रोमि 8:8 - लिम्‍बु

⁸ लायोबा सुत्‍नाःल्‍ले़ युक्‍तुसिबाहाॽरे़ निङ्‌वाॽफुमाङ्‌ङिल्‍ले़ कुनिङ्‌वाॽ तामा मे़न्‍छुक्‍तुन्‍लो॥

रोमि 8:8 Referans Kwoze

रोमि 7:5

आनिॽग लायोबा सुत्‍नाःल्‍ले़ आयुक्‍ते़आङ् आवये़ल्‍ले़ साम्‌योथिम्‍मिल्‍ले़ आनिॽ नासिङ्‌गे़न् थक्‍को लायोबा निङ्‌वाॽइन् फोःक्‍खुआङ् आनिॽ आजोगुम्‍बा फे़न्‌याःम्‍बक्‍किल्‍ले़ सिमे़न् तारुरो॥

रोमि 8:9

निङ्‌वाॽफुमाङ्‌ङिल्‍ले़ कुयाम्‍साम्‍मिन् खिनिॽओ से़क्‍खाए वाॽने़ फाॽग्र खिनिॽग लायोबा सुत्‍नाःल्‍ले़ कुमना मेःन्‍निङ्, कर सेसेमाङ्‌ङिल्‍ले़ कुमनानिङ्‌लो॥ हे़क्‍क्‍याङ् आत्तिन् मनाःन्‍नु ख्रिस्‍तरे़ कुसेसे माङ्‌ङिन् होप् खे़न् ख्रिस्‍तरे़ कुमना मेःन्‍लो॥

कलस्‍सि 1:10

हे़क्‍क्‍याङ् दाङ्‌बा ये़सुन् लाॽरुबा हिङ्‌मन्‍नो सुम्‍बोधासाबा के़बोःक्‍खिर, हे़क्‍केलॽरिक् काक् परिक्‍ले़ खुने़ॽ कुनिङ्‌वाॽ के़दासुम्‍ल हे़क्‍क्‍याङ् निङ्‌वाॽफुमाङ्‌ङिन् आल्‍लसाङ् नुरिक्‍काङ् कुसिङ् निःप्‍मा के़सुक्‍तुम्‍माङ् काक् नुबा याःम्‍बक्‍किल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ के़दासुम्‍ल फाॽआङ् आनिगे तुवा चोगुम्‍बे़रो॥

युहुन्‍ना 3:3

ये़सुरे़ खे़न् मे़त्तु, “इङ्‌गाॽ से़क्‍खाए मे़त्‍ने़ॽ, याम्‍मो सामे़न्‌वाःन्‍छिङ्‌ङे थारिक् आत्तिल्‍ले़आङ् निङ्‌वाॽफु हाङ्‌जुम्‍मिन् निमा मे़सुक्‍तुन्‍लो॥”

हिब्रु 13:21

खुने़ॽ कुनिङ्‌वाॽ कुइसिक् चोःक्‍मा चाहाबा के़जोगिबा काक् पाःन्‍हाॽरे़ के़गाप्‍तिररो॥ निङ्‌वाॽफुमाङ्‌ङिल्‍ले़ कुनिङ्‌वाॽ के़दाबा काक् पाःन्‍हाॽ ये़सु ख्रिस्‍तलाम्‍बा खिनिॽओ चोगुनिरो॥ हे़क्‍क्‍याङ् सदादिङ् सदादिङ् ख्रिस्‍तरे़ कुमिमिदिङ् पोङ्‌निरो॥ आमे़न्॥

१ युहुन्‍ना 3:22

हे़क्‍क्‍याङ् आनिॽग निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् आइःत्तुम् आनाःत्तुम्‍बा नु खुने़ॽ कुसिराॽ के़धाङ्‌बा याःम्‍बक् आजोगुम्‍बाल्‍ले़ चोगुल्‍ले़ आनिॽ आनाःक्‍तुम्‍बा पाःन्‍निन् खुने़ॽ आबिॽरो॥

युहुन्‍ना 8:29

इङ्‌गाॽ याप्‍मि के़बाङ्‌बाङ्‌ग सदादिङ् इङ्‌गाॽनु वाॽरो॥ खुने़ॽग आप्‍फाल्‍ले़आङ् इङ्‌गाॽ एःक् मे़ल्‍ले़त्ते वाॽरो, थेआङ्‌भे़ल्‍ले़ इङ्‌गाॽ सदादिङ् कुनिङ्‌वाॽ के़दाबा याःम्‍बक् चोगुङ्‌लो॥

