सोलोमनरे़ कुसाम्‍लो 8:8 - लिम्‍बु

⁸ आनिगे लत्‍छा चुक्‍मा नुस्‍साॽधिक् वाॽरो, खुने़ॽ कुनुबक्‍हाॽ यम्‍बा मे़म्‍बोङ्‌ङे वाॽरो॥ कुभा थाङ्‌बे़न्‍धिक् कुइङ्‌लाप्‍से़ ताःल्‍ले़ आनिगे थे़मा चोगुम्‍बे़बाबे?

सोलोमनरे़ कुसाम्‍लो 8:8 Referans Kwoze

१ पत्रुस 2:12

खिनिॽग ख्रिस्‍ते़न् नसान् मे़न्‍जोःक्‍मनाबाहाॽनु नुरिक्‍काङ् नुबा हिङ्‌मन्‍नो वये़म्‍मे़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ फे़न् पाःन्‍हाॽ के़जोगुम् लॽरिक् पान् के़म्‍धिक्‍तिसाङ् खिनिॽ के़जोगुम्‍बा नुबा याःम्‍बक्‍हाॽ मे़निसुर, खासे़न् चोःक्‍से़ युबा ये़न्‍नो कुनारा मे़भोसुॽरो॥

निङ्‌वाॽफु साम्‍लोसुम् 2:8

आङ्‌गाॽ खे़ने़ॽ नाःक्‍ताङ्‌ङे़ॽओ, इक्‍सादिङ् खाम्‍बेःक्‍मोबा सुवाङ्‌हाॽ के़लक् चोगुङ्‌सिङ् पिने़रो, हे़क्‍क्‍याङ् काक् इक्‍सा खाम्‍बेःक्‍किन् खे़ने़ॽइन् चोगुङ् पिने़रो॥

सेःक्‌युक्‍मिबाहाॽ 22:21

“कर दाङ्‌बाल्‍ले़ इङ्‌गाॽ मे़त्ताङ्, पेगे़ॽ, ‘थेआङ्‌भे़ल्‍ले़ खे़ने़ॽ माःङ्‌घा माःङ्‌घा थारिक् थिम्‍मे़न्‍दङ् सुवाङ्‌हाॽरो आयाःम्‍बेओ इङ्‌भन्‌ चोःक्‍से़ पाङ्‌ने़ॽरो॥’”

सेःक्‌युक्‍मिबाहाॽ 16:9

खे़प्‍मो खे़न् से़न्‍दिक् पावलरे़ तादिगे़न् सुफोधिक् निसु॥ खे़प्‍मो मे़सेदोनियासमा मनाधिक् मे़सेदोनियाओ थाङे़आङ् आनिगे याप्‍मि कुभाॽ आबिरे़ॽ लॽरिक् पेलि फाक्‍तुर ये़बे़बा निसुरो॥

सेःक्‌युक्‍मिबाहाॽ 10:1

सिजरिया ये़क्‌यक्‍को कर्नालियस मिङ् के़वाःप्‍पा मनाधिक् वये़॥ खे़न् इतालिया मे़प्‍मनाबा रोमि तुरारे़न् थक्‍तुम्‍बा वये़रो॥

सेःक्‌युक्‍मिबाहाॽ 7:38

इस्राइलिहाॽ एःक्‍सादे़न्‍नो मे़जुप्‍से़ल्‍ले़ मोसान् खे़ङ्‌हाॽनु वये़, सिनाइ कोःक्‍माओ माङ्‌लाइङ्‌बान् खुने़ॽनु पारे़ हे़क्‍क्‍याङ् खे़न् हिङ्‌मन् के़बिबा निङ्‌वाॽफु पाःन्‍जाक्‍किन् खुने़ॽ खोसु, हे़क्‍क्‍याङ् आनिॽ सुधे़बाहाॽ पिरुसिआङ् आनिॽ आघोसुम्‍माङ् आवाॽरो॥

युहुन्‍ना 10:16

इङ्‌गाॽ वेॽ मे़ल्‍लुक्‍हाॽआङ् कत्तुङ्‌सिङ्॥ खे़ङ्‌हाॽग कन् लुप्‍पोबा मेःन्‍छिरो कर खे़ङ्‌हाॽआङ् इङ्‌गाॽ लत्‍छा लुप्‍पो ताःप्‍मासि पोङ्‌लो॥ इङ्‌गाॽ आइक्‍लान् मे़घे़प्‍सुॽआङ् खे़ङ्‌हाॽ थिक् लुप् मे़बोङ् हे़क्‍क्‍याङ् मे़ल्‍लुक्‍कम्‍बान्‍नाङ् लत्‍छारक् पोङ्‌लो॥

लुका 19:44

खे़ने़ॽ के़म्‌य के़म्‍लुःन्‍नाङ् के़स्‍साहाॽनु खाम्‍मो के़म्‍दङ्‌लो॥ थिक् लुङ् सम्‍दाङ् वेॽ लुङ्‌ङिन्‍ने पक्‍मे़न्‍धने़न्, थेआङ्‌भे़ल्‍ले़ निङ्‌वाॽफुमाङ्‌ङिन् खे़ने़ॽ के़से़ःप्‍से़ ये़बा सुये़म्‍मिन् के़नाॽरुरो॥”

