6 कङ्ग निङ्वाॽफुमाङ्ङिल्ले़ खे़ङ्हाॽनु चोगुबा माङ्हे़क्हाॽग मे़गे़रे़म्बा मेःन्लो, थेआङ्भे़ल्ले़ इस्राइल सुवाङ्लाम्बा सागे़वाःन्छिङ्बाहाॽ के़रे़क्क से़क्खाबा इस्राइलि मेःन्छिरो॥
कन् पाःन्निन् के़इःप्पा के़नाःप्पाहाॽ निङ्वाॽफुमाङ्ङिल्ले़ सनारुङ् के़बिरिर हे़क्क्याङ् लुङ्माॽ के़दुक्तिररो॥ खे़ङ्हाॽग निङ्वाॽफुमाङ्ङिल्ले़ सेगुसिबा कुसङ् इस्राइलिसिरो॥
खे़ङ्हाॽ कुभा नसाःन्साबा मे़न्जोःक्ने़न्छाङ् थे पोःक्खे़आङ्बे? खे़ङ्हाॽ नसाःन्साबा मे़न्जोःक्ने़न्बाल्ले़ चोगुल्ले़ निङ्वाॽफुमाङ्ङिल्ले़ चोगुबा माङ्हे़क्किन् मे़गे़त्तुम्बि?
ये़सुरे़ नाथाने़ल्ले़न् निःत्ताङ् फे़रे़र पत्छे़बा निसुआङ् मे़त्तु, “ओमे़त्ते़म्मे़ॽओ, से़क्खाबा इस्राइलिन् फे़न्ल पत्लो॥ खुने़ॽ कुनिङ्वाॽबो थेआङ् ताप्फे़ःम्बा होप्लो॥”
निङ्वाॽफुमाङ्ङिल्ले़ इङ्आल्ले़क्ने़न्लो, थेआङ्भे़ल्ले़ खुने़ॽ मे़न्छाम् याप्मि मेःल्लो, खुने़ॽ कुनिङ्वाॽ मे़ले़क्खुन्लो, हे़नाङ्भे़ल्ले़ खुने़ॽ मे़न्छाम् याप्मि मुॽइदाङ्सा मेःन्लो॥ थे खुने़ॽ पाःत्तुआङ् खे़न् मे़जोगुन्बि? इग्र थे खुने़ॽ माङ्हुप् चोगुआङ् खे़न् मे़गे़त्तुम्बि?
ताङ्साक्पे़न् नु खाम्बेःक्मान् ले़क्काङ् पेक्, कर इङ्गाॽ आबाःन्जाक्हाॽ आप्फाल्ले़आङ् मे़ले़क्ने़न् मे़बेःक्ने़न्लो॥
हे़क्केलॽरिक्के आङ्गाॽ पाःत्तुङ्बा आबाःन्जाःक्किन्नाङ् पोङ्लो॥ खे़न् आबाःन्जाःक्किन् थेनाधे याङ्ना आङ्गाॽओ मे़नुःङ्ने़ल्लो, कर आङ्गाॽ चोःक्मा कोःत्तुङ्बा याःम्बक्किन् खे़ल्ले़ चोगुरो, खे़ब्याङ् आङ्गाॽ याःम्बक् चोःक्मारे़ लागि पाङ्घुङ्बान् खे़ल्ले़ कुलिङ्दो के़त्तुरो॥
आनिॽ नसाःन्साबा आम्बोङ्ने़न्छाङ् खुने़ॽग नसाःन्साबा चोक्लो॥ थेआङ्भे़ल्ले़ खुने़ॽग आप्फेक् नाॽसिङ्मा मे़सुक्ने़न्लो॥
हे़क्क्याङ् साम्योसाप्लान् ले़ङ्मा सुक्मे़दे़त्ने़न्बान् के़निसुम्लो॥ निङ्वाॽफुमाङ्ङिल्ले़ आत्तिन्हाॽ पाःन्जाक् पिरुसि खे़ङ्हाॽ खिनिॽ माङ्निङ्लो लॽरिक् मे़त्तुसिरो॥
निङ्वाॽफुमाङ्ङिल्ले़ इस्राइलिहाॽ आबाङे कुस्सा पोङ्से़ सेगुसिआङ् कुमिमिदिङ्ङिन् खे़ङ्हाॽ ओसेःन्धाक्तुसि॥ हे़क्क्याङ् खे़ङ्हाॽनु माङ्हुप्हाॽ चोगुआङ् साम्योथिम्मिन् पिरुसि॥ खे़ङ्हाॽए निङ्वाॽफुमाङ्ङिल्ले़ माङ्हिम्मोबा से़वा चोःक्मान् नु यरिक् माङ्हे़क्हाॽ पिरुसिरो॥
थेआङ्भे़ल्ले़ आनिॽ निङ्वाॽफुमाङ्ङिन् सेसेमाङ्लाम् से़वा के़जोःक्पाहाॽरक् से़क्खा हर्दो के़हे़क्पासिरो॥ आनिॽग मे़न्छाम् याःम्बक्को ताःक्पो आन्युक्खुम्मिल्लो, खे़ल्ले़ कुले़क्वा आनिॽ लागि ख्रिस्त ये़सुरे़ चोगुबा पाःन्नोने़ आसःत्लो॥