रोमि 7:4 - लिम्बु4 हे़क्केःल्ले़ फुॽनुसाॽ नु ने़ॽनुसाॽसे, ख्रिस्ते़न् स्ये़ःल्ले़ खिनिॽआङ् साम्योथिम्मिल्ले़ कुयुक्किल्ले़ इगे़भुत्तिआङ् के़वयिबाओलाम् के़बाःक्खिरो॥ हे़क्केःल्ले़ निङ्वाॽफुमाङ्ङिल्ले़ कुलागि आनिॽ नुबा याःम्बक् चोःक्मा आसुक्तुम्ल फाॽआङ् आनिॽग सिमे़न्लाम्बा कुहिङ्वे़त् के़बोङ्बान्नु थिक्हुप् आबोःक्खे़आङ् आवाॽरो॥ Gade chapit la |
रोमि 7:4
35 Referans Kwoze
कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन् ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
हे़क्क्याङ् दाङ्बा ये़सुन् लाॽरुबा हिङ्मन्नो सुम्बोधासाबा के़बोःक्खिर, हे़क्केलॽरिक् काक् परिक्ले़ खुने़ॽ कुनिङ्वाॽ के़दासुम्ल हे़क्क्याङ् निङ्वाॽफुमाङ्ङिन् आल्लसाङ् नुरिक्काङ् कुसिङ् निःप्मा के़सुक्तुम्माङ् काक् नुबा याःम्बक्किल्ले़ निङ्वाॽफुमाङ्ङिल्ले़ कुनिङ्वाॽ के़दासुम्ल फाॽआङ् आनिगे तुवा चोगुम्बे़रो॥
खिनिॽ ख्रिस्ते़न्नु सोरिक् के़स्ये़ॽइबारो, हे़क्क्याङ् खुने़ॽए इक्सादिङ् खाम्बेक् कुहेःक्सिङ्माआङ्धोबा हने़बा खाहुन्लाम् चोःक्युम्भो के़बिरिआङ् वाॽरो॥ हे़क्केःल्ले़ कन् ओगप् मे़जोगे़न्ने़ॽ, खे़न् मे़साॽरे़न्ने़ॽ, हे़क्क्याङ् मे़सुसे़न्ने़ॽ के़लॽबा इक्साबा थिम्हाॽ थेआङ् के़इःत्तुम् के़नाःत्तुबाबे?
निङ्वाॽफुमाङ्ङिल्ले़ नागे़हे़त्तिबा कुइसिक् इङ्गाॽआङ् नाहे़त्निङ्ङाङ् वाॽआ, थेआङ्भे़ल्ले़ इङ्गाॽग इत्थुङ्गे़न् नालिसाङ् ख्रिस्ते़न्नुरक् मेःक्खिम् चोःक्मा पिमा माङ्हे़क् चोगुङ् पिनिङ्ङाङ् वाॽआ॥ हे़क्केलॽरिक् खिनिॽ सेसेमा सिसामेःत् कुइसिक् खुने़ॽओए तोःम्मा सुक्निङ्ल के़लॽबा निङ्वाॽ कत्तुङ्लो॥
दाङ्बाल्ले़ कुसाभाङ्जाओबा चल्लङ्ना खोर्यान् आयाङ्सिङ्ङाङ् निङ्वाॽफुमाङ्ङिन् आनिॽ नोगे़न् आबिरुम्॥ हे़क्क्याङ् खे़न् चल्लङ्ना खोर्यालाम् आधुङुम्मिल्ले़ ख्रिस्तरे़ कुमाक्खिॽओ लक् आमे़त्छिङ् मेःम्बि? हे़क्क्याङ् आनिॽ आघे़ःक्खुम्बा खरे़ःङ्ङिन् आजाम्मिल्ले़ ख्रिस्तरे़ नासिङ्गे़न् कुधक्को लक् आमे़त्छिङ् मेःम्बि?
हे़क्केलॽरिक्के कुये़म्बाॽइन् कुहिङ्वे़त् वाॽरए खे़ल्ले़ वेॽ मनाःन्नु मेःक्खिम् चोगुने़ फाॽग्र खे़ङ्ग साम्योथिम्मिल्ले़ चाराम्मा याःम्बक् के़जोःक्मा मे़त्तुॽरो॥ कर कुये़म्बाॽइन् सिआङ्ग खुने़ॽ मेःक्खिम्थिम्लाम् चोःक्युम्भोमा पोङ्लो, हे़क्क्याङ् खे़ल्ले़ वेॽ मनाःन्नु मेःक्खिम् चोगुल्ले़ चाराम्मा याःम्बक् चोगुबा मे़बोङ्ने़ल्लो॥
Piblisite