रोमि 9:4 - लिम्बु4 निङ्वाॽफुमाङ्ङिल्ले़ इस्राइलिहाॽ आबाङे कुस्सा पोङ्से़ सेगुसिआङ् कुमिमिदिङ्ङिन् खे़ङ्हाॽ ओसेःन्धाक्तुसि॥ हे़क्क्याङ् खे़ङ्हाॽनु माङ्हुप्हाॽ चोगुआङ् साम्योथिम्मिन् पिरुसि॥ खे़ङ्हाॽए निङ्वाॽफुमाङ्ङिल्ले़ माङ्हिम्मोबा से़वा चोःक्मान् नु यरिक् माङ्हे़क्हाॽ पिरुसिरो॥ Gade chapit la |
रोमि 9:4
61 Referans Kwoze
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिल्ले़ कुलागि खिनिॽ लत्छा सेसेबा सुवाङ्निङ्लो॥ यहवे दाङ्बा खिनिॽ निङ्वाॽफुमाङ्ङिल्ले़ इक्सादिङ् खाम्बेःक्को के़वाॽबा के़रे़क् मे़न्छाम् याप्मिहाॽलाम् खुने़ॽ कुलागि लत्छा के़ये़क्पा सुवाङ्, लत्छा इमे़ल्लुङ्बा याङ्साकुन्धे चोःक्मारे़ लागि खिनिॽ के़सेगिआङ् वाॽ॥
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
ये़सुरे़ याम्मो खे़ङ्हाॽ मे़त्तुसि, “वेॽसमा खे़दाॽधिक् खे़प्से़म्मे़ॽओ॥ थिक्ले़ङ् यम्बा लाजेॽदाङ्बाधिक् वये़, खे़ल्ले़ लत्छा इक्को चे़ल्ले़क्सेॽ लेःत्तुआङ् कुघिरि लुङ्धाक् से़त्तुर फाङु, हे़क्क्याङ् कुलुम्मो लुम्बात् तयुआङ् खे़प्मो चे़ल्ले़क्सेॽ एःम्मा ते़न्धिक् चोगु॥ इक् कोमा याक्साधिक्काङ् चोगु, हे़क्क्याङ् खे़न् चे़ल्ले़क्सेॽ इक्किन् कुभ्रे़ःङ् लक् खोमारे़ लागि इक्मसाबाहाॽ पिरुसिआङ् खुने़ॽ लाम्दिक् चोःक्से़ पेरो॥
“एफ्राइमे़न्, के़रे़क्नुःल्ले़ लुङ्माॽ तुक्तुङ्बा आस्सारो, के़रे़क्नुःल्ले़ यरिक् आलुङ्माॽ स्याःत् के़लॽबा आस्सारो कुदक्ले़ङ्वाओ पाःत्तासाङ् मिःम्जिनु निङ्वाॽ इःत्तुङ्लो॥ खुने़ॽ कुलागि आलुङ्माॽ फ्याःङ्भ्याःङ् लॽरो, कुत्चाॽए आङ्गाॽ खुने़ॽ लुङ्माॽ तुक्तुङ्लो॥ आङ्गाॽ यहवे दाङ्बे़ल्ले़ पाःत्तुङ्लो॥
आङ्गाॽ आमनाहाॽ नुःक्तुङ् तारुङ्सिङ्ङिल्ले़ मे़हाःप्लो हे़क्क्याङ् पेलिगे़न् तुवा चोःक्नु मे़नुःङ् मे़दारो॥ आङ्गाॽ मनाहाॽ वहःङ् यङ्घङ्लाम्बा लाम् तोःन्दुङ्सिङ्लो, आघघबा के़होप्पा के़दङ्बा लाम्मो लाङ्घेःक्खुङ्सिङ्लो॥ आङ्गाॽ इस्राइलिहाॽरे़ लागि खुन्छिॽ पानुदिङ् पाआरो खे़ब्याङ् एफ्राइम्मिन् आङ्गाॽ आस्सा तुम्बारो॥