१ कोरन्‍थि 7:32

कन् हिङ्‌मन्‍नोबा निङ्‌साम्‍मो मे़ध्‍ये़म्‍मिन्‍ने़ॽ के़लॽबा इङ्‌गाॽ निङ्‌वाॽ चोगुङ्‌लो॥ मेःक्‍खिम् मे़न्‍जोःक्‍के के़वाॽबा मनाःल्‍ले़ आक्‍खेलॽरिक् दाङ्‌बाल्‍ले़ कुनिङ्‌वाॽ तासुङ्‌बे फाॽआङ् निङ्‌साम्‍मो थाःरो॥

१ थिस्‍सलोनिकि 4:1

आल्‍ल फुॽनुसाॽ नु ने़ॽनुसाॽसे, खिनिॽ निङ्‌वाॽफुमाङ्‌ङिल्‍ले़ कुनिङ्‌वाॽ तामार हिङ्‌मा पोङ् लॽरिक् आनिगे़लाम् के़हुॽआसिबा हे़क्‍केए के़जोगुम्‍ल के़वयिॽ॥ कर आल्‍लसाङ् यरिक् नुःरिक्‍काङ् कन् पाःन्‍हाॽ के़जोगुम्‍लए पोङ् फाॽआङ् दाङ्‌बा ये़सुरे़ कुमिङ्‌ङो पेलि फाक्‍कासिगे़रो॥

मत्ति 3:17

हे़क्‍क्‍याङ् साङ्‌ग्राम्‍पेदाङ्‌लाम् अक्‍खेलॽरिक् इक्‍लाधिक् त्‍ये़, “कन् आमिःम् आस्‍सारो, इङ्‌गाॽ खुने़ॽनु साॽरिक् सःत्ताङ्‌ङाङ् वाॽआरो॥”

हिब्रु 13:16

आल्‍ल नुबा याःम्‍बक् चोःक्‍मा नु कम्‍ब्राङ् मे़त्‍छिङ्‌मा कुभाॽ पिसिङ्‌मा निङ्‌वाॽ मे़भेःत्‍छे़म्‍मिन्‍ने़ॽओ, थेआङ्‌भे़ल्‍ले़ अक्‍तङ्‌बा सिदुङ्‌जभाःल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ तासुरो॥

कलस्‍सि 3:20

हिन्‍जाॽबित्‍छासे, खिनिॽ पामाहाॽरे़ मुरा के़म्‍मे़त्तिबा पाःन्‍निन् आप्‍फाल्‍ले़साङ् खे़प्‍से़म्‍मे़ॽ, थेआङ्‌भे़ल्‍ले़ कन् पाःन्‍निल्‍ले़ दाङ्‌बाल्‍ले़ कुनिङ्‌वाॽ तासुॽरो॥

फिलिप्‍पि 4:18

कन् ये़म्‍मो इङ्‌गाॽ चाहाबा चोगाङ्‌बान्‍नुःल्‍ले़आङ् यरिक् पाःन्‍हाॽ खोसुङ्‌ङाङ् वाॽआरो॥ इपाफ्रोदितसरे़ कुहुक्‍कोलाम् के़हाङुम्‍बान् निङ्‌वाॽफुमाङ्‌ङिल्‍ले़ ताःक्‍तुबा नु कुनिङ्‌वाॽ तासुबा कुनाम् के़नुॽबा सिदुङ्‌जभा कुइसिःक्‍पा कुभाॽ याङ्‌ङिन् इङ्‌गाॽ खोसुङ्‌ङाङ् वाॽआरो॥

रोमि 1:21

खे़ङ्‌हाॽरे़ निङ्‌वाॽफुमाङ्‌ङिन् कुसिङ् मे़निःत्तुसाङ् खुने़ॽ पिमा के़बोङ्‌बा मिङ्‌सो इङ्‌धाङ् मे़म्‍बिरुन् हे़क्‍क्‍याङ् नोगे़न्‍नाङ् मे़म्‍बिरुन्‍लो॥ कर खे़ङ्‌हाॽरे़ खुनिॽ इःत्‍छिङ्‌साम्‍मिन् फे़त्‍लाॽरे़ पेरो, हे़क्‍क्‍याङ् खुनिॽ अदङ् निङ्‌वाॽइन् खादाप्‍तुआङ् वाॽरो॥