सोलोमनरे़ कुसाम्‍लो 3:4 - लिम्‍बु

⁴ आङ्‌गाॽ खे़ङ्‌हाॽ पक्‍थाङ्‌सिङ्‌लो हे़क्‍क्‍याङ् मिसाक् नानाक् के़राङ्‌ङाङ्‌लक् वयाङ्‌लो हे़क्‍केःल्‍ले़ आङ्‌गाॽ लुङ्‌माॽ हिःप्‍तुङ्‌बे़न् तुमुङ्‌लो॥ आङ्‌गाॽ आम्‍मारे़ कुहिम्‍मो, आङ्‌गाॽ सावाःन्‍छिङ्‌ङाबा याक्‍फाङ्‌ङो मे़न्‍देॽए थारिक् आङ्‌गाॽ खुने़ॽ ते़म्‍सुङ्‌ङाङ् पेःक्‍मा मे़म्‍भाःक्‍पाङ्‌लो॥

सोलोमनरे़ कुसाम्‍लो 3:4 Referans Kwoze

सोलोमनरे़ कुसाम्‍लो 8:2

खे़ने़ॽ आङ्‌गाॽ आम्‍मारे़ कुहिम्‍मो तेॽने़बा वये़रो—खुने़ॽए हुॽराङ्‌ङाङ् वये़रो॥ आङ्‌गाॽ खे़ने़ॽ मारुक् केःप्‍मनाबा चे़ल्‍ले़क्‍सेॽ थि पिने़मे़न्‍लो, आङ्‌गाॽ आफुॽले़सेॽलाम् युमनाबा सेजङ्‌वान् थुङ्‌मा पिने़बा वये़रो॥

खाहुन् 8:17

आङ्‌गाॽ मिःम् के़मे़प्‍पाहाॽ मिःम् मे़त्तुङ्‌सिङ्‌लो, आङ्‌गाॽ के़गोःप्‍पाहाॽरे़ आङ्‌गाॽ मे़घोआरो॥

खाहुन् 4:13

खे़ने़ॽ खाहुन्‍निन् ते़म्‍से़ कत्ते़ॽओ, खे़न् पिम्‍मा पेःक्‍मा मे़बाङ्‌घे़न्‍ने़ॽओ, खे़ने़ॽ खे़न् नुरिक् इःत्ते़ नाःत्ते़ॽओ, थेआङ्‌भे़ल्‍ले़ खे़न् खे़ने़ॽ के़हिङ्‌मन्‍लो॥

मत्ति 7:7

“नाःक्‍ते़म्‍मे़ॽ, हे़क्‍क्‍याङ् खिनिॽ के़म्‍बिरिॽ॥ कोःत्ते़म्‍मे़ॽ, हे़क्‍क्‍याङ् खिनिॽ के़घोसुम्॥ लाम्‍धेःप्‍पो पेगे़म्‍मे़ॽआङ् खक्‍खक् मे़त्ते़म्‍मे़ॽ हे़क्‍क्‍याङ् खिनिॽ लागि हन्‍लो॥

मे़रिङ् साप्‍पन् 3:25

यहवे दाङ्‌बे़ल्‍ले़ कुलाम् ओगे़मे़प्‍पाहाॽ, खुने़ॽ के़गोःप्‍पाहाॽनुग खुने़ॽ के़नुॽबा चोक्‍लो॥

यर्मिया 29:13

खिनिॽ आङ्‌गाॽ याप्‍मि के़गोःत्तिॽ, आबाङे खिनिॽ के़रे़क् सिक्‍लुङ्‌माल्‍ले़ आङ्‌गाॽ याप्‍मि के़हक्‍सिॽ हे़क्‍क्‍याङ् आङ्‌गाॽ याप्‍मि के़घोसिॽ॥

यसैया 45:19

खामाक्‍मा लाजेॽओ आत्तिलाम्‍माङ् स्‍वाःत् पाराङ्‌बा होप्‍लो, ‘आङ्‌गाॽ थेनाधे आगोःत्ते़म्‍मे़ॽ’ फाॽआङ् याकुबरे़ कुमुॽइदाङ्‌साहाॽ मे़मे़त्तुङ्‌सिङ्‌ङिल्‍लो॥ आङ्‌गाॽ, यहवे दाङ्‌बान् से़क्‍खा पाःत्तारो, आङ्‌गाॽ के़वाॽबा पाःन्‍हाॽ उवा चोगुङ्‌लो॥”