खे़न् मनाःल्ले़ खे़न् यान् मयुरो हे़क्क्याङ् खे़ॽयोबा लुङ्हाॽ खप्सुआङ् लाप्फुसुरो, हे़क्क्याङ् खे़ॽयो के़रे़क्नुःल्ले़ नुबा चे़ल्ले़क्सेःन् लेःत्तुरो॥ खे़न् चे़ल्ले़क्सेॽ इक्किल्ले़ कुलुम्मो लत्छा याक्माहिम्धिक् चोगुरो खे़ब्याङ् याक्पेःल्ले़ कुबेसाङ् लत्छा चे़ल्ले़क्सेॽ एःम्मादे़न् थिक्काङ् चोगुरो॥ हे़क्क्याङ् के़लिम्बा चे़ल्ले़क्सेॽ थोःक्पिला फाॽआङ् खे़ल्ले़ निङ्साङ् चोःक्मा हेःक्तुरो कर खे़ॽयोग के़सुःप्पा चे़ल्ले़क्सेॽनि थोःक्ते़रो॥
हे़क्क्याङ् यहवे दाङ्बे़ल्ले़ मोसान् मे़त्तु, “खे़ने़ॽ के़म्बा के़धाःक्थे़बाहाॽ कुइसिक् खे़ने़ॽ सिमा के़जोक्॥ खे़ने़ॽ के़सिआङ् एगाङ् खे़ङ्हाॽ मे़लाःप्पा लाजेॽओ मे़गे़त्ताङ् कन् मनाहाॽरे़ हाराए वेॽ लाजेॽबा माङ्हाॽ ले़प्माङ् मे़लात् हे़क्क्याङ् याम्साम्मो याम्बोःप्मा याःम्बक् मे़जोगुॽ॥ आङ्गाॽ मे़ले़त्ताआङ् खे़ङ्हाॽनु चोगुङ्बा माङ्हुप्पिन् खे़ङ्हाॽरे़ मे़भेःन्दुॽ॥
मोसान् तुम्मादे़न् साःङ्गाहिम्मो यहवे दाङ्बे़न्नु पाःप्मारे़ लागि सिगाङ् लासे़धक्मा निङ्वाॽफुमाङ् माङ्हुप् साप्लुङ् के़याक्पा सन्दोक्किल्ले़ कुसम्धाङ्बा ने़त्छि करुबहाॽरे़ खुन्छिॽ लुम्मोलाम् खुने़ॽ यहवे दाङ्बे़ल्ले़ कुइक्लान् खे़प्सु॥ अक्खेलॽरिक् यहवे दाङ्बे़न् खुने़ॽनु पारे़रो॥
वहित् थासुबा ये़न्नो खाॽमिःत्तो नाम्धिङ्गोन् निधाःप्पा हे़क्के से़ल्ले़ङ् से़ल्ले़ङ् के़ओःप्पाधिक् खुने़ॽ कुगब्रिङ् पिसाङ् पत्छे़॥ आङ्गाॽ यहवे दाङ्बे़ल्ले़ कुमिमिदिङ्ङिन् अक्तङ्बा निसुङ्॥ आङ्गाॽ कन् निसुङ्ङाङ् खाम्बाङ्ङो साम्बोन् हबत् फन्छिङ्ङाङ्, खे़ब्याङ् कुभारे़ आङ्गाॽ पाःन्छाःत्ताङ्ल पत्छाङ्बा इक्ला खे़प्सुङ्लो॥
हे़क्केलॽरिक्के निङ्वाॽफुमाङ्ङिल्ले़ अब्राहाम्मिन् नु कुमुॽइदाङ्साहाॽ माङ्हे़क्हाॽ पिरुसिरो॥ हे़क्क्याङ् साम्योसाप्लाःल्ले़ “कुमुॽइदाङ्साहाॽ” फाॽइङ्ग यरिक् मनाहाॽ मेःन्, कर “कुमुॽइदाङ्साःन्” लॽरिक् पाःत्तुआङ् पत्॥ खे़न् फाॽइङ्ग लत्छा मनाःल्ले़न् मिक्सेन् पोङ्, खे़ङ्ग ख्रिस्तरो॥
Piblisite