रोमि 7:11 - लिम्‍बु

¹¹ थेआङ्‌भे़ल्‍ले़ लायोल्‍ले़ साम्‌योइङ्‌जाङ्‌लाम् सुये़म् खोसुआङ् इङ्‌गाॽ इङ्‌ले़क्‍ताङ्‌लो, हे़क्‍क्‍याङ् बा कन् साम्‌योइङ्‌जाङ्‌लाम् इङ्‌गाॽ से़राङ्‌लो॥

रोमि 7:11 Referans Kwoze

तोलिङ्‌सोमु 3:13

खे़ब्‍याङ् यहवे दाङ्‌बा निङ्‌वाॽफुमाङ्‌ङिल्‍ले़ मे़न्‍छुमान् मे़त्तु, “खे़ने़ॽ थेआङ् अक्‍खे के़जोगुबाबे?” मे़न्‍छुमाःल्‍ले़ मे़त्तु, “असेःक्‍के़ल्‍ले़नि इङ्‌ले़क्‍ताङ् हे़क्‍क्‍याङ् आङ्‌गाॽ खे़न् चाङ्॥”

रोमि 7:8

कर कन् लायोल्‍ले़ साम्‌योइङ्‌जाङ्‌लाम् सुये़म् खोसुआङ् इङ्‌गाॽ आसिगाङ् काक् परिक्‍ले़न् खिःम्‍मा निङ्‌वाॽइन् फोःक्‍खु॥ थेआङ्‌भे़ल्‍ले़ साम्‌योथिम्‍मिन् होःप्‍ते़ल्‍ले़ग लायोल्‍ले़ कुमुक्‍साम् होःप्‍ते़बारो॥

हिब्रु 3:13

“आइन्‍बा ये़न्” मे़प्‍नाबा पाःन्‍ने़न् वाॽर थारिक्, थिक्‍ले़ वेॽइन् खाहुन् पिआसिम्‍मे़ॽओ, हे़क्‍क्‍याङ् लायोल्‍ले़न् इङ्‌ले़क्‍किल्‍ले़ खिनिॽ आत्तिल्‍ले़ कुसिक्‍लुङ्‌मे़न्‍निन्‍नाङ् के़साःक्‍पा मे़बोङ्‌ने़ल्‍ल॥

याकुब 1:26

आत्तिल्‍ले़ इङ्‌गाॽ साम्‌योसाबा चोःक्‍का लॽरिक् निङ्‌वाॽ इःत्तुॽ, कर कुले़सोःप्‍पे़न् युक्‍को मे़गत्तुन्‍ने़ फाॽग्र खे़ङ्‌ग इङ्‌ले़क्‍सिङ्‌ङाङ् खे़ल्‍ले़ कुसाम्‌योःङ्‌ग हने़रक् पोङ्‌लो॥

याकुब 1:22

कर पाःन्‍जाक्‍किल्‍ले़ पाःत्तुबा कुइसिक् चोगे़म्‍मे़ॽओ॥ पाःन्‍जाक् के़घे़म्‍बारक् के़बोःक्‍खिॽने़ फाॽग्र आबाङे इङ्‌गे़ले़क्‍कासिॽरो॥

रोमि 7:13

हे़क्‍केःल्‍ले़ नुबा पाःन्‍निल्‍ले़ इङ्‌गाॽ आलागि सिमे़न् तारुबि? मे़दारुन्‍लो, कर लायोन् लायोएरो लॽरिक् कुसिङ् निःप्‍मा आसुक्‍तुम्‍ल फाॽआङ् लायोल्‍ले़ नुबा पाःन्‍लाम् इङ्‌गाॽओ याम्‍साम्‍गे़न् सिमे़न् तारु, हे़क्‍केःल्‍ले़ साम्‌योइङ्‌जाङ्‌ङिल्‍ले़ चोगुल्‍ले़ लायोन् आल्‍लसाङ् साॽरिक् लायोबा चोक् फाॽआङ् निसुङ्‌लो॥