सोलोमनरे़ कुसाम्‍लो 6:12

कर आङ्‌गाॽ कुभा पान् निङ्‌वाॽ खोमानुःल्‍ले़ तगि, आङ्‌गाॽ हक्‍चघत् हाङ्‌युक्‍पे़ल्‍ले़ कुअन्‍लाधान् युक्‍तुङ्‌ङाङ् वयाङ्‌लो॥

गलाति 4:26

कर चोःक्‌युम्‍भोमा साराःङ्‌ग साङ्‌ग्राम्‍पेदाङ्‌बा यरुसले़म कुइसिक् चोक्‍लो॥ खुने़ॽए आनिॽ मारो॥

मत्ति 28:9

हक्‍चघत् ये़सुरे़ खे़ङ्‌हाॽ तुमुसिआङ् “से़वारो” मे़त्तुसि, हे़क्‍केःल्‍ले़ खे़ङ्‌हाॽ ये़सुरो त्‍ये़त्‍छिआङ् कुलाङ्‌हाॽ ते़म्‍से़त्‍छुर से़वा चोगे़त्‍छु॥

सोलोमनरे़ कुसाम्‍लो 7:5

खे़ने़ॽ के़धे़गेक्‍पान् कर्मेल कोःक्‍मा हे़क्‍के लॽरो॥ केःम्‍बा के़धेगेक् इःन् तिल्‍ले़क् के़ले़क्‍पा नु माक्‍ताङ्‌बा चोक् खे़ल्‍ले़ हाङ्‌ङिन् कुसिराॽ के़धाङ्‌बा चोगुरो॥

तोलिङ्‌सोमु 32:26

खे़ब्‍याङ् खे़न् मनाःल्‍ले़ मे़त्तु, “खाओःप्‍मा चोक्, आङ्‌गाॽ पेःक्‍मा पाङ्‌घाङ्‌ङे़ॽ॥” कर याकुबरे़ नुगप् पिरु, “आङ्‌गाॽ मुॽइसाम् के़म्‍बिआन्‍ल थारिक् मे़ले़त्‍ने़न्॥”

रोमि 8:35

हाःत्‍ले़ ख्रिस्‍तरे़ कुमिःम्‍जिलाम् से़म्‍मा आसुक्‍पे? ये़त्तुक्‍खे, इनोगे़न् तुक्‍खे, निङ्‌घुम्, साक्, चाङ्‌मा वाःप्‍मा होःप्‍मा, किप्‍मा के़घुबा ये़म् इग्र सिमे़ल्‍ले़ से़म्‍मा आसुक्‍पि?

रोमि 8:39

इक्‍सादिङ् खाम्‍बेःक्‍किल्‍ले़ कुजङ्‌धाङ्‌बा नु कुसिगाङ्‌बा, इग्र काक् नावागे़न् चइःत्तोबा मुक्‍साम् थेःल्‍ले़आङ् निङ्‌वाॽफुमाङ्‌ङिल्‍ले़ कुमिःम्‍जिलाम् से़म्‍मा आन्‍छुक्‍ने़न्, थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ आनिॽ दाङ्‌बा ख्रिस्‍त ये़सुलाम् लुङ्‌माॽ आदुक्‍ते़आङ् वाॽरो॥

सोलोमनरे़ कुसाम्‍लो 1:7

आलुङ्‌माॽ के़हिःम्‍बे, आङ्‌गाॽ मे़त्ताङ्‌ङे़ॽओ के़मे़ल्‍लुक् मे़ःन्‍दा चाराम्‍से़ खे़ने़ॽ आत्तो के़देॽरुसिबे? ले़न्‍दिक्‍पा नाम्‍मो खे़ङ्‌हाॽ आत्ति मे़नाःम्‍सिङ्‌बाबे? खे़ब्‍याङ् वेॽ पित्‍कम्‍बाहाॽरे़ खुनिॽ पित्‍लुप्‍पो आङ्‌गाॽ खे़ने़ॽ कोःप्‍मार वाॽमा मे़बोङ्‌ने़न्‍लो॥