर निङ्‌वाॽफुमाङ्‌ङिल्‍ले़ के़बिरिबा नसाःन्‍निल्‍ले़ खोःप्‍तुबा कुइसिःक्‍लक् सिङ्‌सिङ्‌ङाङ् निङ्‌वाॽ इःत्तासिम्‍मे़ॽओ॥

अयुब 12:12

खदाक्‍मिहाॽनु सिक्‍कुम्‍दिङ् निङ्‌वाॽ वाॽरो कर निङ्‌वाॽफुमाङ्‌ङिन्‍नुग सिक्‍कुदिङ् निङ्‌वाॽ नु मुक्‍साम् वाॽरो॥ खदाक्‍मिहाॽनुग सुजा नु खासिङ्‌निःप्‍मान् वाॽरो कर निङ्‌वाॽफुमाङ्‌ङिन्‍नु सुजा नु ने़हिनिङ्‌वाॽ वाॽरो॥

ले़बि 19:32

“‘काप्‍पो तुम्‍साहाॽ मिङ्‌सो इङ्‌धाङ् पिमासिरे़ लागि पोगे़म्‍मे़ॽ हे़क्‍क्‍याङ् खदाक्‍मिहाॽ नाजम् पिरे़म्‍सिम्‍मे़ॽ॥ निङ्‌वाॽफुमाङ्‌ङिन्‍नु खिनिॽ किसे़म्‍मे़ॽ॥ आङ्‌गाॽ यहवे दाङ्‌बाआ॥

१ पत्रुस 1:13

खे़ल्‍ले़चोगुल्‍ले़ माङ्‌से़वा चोःक्‍मा फाॽआङ् निङ्‌वाॽओ यारिप् पोःक्‍खे़म्‍मे़ॽ, हे़क्‍क्‍याङ् निङ्‌वाॽइन् योधो मे़म्‍मे़त्ते वये़म्‍मे़ॽओ॥ ये़सु ख्रिस्‍ते़न् नुःङ् युःल्‍ले़ के़घोसुम्‍बा लुङ्‌गुम्‍मिन् कुलिङ्‌दो के़त्‍ल निङ्‌साङ् चोगे़म्‍मे़ॽओ॥

१ कोरन्‍थि 15:34

खिनिॽग सेनिङ्‌वाॽओ नुःक्‍खे़म्‍मे़ॽआङ् लायो चोःक्‍मा ले़रे़म्‍मे़ॽओ॥ खिनिॽओ कुभाग निङ्‌वाॽफुमाङ्‌ङिल्‍ले़ कुयाःम्‍बेओ थेआङ् मे़ल्‍ले़ःम्‍नाबाहाॽआङ् मे़वाॽरो॥ कङ्‌ग खिनिॽ सिरिङ् के़मयिर फाॽआङ् मे़त्‍निङ्‌बारो॥

निङ्‌वाॽफु साम्‍लोसुम् 92:14

खे़ङ्‌हाॽग खदाक्‍मि मे़दुम्‍साङ् काक् पाःन्‍नो मे़नुॽमे़दारो, हे़क्‍क्‍याङ् सदादिङ् चिनॽनॽ के़लॽबा मे़बोङ्‌ङाङ् कुजाॽ के़धोःक्‍पा मे़बोङ्‌लो॥

२ पत्रुस 1:6

साम्‍जिक्‍को निङ्‌वाॽ हाङ्‌गे़म्‍सिङ्‌मान्, निङ्‌वाॽ हाङ्‌गे़म्‍सिङ्‌मो नासि थःप्‍मान्, नासि थःप्‍मो साप्‍चुवान् योॽरे़म्‍मे़ॽ,

तितस 2:7

खे़ने़ॽ आप्‍फेक्‍काङ् नुबा याःम्‍बक्‍किल्‍ले़ कुबि पोःक्‍खे़ॽ, हे़क्‍क्‍याङ् के़निसाम्‍मो नोनिङ्‌वाॽसाबा नु ताःक्‍पोसाबा पोःक्‍खे़ॽओ॥

तितस 1:8

कर खुने़ॽग तरे के़दोबा नु नुबा पाःन्‍हाॽ कुसिराॽ के़धाङ्‌बा पोङ्‌माए पोङ्‌लो॥ हे़क्‍क्‍याङ् खुने़ॽ निङ्‌वाॽ हाङ्‌गे़म्‍साबा, साम्‌योबा, सेसे नु हे़न्‍थिम्‍बा पोङ्‌माए पोङ्‌लो॥

