सोलोमनरे़ कुसाम्लो 5:1 - लिम्बु1 आङ्गाॽ लुङ्माॽ हिःप्ने़मा! आमेःक्खिम्सामे! आङ्गाॽ आभुङ्इक्को लासाङ्ङाङ् याक्कारो, आङ्गाॽ आमुर्र नु आमारुक् सुप्सुङ्ल वाॽआरो॥ आङ्गाॽ आसक्वाघुन् नु कुले़क्किन् चाङ्ल वाॽआरो, खे़ब्याङ् आसेजःङ्वान् नु पित्नुन् थुङुङ्ल वाॽआरो॥ चे़म्मे़ॽओ, आमिःम् आन्जुम्से हे़क्क्याङ् थुङे़म्मे़ॽओ, लुङ्माॽ हिःम्मारे़ निङ्वाॽ मे़न्दाए थे़म्बा थुङे़म्मे़ॽओ! Gade chapit la |
सोलोमनरे़ कुसाम्लो 5:1
43 Referans Kwoze
सेसेमाङ्ङिन् नु सिसामेःत्तिल्ले़ पाःत्छुॽ, “ये़ॽओ!” हे़क्क्याङ् कन् पाःन्हाॽ के़घे़म्बाल्ले़आङ् “ये़ॽओ!” पाःत्तुरो॥ आत्तिन् आःङ्गुगे़न् वामिःक्माल्ले़ तरुआङ् वाॽ, खे़न् ताररो॥ आत्तिल्ले़ निङ्वाॽ चोगुॽ, हाराॽ खे़ल्ले़ कुमे़ल्लुङ् मेःन्नेए मे़न्नुप्मनाबा हिङ्मन् के़बिबा च्वाःत्तिन् थुङुररो॥
यहवे दाङ्बे़ल्ले़ खिनिॽ चक्मे़ल्लॽए लाम्गे़लोसिरो, हे़क्क्याङ् साॽरिक् नाम्गे़लाःङ्बा ते़न्हाॽओआङ् नुबा पाःन्हाॽरे़ खे़निॽ निङ्वाॽ तार चोगुरो॥ खे़म्ब्याङ् खे़निॽ ये़प्पा लुङ्सिहाॽ के़धुम्बा चोगु के़बिरिरो, च्वाःत्तिल्ले़ पयो योरुर वारङ्मनाबा सिङ्सेॽइक् कुइसिक् हे़क्क्याङ् मे़न्जप्मनाबा वाबुन्दाक्वा हे़क्तङ्बा के़बोक्खिरो॥
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
हे़क्केसाङ् खे़ल्ले़ कुइन्धाःक्किन् नु खे़ल्ले़ याःम्बक् चोगुआङ् थगुबा कुयाङ्ङिन् यहवे दाङ्बे़ल्ले़ कुलागि लाःत्लाःत् मे़से़न्दुॽ॥ खे़न् लाःत्लाःत् मे़से़न्दुबा याङ्ङिन् याङ् याङ्मादे़न्नो मे़न्युक्खुन्ॽ॥ खे़ल्ले़ ले़ङ्हङ् चोगुआङ् थगुबा याङ्ङिन् यहवे दाङ्बे़ल्ले़ कुमनाहाॽरे़ लागि वे़त्ते़सरे़ चामा थुङ्मा नु नुःब्नुबा चाङ् चाङ्मारे़ लागि पोङ्लो॥
हे़क्क्याङ् खे़ङ्हाॽ तःक् चासे़ मे़युङ्सिङे़ल्ले़ खे़ङ्हाॽ अक्खे थो ओमे़मये़ हे़क्केःल्ले़ ले़ङ्हङ् के़जोःक्पा गिलादलाम् के़भे़म्बार के़बप्पा इस्माइलि मनाजि थे़ःक्पे़त् मिस्र लाजेॽ ले़प्माङ् कुनाम्गे़नुॽबा मारुक्, हुःत्छिङ्मनाबा फात्छे, हे़क्क्याङ् मुर्र कक्हाॽ उमेहाॽ मे़गुःत्तुसिआङ् मे़देॽरुसिर मे़बत्छे़बा मे़निसुसि॥
Piblisite