तितस 1:5 - लिम्‍बु

⁵ खे़ने़ॽग इङ्‌गाॽ क्रेत लाजेॽओ मे़न्‍जुःत्ते के़वाॽबा पाःन्‍हाॽ सुःप्‍मा हे़क्‍क्‍याङ् पिने़बा ओःन्‍धाक् कुइसिक् काक् पाङ्‌जुम्‍हाॽओबा सेसेहुप्‍लक्‍हाॽओ तुम्‍लाम्‍लोबाहाॽ सेःक्‌युक् चोःक्‍मासि फाॽआङ् पक्‍थाने़बारो॥

तितस 1:5 Referans Kwoze

सेःक्‌युक्‍मिबाहाॽ 14:23

हे़क्‍क्‍याङ् पावल नु बर्नाबासरे़ खे़न् सेसेहुप्‍लक्‍हाॽओ तुम्‍लाम्‍लोबाहाॽ सेःक्‌युक् चोगे़त्‍छुआङ् तुवा नु चाने़त्तो मे़युङे़आङ् खे़ङ्‌हाॽरे़ नसान् मे़जोगुबा दाङ्‌बाल्‍ले़ कुगम्‍ब्राङ्‌ङो खे़ङ्‌हाॽ युक्‍खे़त्‍छुसिरो॥

१ तिमोथि 1:3

इङ्‌गाॽ मे़सेदोनिया थुम्‍मो पेगाङ्‌ङिल्‍ले़ खे़ने़ॽ पेलि फाक्‍ने़बा कुइसिक् खे़ने़ॽ एफिससओ ए याःक्‍ते़ॽओ॥ खे़प्‍मो कुभा मनाहाॽरे़ इङ्‌ले़क्‍पा निसाम् मे़हुॽरुसिर मे़याक्॥ खे़ङ्‌हाॽ हे़क्‍के चोःक्‍मा मे़बाङ्‌घे़से़न्‍ने़ॽओ॥

खाहुन्‍साबा 12:9

कर खाहुन्‍साबान् सिक्‍कुम्‍निबा वये़ हे़क्‍क्‍याङ् खुने़ॽ ले़सुबा पाःन्‍निन् मनाहाॽ हुॽरुसि॥ खुने़ॽ यरिक् खाहुन्‍हाॽ नुरिक्‍काङ् साप्‍तु, कोःत्तु, हे़क्‍क्‍याङ् नुरिक्‍काङ् पे़न्‍छुफत्‍छु॥

१ कोरन्‍थि 14:40

कर के़रे़क् पाःन्‍हाॽग थे़प्‍थे़प्‍पाङ् नुरिक् चोःक्‍मा पोङ्‌लो॥

२ तिमोथि 2:2

यरिक् तोःन्‍दिहाॽरे़ खुनिॽ तगि के़घे़प्‍सुबा आबाःन्‍निन् के़निङ्‌वाॽइरे़ खोःप्‍तुसिबा मनाहाॽ हुॽमा के़सुक्‍पा नसाःन्‍साबा वेॽ मनाहाॽ हुक्‍सुप्‍ते़से़ॽओ॥

१ कोरन्‍थि 11:34

आत्तिन् साक्‍मे़न्‍जा वाॽ, खे़ल्‍ले़ हाराॽ हिम्‍मोए चआङ् ताररो॥ हे़क्‍केलॽरिक् थिक्‍ते़न्‍नो के़जुप्‍सिल्‍ले़ खुम्‍दिङ्‌ङो के़न्‍ध्‍ये़ॽइन्‍लरो॥ आल्‍ल इङ्‌गाॽ खिनिॽओ ताआल्‍ले़ वेॽ पाःन्‍हाॽरे़न् ओःन्‍धाक् पिनिङ्‌लो॥