१ तिमोथि 3:4

खुने़ॽग आप्‍फेक् कुहिम्‍सयङ् नुःरिक्‍काङ् कम्‍ब्राङ् मे़प्‍मा के़सुक्‍पा हे़क्‍क्‍याङ् कुस्‍साहाॽरे़ इङ्‌धाङ् मे़बिरुबा नु कुइङ्‌जाङ् मे़घे़प्‍सुबा पोङ्‌मा पोङ्‌लो॥

१ तिमोथि 1:5

कन् इङ्‌जाङ्‌ङिल्‍ले़न् निङ्‌वाॽसोक्‍किङ्‌ग सेसे निङ्‌वाॽ, नुबा खासिङ् नु से़क्‍खाबा नसाःन्‍लाम् के़लःम्‍बा मिःम्‍जिरो॥

१ थिस्‍सलोनिकि 5:6

खे़ल्‍ले़चोगुल्‍ले़ वेॽ मनाहाॽ हे़क्‍के आनिॽ इप्‍सि मेःन्, कर सिङ्‌सिङ् ये़क्‌ये़क् नु निङ्‌वाॽ हाङ्‌गे़म्‍सिङ्‌माओ वाॽमा पोङ्‌लो॥

फिलिप्‍पि 4:8

आल्‍ल कुनुप्‍मो, आमिःम् फुॽनुसाॽ नु ने़ॽनुसाॽसे, आत्तिन् पाःन्‍निन् से़क्‍खाबा, सुम्‍बोधाबा, कुदोःप्‍मा, सेसेबा, सिराॽ के़धाङ्‌बा, इङ्‌धाङ् पिमा लाॽरुबा, आत्तिन् पाःन्‍निन् साॽरिक् नुबा नु ने़म्‍भोमा लाॽरुबा चोक्, खे़न् पाःन्‍हाॽए निङ्‌वाॽ पिरे़म्‍मे़ॽओ॥

२ कोरन्‍थि 5:13

आनिगे निङ्‌वाॽ मे़न्‍दक्‍मनाबा हे़क्‍के लॽरिगे़ने़ फाॽग्र कन् निङ्‌वाॽफुमाङ्‌ङिल्‍ले़ कुसे़वा चोगुम्‍बे़बाल्‍ले़ चोगुल्‍ले़रो, हे़क्‍क्‍याङ् आनिगे निङ्‌वाॽ कुदोःप्‍मा के़गप्‍पा हे़क्‍के लॽरिगे़ने़ फाॽग्र कन् बा खिनिॽ लागिएरो॥

१ कोरन्‍थि 9:25

आल्‍ल हक्‍चाःत् के़जाःप्‍पा के़रे़क्‍ले़ के़साक्‍पा सधासिङ्‌मा मे़जोगुॽरो॥ खे़ङ्‌हाॽरे़ के़मे़क्‍पा के़बेःक्‍पा तिचः खोसे़ हे़क्‍के मे़जोगुॽ, कर आनिॽग आप्‍फाल्‍ले़आङ् मे़म्‍मे़क्‍मनाबा थुम्‍घोगे़न् तिचः खोसे़ हे़क्‍के आजोगुम्‍लो॥

सेःक्‌युक्‍मिबाहाॽ 24:25

पावलरे़ ताॽधक्‍तुर तेॽरुल्‍ले़ साम्‌योबा, निङ्‌वाॽ हाङ्‌गे़म्‍सिङ्‌मा नु ताःन्‍दि के़दाबार के़बप्‍पा पयम् खुम्‍दिङ्‌ङिल्‍ले़ कुयाःम्‍बेओआङ् पोधक् चोगुरो॥ कर फे़लिक्‍से़न् किसे़आङ् मे़त्तु, “आल्‍ल खे़ने़ॽ पेगे़ॽ, इङ्‌गाॽ याःन्‍दिक् ताआल्‍ले़ याम्‍मो उःत्‍ने़आङ् के़बाःन्‍निन् खे़प्‍सुङ्‌लो॥”

लुका 8:35

हे़क्‍क्‍याङ् मनाहाॽ थे़मानि पोःक्‍खे़बे फाॽआङ् ओमे़त्‍छे़ खे़प्‍मो मे़द्‌ये़॥ खे़ङ्‌हाॽरे़ माफे़न्‍साम्‍मिल्‍ले़ तरुबा मनान् नुरे़आङ् तेत् चाक्‍सिङ्‌ङाङ् कुनिङ्‌वाॽ सेरे़आङ् ये़सुरे़ कुलाङ्‌जक्‍पो युङे़बा मे़निसुआङ् खे़ङ्‌हाॽ के़रे़क् मे़गिसे़॥

