रोमि 8:6 - लिम्‍बु

⁶ आनिॽ निङ्‌वाॽइन् लायोबा सुत्‍नाःल्‍ले़ युक्‍मा आबाङ्‌घुम्‍मिल्‍ले़ग आसिरो, कर आनिॽ निङ्‌वाॽइन् सेसेमाङ्‌ङिन् युक्‍मा आबाङ्‌घुम्‍ने़ फाॽग्र मे़न्‍नुप्‍मनाबा हिङ्‌मन् नु सनारुङ् आघोसुम्‍लो॥

रोमि 8:6 Referans Kwoze

गलाति 6:8

आत्तिन् मनाःल्‍ले़ लायोबा कुनिङ्‌वाॽइन् कुनिङ्‌वाॽ तामाओरक् तेसुॽ, खे़ल्‍ले़ लायोबा कुनिङ्‌वाॽलाम् सिमे़न् सुप्‍सुॽरो॥ कर आत्तिन् मनाःल्‍ले़ सेसेमाङ्‌ङिल्‍ले़ कुनिङ्‌वाॽ तामाओ तेसुॽ, खे़ल्‍ले़ग सेसेमाङ्‌लाम् मे़न्‍नुप्‍मनाबा हिङ्‌मन्‍निन् सुप्‍सुॽरो॥

रोमि 8:7

थेआङ्‌भे़ल्‍ले़ लायोबा सुत्‍नाःन् निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ पोःक्‍लो॥ खे़ल्‍ले़ निङ्‌वाॽफुमाङ्‌ङिल्‍ले़ कुसाम्‌योथिम्‍मिन् मे़इःत्तुन् मे़नाःत्तुन् हे़क्‍क्‍याङ् इःप्‍मा नाःप्‍माआङ् मे़सुक्‍तुन्‍लो॥

रोमि 8:13

खिनिॽ लायोबा सुत्‍नाःल्‍ले़ निङ्‌वाॽ चोगुबा कुइसिक् के़वयिॽने़ फाॽग्र खिनिॽ के़स्‍ये़ॽइरो, कर सेसेमाङ्‌ङिल्‍ले़ कुमुक्‍साम्‍लाम् लायोबा याःम्‍बक्‍हाॽ के़ले़रुम्‍ने़ फाॽग्र के़हिङिॽरो॥

रोमि 13:14

खे़ल्‍ले़ कुले़क्‌वा नुबा चाङ् चाङ्‌मनाबा कुइसिक् दाङ्‌बा ये़सु ख्रिस्‍तरे़ कुसुत्‍नाःन् चाक्‍खे़म्‍मे़ॽओ॥ हे़क्‍क्‍याङ् लायोबा सुत्‍नाःल्‍ले़ कुनिङ्‌वाॽ पाःप्‍पाःत् चोःक्‍मा निङ्‌वाॽ मे़बिरे़म्‍मिन्‍ने़ॽओ॥

रोमि 6:23

थेआङ्‌भे़ल्‍ले़ लायोरे़ आबिबा नाम्‌याक्‍किङ्‌ग सिमे़न्‍लो, कर निङ्‌वाॽफुमाङ्‌ङिल्‍ले़ आम्‍भा आबिबा पर्धाःम्‍मिङ्‌ग आनिॽ दाङ्‌बा ख्रिस्‍त ये़सुओलाम् मे़न्‍नुप्‍मनाबा हिङ्‌मन्‍लो॥

गलाति 5:22

कर सेसेमाङ्‌ङिल्‍ले़ लाम्‍लोसुसिबा मनाहाॽरे़ वेॽहाॽ लुङ्‌माॽ मे़दुक्‍तुसिॽ, खे़ङ्‌हाॽ मे़सःत्, सनारुङ्‌ङो मे़वाॽ, नासि मे़धःत्, खे़ङ्‌हाॽरे़ वेॽहाॽ नुरिक् मे़मे़त्तुसिॽ, खे़ङ्‌हाॽ नुबा याःम्‍बक् मे़जोक्, निङ्‌वाॽइरे़ खोःप्‍तुसिबा मे़जोक्,

युहुन्‍ना 14:27

“इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ले़ के़बिरिबा हे़क्‍केग मे़बिनिङ्‌ङिन्‍लो॥ खिनिॽ निङ्‌साम्‍मो मे़ध्‍ये़म्‍मिन्‍ने़ॽ हे़क्‍क्‍याङ् मे़गिसे़म्‍मिन्‍ने़ॽओ॥