सेःक्‌युक्‍मिबाहाॽ 27:21

वालाधाओबा मनाहाॽ चा मे़न्‍जाएबा यरिक् ये़न् पोःक्‍खे़आङ् वये़बाल्‍ले़ पावले़न् खुन्‍छिॽ लुम्‍मो ये़म्‍सिङ्‌ङाङ् अक्‍खे मे़त्तुसि, “आदाङ्‌बासे, आबान् के़घे़प्‍सुम्‍माङ् क्रेतलाम् आन्‍धासिङ्‌ङिन्‍निल्‍ले़ग अक्‍खेलॽरिक् इम्‍मोक् मे़बोःक्‍खे़म्‍बारो॥

सेःक्‌युक्‍मिबाहाॽ 27:12

कन् ते़न्‍निन् चुङ्‌वाःम्‍माओ वाॽमा नुबा मे़जोगे़म्‍बाल्‍ले़ चोगुल्‍ले़ यरिक्‍दङ्‌बा मनाहाॽ लाम्‍दिक् चोःक्‍माआङ् फोनिक्‍स ये़क्‌यक्‍को के़प्‍माआङ् चुङ्‌वाःम्‍माओ वाॽमा निङ्‌वाॽ मे़जोगुरो॥ खे़न् वागप्‍खे़ःङ्‌ङिङ्‌ग क्रेतसमा थाङ्‌गे़त् नाम्‍धा नु लाङ्‌गे़त् नाम्‍धा ले़प्‍माङ् तक्‍के़मे़प्‍पा नुबा वागप्‍खेःङ् चोगे़रो॥

सेःक्‌युक्‍मिबाहाॽ 27:7

हे़क्‍क्‍याङ् खे़प्‍मोलाम् यरिक् ये़न् नङेःक्‍काङ् वालाम्‍दिक् चोःक्‍मनार पयम् तुक्‍खेनु निदस मे़प्‍मनाबा ये़क्‌यक्‍किल्‍ले़ कुबेसाङ् के़प्‍मनारो॥ हे़क्‍क्‍याङ् खे़प्‍मोलाम् इतालि ले़प्‍माङ् पेःक्‍मा सुरित् केजङ्‌ङिल्‍ले़ मे़बिरिगे़न्‍बाल्‍ले़ चोगुल्‍ले़ क्रेत मे़प्‍मनाबा वागप्‍खाम्‍समा सालमोनेनु लाङ्‌गे़त् ले़प्‍माङ् पोङ्‌मनाआङ्

सेःक्‌युक्‍मिबाहाॽ 11:30

हे़क्‍केःल्‍ले़ खे़ङ्‌हाॽरे़ कुभाॽ याङ्‌ङिन् मे़भोक्‍खुआङ् बरनाबास नु सावलरे़ खुन्‍छिॽ हुक्‍लाम् खे़न् फाॽयाङ्‌ङिन् यहुदियासमा सेसेहुप्‍लक्‍कोबा तुम्‍लाम्‍लोबाहाॽ मे़हाक्‍तुसिरो॥

यसैया 44:7

आङ्‌गाॽ चोगुङ्‌बा हे़क्‍के हाःत्‍ले़ चोःक्‍मा सुक्‍तुबे? कुहेःक्‍सिङ्‌मा ये़म्‍माङ्‌धो कुनुप्‍मा ये़म्‍धारिक्‍ले़ थेधे पोङ्, खे़न् के़रे़क् तगिसा हाःत्‍ले़ पाःप्‍मा सुक्‍तुबे?

कलस्‍सि 2:5

थेआङ्‌भे़ल्‍ले़ इङ्‌गाॽग खिनिॽनु माःङ्‌घा वाॽआसाङ् आनिङ्‌वाॽइन् खिनिॽनु सोरिक्‍के वाॽरो॥ हे़क्‍क्‍याङ् हिङ्‌मा के़बोङ्‌बा हिङ्‌मन्‍नो के़हिङिबा नु ख्रिस्‍तओबा नसाःन्‍नो यो-धो मे़ल्‍लॽए के़वयिबा खे़प्‍सुङ्‌ङाङ् साॽरिक् सःत्तारो॥