मर्कुस 5:15

ये़सुन् वये़बा ते़न्‍नो मे़द्‌ये़रो॥ खे़प्‍मो खे़ङ्‌हाॽरे़ तगि फे़न्‍साम्‍मिल्‍ले़ याङ्‌घुबा मनान् वेःत्ते़आङ् नुरिक्‍काङ् तेत् चाक्‍खुआङ् युङे़बा मे़निसु॥ हे़क्‍क्‍याङ् खे़न् मनान् नु फाक्‍हाॽ थे मे़बोःक्‍खे़ फाॽआङ् के़निबा मनाहाॽरे़ मे़जे़क्‍तुसि॥ हे़क्‍क्‍याङ् खे़ङ्‌हाॽ साॽरिक् मे़गिसे़॥

यसैया 65:20

“अङे़ःक्‌वाहाॽ मे़जुःक्‍लए मे़न्‍छिने़न्‍लो, के़रे़क् मनाहाॽ खुन्‍छिॽ थाःक् चाॽर थारिक् मे़हिङ्‌लो॥ किप् थिक् तङ्‌बेॽ के़गे़प्‍पाहाॽ थाङ्‌बे़न् लेःप्‍मासि पोङ्‌लो, खे़न्‍नुःल्‍ले़ तगि के़सिबाहाॽग आङ्‌गाॽ खुम्‍दिङ् पिरुङ्‌सिङ्‌बा फाॽआङ् इःप्‍मा पोङ्‌लो॥

१ तिमोथि 3:8

बा हे़क्‍केलॽरिक् सेसेहुप्‍लक्‍पा माङ्‌सेवारोबाहाॽग नो ये़प्‍ले़क्‍साबा नु निङ्‌वाॽइरे़ खोःप्‍तुसिबा पोङ्‌मा पोङ्‌लो॥ खे़ङ्‌हाॽ यरिक् थि के़धुङ्‌बा नु फे़न् लाम्‍मोलाम् याङ् के़धक्‍पा पोङ्‌मा मे़नुॽने़न्‍लो॥

१ तिमोथि 1:10

चागे़राम्‍बाहाॽ, ये़म्‍बित्‍छाॽनु ये़म्‍बित्‍छाॽए याम्‍गे़बोःप्‍पाहाॽ, योःक्‍पा के़इङ्‌बा के़सङ्‌बाहाॽ, हे़क्‍क्‍याङ् इङ्‌ले़क् के़बाःप्‍पाहाॽ, इङ्‌ले़क् तोःन्‍दि के़बिबाहाॽ, हे़क्‍क्‍याङ् से़क्‍खाबा निसाम्‍बुङ्‌ङिल्‍ले़ कुदक्‍ले़ङ्‌वाओ के़बोःक्‍पाहाॽरे़ लागि साम्‌योथिम्‍मिन् चोगे़बारो॥

१ तिमोथि 1:14

आनिॽ यहवे दाङ्‌बाल्‍ले़ग साॽरिक् लुङ्‌माॽ तुक्‍ताङ्‌लो, हे़क्‍क्‍याङ् ख्रिस्‍त ये़सुओ खोगे़दे़प्‍पा नसान् नु मिःम्‍जिन् आत्तात्तान्‍ने यरिक् पिराङ्‌लो॥

१ तिमोथि 5:1

खदाक्‍मि मनान् मे़भे़ःक्‍ते़न्‍ने़ॽ, कर आप्‍फेक् पानुदिङ् के़म्‍बा कुइसिक् इःत्ते़ॽआङ् खाहुन् पिरे़ॽओ॥ हे़क्‍क्‍याङ् खे़ने़ॽनुःल्‍ले़ पाःक्‍पाहाॽ आप्‍फेक् के़न्‍साॽसि कुइसिक् इःत्ते़से़ॽओ॥

फिलेमोन 1:9

इङ्‌गाॽ खदाक्‍मि पावल, आल्‍लो ख्रिस्‍त ये़सुरे़ कुबुङ्‌लाथाबा के़बोङ्‌बाल्‍ले़, आनिॽ लुङ्‌माॽ तुक्‍सिङ्‌माल्‍ले़ चोगुल्‍ले़ खे़ने़ॽ पेलि फाक्‍ने़ॽरो॥