यर्मिया 49:16

किमा यङ्‌मालाम् इङ्‌ले़क्‍को के़ध्‍ये़रो, के़आङ्‌दिङ् के़लॽमालाम् वेॽहाॽ के़लिःक्‍तुसिरो॥ खे़ने़ॽ लुङ्‌याङ्‌पेॽ हाङ्‌यक्‍को के़युङ्‌लो हे़क्‍क्‍याङ् चन्‍जन्‍लुङ् कोःक्‍मा फाङ्‌जङ्‌हाॽ के़युक्‍तुरो॥ कर खे़ने़ॽ किःत्‍थहाॽनु सोसोरिक् थे़गु माङ्‌वाहाॽरे़ कुसम्‍मो हाप् के़जोगुसाङ्, आङ्‌गाॽ यो मक्‍थाःन्‍ने थाने़रो,” यहवे दाङ्‌बे़ल्‍ले़ पाःत्तुआङ् वाॽरो॥

यर्मिया 17:9

“मनाःल्‍ले़ कुनिङ्‌वान् इङ्‌ले़क्‍के चोक्‍लो खे़न् हे़क्‍तङ्‌बा इङ्‌ले़क्‍पा वेॽ थेआङ् होप्‍लो, खे़न् वेःत्‍ल चोःक्‍मा सुक्‍मे़दे़त्‍ने़न्‍लो॥

यसैया 44:20

खे़ल्‍ले़ खाप्‍पुःन् चरो, इङ्‌ले़क्‍के निङ्‌वाःल्‍ले़ खे़न् मुयःक् चोगुरो॥ खे़ल्‍ले़ कुसक्‍मा साम्‍मिन् से़ःप्‍मा मे़सुक्‍तुन्‍लो, अक्‍खे पाःप्‍माआङ् मे़सुक्‍तुन्‍लो, “थे आङ्‌गाॽ आजुक्‌वा हुक्‍को के़वाॽबा पाःन्‍निन् इङ्‌ले़क्‍केग मेःम्‍बि?”

एफिसि 4:22

खे़ल्‍ले़चोगुल्‍ले़ ख्रिस्‍ते़न् नसान् मे़न्‍जोःक्‍के के़वयिल्‍ले़ इङ्‌ले़क्‍के फे़न्‍निङ्‌वाॽइल्‍ले़ फे़त्‍लाःन्‍दुबा खिनिॽ तगिबा ये़प्‍ले़क्‍किन् लाप्‍फुसे़म्‍मे़ॽआङ्

ओबदिया 1:3

खे़ने़ॽ के़निङ्‌वाॽओबा यम्‍बा के़हे़न्‍छिङ्‌मे़ल्‍ले़ खे़ने़ॽ इङ्‌ले़क्‍को के़धासे़आङ् के़वाॽरो॥ खे़ने़ॽ के़निङ्‌वाॽओ अक्‍खे के़बाःत्तुरो, ‘आङ्‌गाॽ याक्‍पेॽहाॽरे़ कुभिःप्‍माहाॽओ हे़क्‍क्‍याङ् चन्‍जम्‍बादे़न्‍हाॽओ के़युङ्‌बाआरो हाःत्‍ले़ आङ्‌गाॽ यो खाम्‍बाङ्‌ङो मुत्‍थामा सुक्‍काबे?’

रोमि 3:20

खे़ल्‍ले़चोगुल्‍ले़ साम्‌योथिम्‍मो के़बप्‍पा पाःन्‍हाॽ इःप्‍मा नाःप्‍माल्‍ले़ निङ्‌वाॽफुमाङ्‌ङिल्‍ले़ कुनिमाओ आत्तिन्‍नाङ्‌ आप्‍तिक् मेःन्‍नेबा आम्‍बोङ्‌ने़न्‍लो॥ साम्‌योथिम्‍मिल्‍ले़ग आनिॽ लायो आजोगुम्‍माङ् आवाॽ के़लॽबान् ओसेःन् आधाक्‍लो॥