इजकिएल 23:33

मसिङ्‌मा नु निङ्‌वाॽ तुक्‍खेःल्‍ले़ खे़ने़ॽ के़सुःप्‍लो, थेआङ्‌भे़ल्‍ले़ के़घोर्‍याःङ्‌ग निङ्‌साम् नु मुदोखाम्‍दोरे़ कुम्‍ब्राओ थे़म्‍बा वे़ल्‍ले़क् के़दिम्‍बा चोक्‍लो, हाबा खे़न् खोर्‍यान् के़न्‍ने़ॽ सामरियाःल्‍ले़ थुङुरो॥

इजकिएल 16:61

खे़ब्‍याङ् खे़ने़ॽ के़जोगुआङ् वाॽबा के़रे़क् के़भे़न् याःम्‍बक्‍हाॽ के़नुःन्‍ल निङ्‌वाॽ के़इःत्तुॽ॥ खे़ने़ॽनु चोगुङ्‌बा माङ्‌हुप्‍पिल्‍ले़ खे़ङ्‌हाॽ कुलक्‍सि मे़ःन्‍छिसाङ् आङ्‌गाॽ खे़ने़ॽ के़न्‍ने़ॽ के़न्‍साॽ, सदोम नु सामरियान् खे़ने़ॽ के़स्‍सा मे़न्‍छुमा मे़बोङ्‌ल चोगुङ्‌सिङ्‌ॽ॥

इजकिएल 16:46

“खे़ने़ॽ के़न्‍ने़ॽ यम्‍मान् सामरि वये़, खुने़ॽ थाङ्‌गे़त् पिसाङ् कुस्‍सा मे़न्‍छुमाहाॽनु युङे़॥ खे़ने़ॽ के़न्‍साॽ चुक्‍मान् सदोम वये़, खुने़ॽ कुस्‍सा मे़न्‍छुमाहाॽनु लाङ्‌गे़त् पिसाङ् युङे़॥

इजकिएल 16:7

हे़क्‍क्‍याङ् आङ्‌गाॽ इक्‍ताप्‍पोबा सिङ्‌बुङ् कुइसिक् खे़ने़ॽ हुरुम्‍लुम् पोमा थाङ्‌मा फाॽने़॥ खे़ने़ॽ के़बोरे़आङ् मुधिङ् हे़क्‍के नुमा के़बोःक्‍खे़॥ खे़ने़ॽ के़नुबक्‍हाॽ यम्बयम्‍बा पोःक्‍खे़ हे़क्‍क्‍याङ् के़धेगेक् इःन् केःम्‍बा पोःक्‍खे़, कर खे़ने़ॽ आल्‍ल थारिक्‍साङ् ले़क्‍चाबे़धिःक् के़वये़॥

यसैया 49:6

यहवे दाङ्‌बे़ल्‍ले़ पाःत्तुॽ, “आसे़वारोबाए, आल्‍लसाङ् खे़ने़ॽ चोःक्‍मा के़बोङ्‌बा यम्‍बा याःम्‍बक् के़गत्तुरो॥ खे़ने़ॽ इस्राइलबा के़दाङ्‌बा के़याःक्‍पाहाॽ याम्‍मो आङ्‌गाॽओ के़नुःक्‍तु के़दारुसिरो, खे़म्‍म्‍याक्‍लक् मेःन्, मे़न्‍छाम् सुवाङ्‌लुम्‍मो यम्‍बा ओःत्ति चोःक्‍ने़रो॥ हे़क्‍क्‍याङ् इक्‍सादिङ् खाम्‍बेःक्‍किल्‍ले़ कुनुप्‍माधारिक् आङ्‌गाॽ आसे़न्‍लप्‍पिन् खे़ने़ॽ के़गे़त्तुरो॥”

सोलोमनरे़ कुसाम्‍लो 8:10

आङ्‌गाॽग लत्‍छा लुङ्‌धाक्‍कारो, आङ्‌गाॽ आनुःन्‍ग खे़ल्‍ले़ कुजङ्‌हिम्‍लो॥ खे़ल्‍ले़चोगुल्‍ले़ आङ्‌गाॽ लुङ्‌माॽ हिःप्‍तुङ्‌बे़ल्‍ले़ कुनिमो कुसिक् चिम्‍ल के़याःम्‍मा हे़क्‍तङ्‌मा आङ्‌गाॽ पोःक्‍साङ्‌ङाङ् वाॽआरो॥

सोलोमनरे़ कुसाम्‍लो 7:3

काप्‍साबा पे़ःङ्‌वासाःत्‍हाॽ हे़क्‍के खे़ने़ॽ के़नुबक्‍हाॽआङ् थाःप्‍लो॥

सोलोमनरे़ कुसाम्‍लो 4:5

काप्‍साबा पे़ःङ्‌वासाःत्‍हाॽ ले़क्‌वाभुङ्‌ङो चाराम्‍सिबा हे़क्‍के खे़ने़ॽ के़नुबक्‍हाॽआङ् थाःप्‍लो॥

सोलोमनरे़ कुसाम्‍लो 8:9

खे़न् लुङ्‌धाक् पोःक्‍खे़बा हे़क्‍केःल्‍ले़ग आनिगे खे़प्‍मो युप्‍पा चङ्‌हिम् चोगुम्‍बे़बा वये़रो॥ खे़न् लाम्‍धेःप् पोःक्‍खे़बा हे़क्‍केःल्‍ले़ग हे़क्‍मनाबा साम्‍माङ्‌सिङ्‌ङिल्‍ले़ फाङ्‌मनाआङ् खे़न् से़ःप्‍तुम्‍बे़बा वये़रो॥