तितस 1:13 - लिम्‍बु

¹³ कन् पाःत्ते़बा पाःन्‍हाॽग से़क्‍खाएरो॥ खे़ल्‍ले़चोगुल्‍ले़ खे़न् नसानिबाहाॽ आल्‍लसाङ् नुरिक्‍काङ् नसान् चोःक्‍मा मे़सुक्‍तुर फाॽआङ् खे़ङ्‌हाॽ साॽरिक् फे़ःक्‍ते़से़ॽओ॥

तितस 1:13 Referans Kwoze

तितस 2:2

खदाक्‍मिहाॽग लुम्‍लुम्‍बा पोङ्‌मा, तुम्‍म्‍याहाङ् पोङ्‌मा लाॽरुसिबा, इङ्‌धाङ्‌साबा, निङ्‌वाॽ हाङ्‌गे़म्‍सिङ् के़जोःक्‍पा पोङ्‌मा, से़क्‍खाबा नसान् के़गप्‍पा, वेॽहाॽ लुङ्‌माॽ के़दुक्‍पा हे़क्‍क्‍याङ् नासि के़धःप्‍पा पोङ्‌मा पोङ् मे़त्ते़से़ॽओ॥

१ तिमोथि 5:20

लायो के़जोःक्‍पार के़वाॽबा लाम्‍लोबाहाॽ काक् नसानिबाहाॽरे़ खुनिॽ तगि फे़ःक्‍ते़से़ॽओ, हे़क्‍केलॽरिक् वेॽहाॽ लायो चोःक्‍मा मे़गिनिरो॥

तितस 2:15

काक् युक्‍नु कन् पाःन्‍हाॽ हुॽरे़से़ॽ, हाङ्‌हाङ् मे़त्ते़से़ॽ, हे़क्‍क्‍याङ् फे़ःक्‍ते़से़ॽ॥ हे़क्‍केलॽरिक् आत्तिन्‍हाॽरे़आङ् खे़ने़ॽ कुनामे़न्‍छाॽ के़मे़न्‍मे़त्‍ने़न्‍लरो॥

२ तिमोथि 4:2

सुनाइङ् इङ्‌भोसे़ॽ॥ आप्‍फाल्‍ले़साङ् सुनाइङ् से़मा खे़ने़ॽग यारिप् पोःक्‍खे़आङ् वये़ॽओ॥ निङ्‌वाॽ हाङ्‌गे़म्‍सिङ्‌ल निसाम्‍नु मनाहाॽ नुरिक्‍काङ् खाहुन् पिरे़से़ॽ, फे़ःक्‍ते़से़ॽ, हे़क्‍क्‍याङ् हाङ्‌हाङ् मे़त्ते़से़ॽओ॥

२ कोरन्‍थि 13:10

बा खे़ल्‍ले़चोगुल्‍ले़ कन् पाःन्‍हाॽग खिनिॽओ तामानुःल्‍ले़ तगि साप्‍तुङ्‌ल पत्तारो॥ हे़क्‍केलॽरिक् इङ्‌गाॽ खिनिॽओ ताआल्‍ले़ आयुक्‍किन् साक्‍ल ओगप्‌ चोःक्‍मा मे़बोङ्‌ने़न्‍ल के़लॽबा निङ्‌साङ् चोगुङ्‌लो॥ दाङ्‌बाल्‍ले़ इङ्‌गाॽ कन् युक्‍किङ्‌ग खिनिॽ फे़त्‍लाःन्‍छे़ मेःन्, कर खिनिॽ नसाःन्‍निन् थोबो चोःक्‍मा फाॽआङ् पिराङ्‌बारो॥

१ तिमोथि 4:6

कन् पाःन्‍हाॽ खे़ने़ॽ नसानिबा फुॽनुसाॽहाॽ के़हुॽरुसि हे़क्‍क्‍याङ् के़नाःत्तु के़इःत्तुबा से़क्‍खा निसाम् नु नसाःन्‍गे़न् पाःन्‍जाक्‍को के़हुॽसिङ्‌ल के़धाङ्‌ने़ फाॽग्र खे़ने़ॽग ख्रिस्‍त ये़सुरे़ नुबा कुसे़वारोबा के़बोङ्‌लो॥

खाहुन् 27:5

स्‍वाःत्ताङ् लुङ्‌माॽ तुक्‍मासिनुःल्‍ले़ मे़घे़प्‍सुरए फे़ःक्‍मासि तम्‍मासि नुबारो॥

निङ्‌वाॽफु साम्‍लोसुम् 141:5

साम्‌योबा मनाहाॽरे़ आङ्‌गाॽ मे़हिप्‍पाररो, खे़ङ्‌ग आलागि लुङ्‌माॽ मे़दुक्‍काबा पोङ्‌लो॥ खे़ङ्‌हाॽरे़ आङ्‌गाॽ मे़भे़ःक्‍काररो, खे़ङ्‌ग आङ्‌गाॽ आलागि आध्‍गेक्ओ निःङ्‌गेॽ हुःप्‍मनाबा पोङ्‌लो॥ खे़न् आङ्‌गाॽ मे़अत्ताल्‍लो॥ हे़क्‍केसाङ् ताक्‍के़भे़ॽबा मनाहाॽरे़ मे़जोगुबा फे़न्‌याःम्‍बक्‍किल्‍ले़ कुदक्‍ले़ङ्‌वाओ आङ्‌गाॽ सदादिङ् तुवा चोःक्‍कारो॥

निङ्‌वाॽफु साम्‍लोसुम् 119:80

खे़ने़ॽ के़इङ्‌जाङ्‌हाॽ निरिक्‍काङ् आङ्‌गाॽ इःप्‍मा नाःप्‍मा सुक्‍तुङ्‌लरो, हे़क्‍केलॽरिक् हारि तामालाम् आङ्‌गाॽ सिरिङ्‌ममा मे़बोङ्‌ने़ल्‍लरो॥

ले़बि 19:17

“‘आबाङे फुॽनुसाॽहाॽ निङ्‌मि मे़जोगे़म्‍सिम्‍मिन्‍ने़ॽ॥ आबाङे हिम्‍बेसाङ्‌बे़न् नादुम्‍दुम्‍बा पान् मे़त्ते़म्‍मे़ॽ, मेःन्‍ने़भग्र खिनिॽआङ् खे़ल्‍ले़ कुभे़न् याःम्‍बक्‍को कुदङ्‌बा के़ध्‍ये़ॽइ॥

१ तिमोथि 1:10

चागे़राम्‍बाहाॽ, ये़म्‍बित्‍छाॽनु ये़म्‍बित्‍छाॽए याम्‍गे़बोःप्‍पाहाॽ, योःक्‍पा के़इङ्‌बा के़सङ्‌बाहाॽ, हे़क्‍क्‍याङ् इङ्‌ले़क् के़बाःप्‍पाहाॽ, इङ्‌ले़क् तोःन्‍दि के़बिबाहाॽ, हे़क्‍क्‍याङ् से़क्‍खाबा निसाम्‍बुङ्‌ङिल्‍ले़ कुदक्‍ले़ङ्‌वाओ के़बोःक्‍पाहाॽरे़ लागि साम्‌योथिम्‍मिन् चोगे़बारो॥