रोमि 6:21

खे़न् ये़म्‍मो के़जोगुम्‍बा पाःन्‍हाॽलाम् आल्‍लो सिरिङ् के़मयिल्‍ले़ थे इन्‍धाःक् के़घोसुम्‍बे? कुनुप्‍मोग खे़न् पाःन्‍हाॽरे़ मे़न्‍नुप्‍मनाबा सिमे़न्‍नो के़गे़त्तिॽरो॥

रोमि 14:17

थेआङ्‌भे़ल्‍ले़ निङ्‌वाॽफु हाङ्‌जुम्‍मिन् चामा नु थुङ्‌मारे़ कुयाःम्‍बेओ मेःन्, कर साम्‌योनिमा, सनारुङ् नु सेसेमाङ्‌ङिल्‍ले़ आबिबा सःप्‍माल्‍ले़ कुयाःम्‍बेओने़रो॥

रोमि 7:5

आनिॽग लायोबा सुत्‍नाःल्‍ले़ आयुक्‍ते़आङ् आवये़ल्‍ले़ साम्‌योथिम्‍मिल्‍ले़ आनिॽ नासिङ्‌गे़न् थक्‍को लायोबा निङ्‌वाॽइन् फोःक्‍खुआङ् आनिॽ आजोगुम्‍बा फे़न्‌याःम्‍बक्‍किल्‍ले़ सिमे़न् तारुरो॥

युहुन्‍ना 14:6

ये़सुरे़ नोगप् पिरु, “लाम्, से़क्‍खा नु मे़न्‍नुप्‍मनाबा हिङ्‌मन् इङ्‌गाॽएरो॥ आत्तिन्‍नाङ्‌ इङ्‌गाॽ मे़ःन्‍नेग पानुदिङ् पाःल्‍लो के़प्‍मा मे़सुक्‍ने़न्‍लो॥

रोमि 7:11

थेआङ्‌भे़ल्‍ले़ लायोल्‍ले़ साम्‌योइङ्‌जाङ्‌लाम् सुये़म् खोसुआङ् इङ्‌गाॽ इङ्‌ले़क्‍ताङ्‌लो, हे़क्‍क्‍याङ् बा कन् साम्‌योइङ्‌जाङ्‌लाम् इङ्‌गाॽ से़राङ्‌लो॥

रोमि 5:10

खे़न् फाॽइङ्‌ग निङ्‌वाॽफुमाङ्‌ङिल्‍ले़ कुनिङ्‌मि आवये़ल्‍ले़सा आबुगे़न् कुस्‍साःल्‍ले़ कुसिमे़न्‍लाम् निङ्‌वाॽफुमाङ्‌ङिन्‍नु नादङ् आबोःक्‍खे़आङ् आवाॽबाल्‍ले़ चोगुल्‍ले़ खुने़ॽ कुहिङ्‌मन्‍निल्‍ले़ निङ्‌वाॽफुमाङ्‌ङिल्‍ले़ कुघुम्‍दिङ्‌लाम् से़क्‍खाए ताङ्‌आसे़ःप्‍लो॥

रोमि 5:1

खे़ल्‍ले़चोगुल्‍ले़ नसान् आजोगुम्‍बाल्‍ले़ आप्‍तिक् मेःन्‍नेबा आबोःक्‍खे़आङ् आनिॽ दाङ्‌बा ये़सु ख्रिस्‍तलाम्‍बा निङ्‌वाॽफुमाङ्‌ङिन्‍नु आनिॽ नादङ् पोःक्‍खे़आङ् वाॽरो॥

युहुन्‍ना 17:5

पानुदिङ् आम्‍बे, इक्‍सादिङ् खाम्‍बेःक्‍माल्‍ले़ तोलिङ्‌सोमु पोङ्‌मानुःल्‍ले़ तगिआङ्‌धो खे़ने़ॽनु वयाङ्‌ङिल्‍ले़ इङ्‌गाॽ कत्तुङ्‌बा मिमिदिङ्‌ङिल्‍ले़ खे़ने़ॽ के़दगि आमिङ्‌सो इङ्‌धाङ् चोगे़ॽओ॥

रोमि 8:27

हे़क्‍क्‍याङ् आनिॽ सिक्‍लुङ्‌माओबा पान् के़निबा निङ्‌वाॽफुमाङ्‌ङिल्‍ले़ सेसेमाङ्‌ङिल्‍ले़ कुनिङ्‌वाॽइन् निसुॽरो, थेआङ्‌भे़ल्‍ले़ सेसेमाङ्‌ङिल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ कुइसिक् नसानिबाहाॽरे़ लागि निङ्‌वाॽफुमाङ्‌ङिन्‍नु पेलिगे़न् तुवा चोगुॽरो॥