सेःक्‌युक्‍मिबाहाॽ 2:11

क्रेतिहाॽ हे़क्‍क्‍याङ् अरबिहाॽआङ् आवाॽ॥ करसाङ् खे़ङ्‌हाॽरे़ग आनिॽ आबाङे पाःन्‍दाङ्‌ङो निङ्‌वाॽफुमाङ्‌ङिल्‍ले़ चोगुबा निङ्‌वाॽ के़माबा याःम्‍बक्‍हाॽ मे़जे़क्‍खुर मे़बप्‍पा आघे़प्‍सुम्‍लो॥”

१ साप्‍मुःन्‍धुम् 6:32

सोलोमनरे़ यरुसले़ःम्‍मो माङ्‌हिम् मे़ःन्‍जोःक्‍के थारिक् सेसे साःङ्‌गाहिम्, तुम्‍मादे़न् साःङ्‌गाहिम् तगि खे़ङ्‌हाॽरे़ साक्‍थिम् कुइसिक् साम्‍लो साम्‍मे़प्‍मा याःम्‍बक् मे़जोगु॥

सेःक्‌युक्‍मिबाहाॽ 27:13

लाङ्‌गे़त् पिसाङ्‌लाम् ये़म्‌ये़म्‍गे़न् सुरित् केजङ् हुमा हेःक्‍ते़आङ् वादोचाःक्‍पाहाॽरे़ कङ्‌ग वालाम्‍दिक् चोःक्‍मा नुबा मिक्‍सेःन्‍लो फाॽआङ् निङ्‌वाॽ मे़इःत्तु॥ हे़क्‍क्‍याङ् वादोखे़ःक्‍चुरिन् मे़उःक्‍खुआङ् क्रेतरे़ लाङ्‌गे़त् पिसाङ्‌लाम् कुया कुया मे़बोःक्‍खे़र नाम्‍धा पिसाङ् ले़प्‍माङ् लाम्‍दिक् चोःक्‍मा मे़हेःक्‍तुरो॥

१ कोरन्‍थि 4:17

बा खे़ल्‍ले़चोगुल्‍ले़ इङ्‌गाॽ लुङ्‌माॽ तुक्‍तुङ्‌बा दाङ्‌बाओ नसाःन्‍साबा आबुगे़न् आस्‍सा तिमोथिन् खिनिॽओ पाङ्‌घुङ्‌ल पत्तारो॥ के़रे़क् सेसेहुप्‍लक्‍को हुॽरुङ्‌सिङ्‌बा आनिसाम्‍मिन् कुइसिःक्‍के ख्रिस्‍त ये़सुन् इःत्तुङ् नाःत्तुङ्‌बा पाःन्‍निन् खिनिॽ निङ्‌वाॽसुम्‍मो खुने़ॽए तारु के़बिरिॽरो॥

तितस 1:12

हे़क्‍क्‍याङ् कङ्‌ग क्रेत के़युङ्‌बाहाॽरे़ आबाङे खुनिॽ खागे़इक्‍पाधिक्‍ले़ आप्‍फेक् अक्‍खे पाःत्तुआङ् वाॽ, “क्रेत के़युङ्‌बाहाॽग सदादिङ् इङ्‌ले़क् के़बाःप्‍पा, खासिङ् मे़न्‍निःप्‍मना ताम्‍भुङ् थक्‍सा हे़क्‍तङ्‌बा हे़क्‍क्‍याङ् ले़म्‍सुवाबा तःक्‍थे़ःक्‍के मे़जोक्‍लो॥”

ले़बि 14:42

खे़न् एगाङ् खे़ङ्‌हाॽरे़ वेॽ लुङ्‌हाॽ मे़दारुआङ् खे़न् तगिबा लुङ्‌हाॽ यागे़बादे़न्‍नो मे़गेःत्तुर, हे़क्‍क्‍याङ् वेॽ खाम्‍मिल्‍ले़ मे़ले़ङुर॥